ଆମର ଲଢ଼େଇ ଅଧ୍ୟକ୍ଷଙ୍କ ବିରୋଧରେ ନୁହେଁ, ବରଂ ଶାସକ ଦଳ ବିରୋଧରେ: ଜୟରାମ ରମେଶ
ନୂଆଦିଲ୍ଲୀ: ସଂସଦ ସୁରକ୍ଷାରେ ମାମଲାରେ ଶୀତକାଳୀନ ଅଧିବେଶନରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ବୟାନ ମାଗିଥିଲେ ବିରୋଧୀ। ଏହା ପରେ ଉପରାଷ୍ଟ୍ରପତି ଜଗଦୀପ ଧନଖଡ଼ଙ୍କୁ ନେଇ ବିବାଦ ଜୋର ଧରିଥିଲା, ଯାହା ପରେ ମାମଲା ଅଧିକ ଗରମ ହୋଇଥିଲା। ଯେଉଁଥିଲାଗି ପରେ୧୪୬ ଜଣ ସାଂସଦଙ୍କୁ ନିଲମ୍ବିତ କରାଯାଇଥିଲା। ସବୁ ପରେ ଏବେ କଂଗ୍ରେସ ରାଜ୍ୟସଭା ସାଂସଦ ଜୟରାମ ରମେଶ ଦଳର ଆଭିମୁଖ୍ୟ ସ୍ପଷ୍ଟ କରିଛନ୍ତି।
ଜୟରାମ ରମେଶ କହିଛନ୍ତି ଯେ ରାଜ୍ୟସଭା ଅଧ୍ୟକ୍ଷ କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେଙ୍କୁ ୨-୩ଟି ଚିଠି ଲେଖିଛନ୍ତି। ଏହି ସବୁ ଚିଠିର ଉତ୍ତର ମଲ୍ଲିକାର୍ଜୁନ ଖଡ଼ଗେ ମଧ୍ୟ ଦେଇଛନ୍ତି। ସୋମବାର (ଡିସେମ୍ବର ୨୫) ଅଧ୍ୟକ୍ଷଙ୍କୁ ଭେଟିବା ପ୍ରସଙ୍ଗରେ ସେ ଦିଲ୍ଲୀ ବାହାରେ ଥିବାରୁ ଆଜି ସାକ୍ଷାତ କରିପାରିବେ ନାହିଁ। ଆସନ୍ତା ୨-୩ ଦିନ ମଧ୍ୟରେ ସେ ଅଧ୍ୟକ୍ଷଙ୍କୁ ଭେଟିବେ। ସେ ଆହୁରି ମଧ୍ୟ କହିଛନ୍ତି ଯେ ଆମର ଲଢ଼େଇ ଅଧ୍ୟକ୍ଷଙ୍କ ବିରୋଧରେ ନୁହେଁ ବରଂ ଶାସକ ଦଳ ବିରୋଧରେ। ବାଚସ୍ପତି ଏବଂ ଅଧ୍ୟକ୍ଷ ସାମ୍ବିଧାନିକ କର୍ତ୍ତୃପକ୍ଷ ଏବଂ ସେମାନଙ୍କ ପ୍ରତି ଆମର ସମ୍ପୂର୍ଣ୍ଣ ସମ୍ମାନ ରହିଛି।
ସେ କହିଛନ୍ତି ଯେ ସରକାର ଗୃହ ଚଳାଇବାକୁ ଚାହୁଁଛନ୍ତି କି ନାହିଁ ତାହା ମନ ସ୍ଥିର କରିବା ଉଚିତ୍ । ଆପଣ ପିକ୍ଷାଙ୍କୁ ସୁଯୋଗ ଦେବାକୁ ଚାହୁଁଛନ୍ତି କି ନାହିଁ? ଏହା ହେଉଛି ପ୍ରକୃତ ପ୍ରସଙ୍ଗ। ଆମେ କେବଳ ଦାବି କରୁଛୁ ଯେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଏବଂ ପ୍ରଧାନମନ୍ତ୍ରୀ ମୋଦୀ ସୁରକ୍ଷା ଉଲ୍ଲଂଘନ ପ୍ରସଙ୍ଗରେ ବୟାନ ଦିଅନ୍ତୁ। ଏହାକୁ ଅଣଦେଖା କରି ସେ ଗୃହ ବାହାରେ ବୟାନ ଦେଉଛନ୍ତି। ଡିସେମ୍ବର ୧୩ ର ସଂସଦ ଦୁର୍ନୀତି ଉପରେ ସେ କ୍ରମାଗତ ଭାବରେ ଗୃହରେ ଉତ୍ତର ଦେବାକୁ ଏଡ଼ାଇ ଆସୁଛନ୍ତି।
