ଭାରତର ଠାରୁ ସାହାଯ୍ୟ ଲୋଡିଲା ପାକିସ୍ତାନ, ମାଗିଲା ୬୦ଲକ୍ଷ ମଶାରୀ

ନୂଆଦିଲ୍ଲୀ: ଚିନ୍ତା ରେ ଉବୁଡୁବୁ ହେଉଛି ପାକିସ୍ତାନ । ପଡୋଶୀ ଦେଶ ପାକିସ୍ତାନ ପୁଣି ଭାରତର ସାହାଯ୍ୟ ଲୋଡିଛି । କିଛି ରାସ୍ତା ନ ପାଇଁ ପୁଣି ମାଗିଛି ଭାରତକୁ ସାହାର୍ଯ୍ୟ । ଭୟଙ୍କର ବନ୍ୟା ପରିସ୍ଥିତିର ମୁକାବିଲା କରୁଥିବା ପାକିସ୍ତାନରେ ଡେଙ୍ଗୁ ଏବଂ ମ୍ୟାଲେରିଆ ଭଳି ରୋଗର ମାତ୍ରା ବଢିବାରେ ଲାଗିଛି। ଏହି ଘଟଣାର ଗମ୍ଭୀରତାକୁ ଦୃଷ୍ଟିରେ ରଖି ପାକିସ୍ତାନ ସ୍ୱାସ୍ଥ୍ୟ ମନ୍ତ୍ରଣାଳୟ ଭାରତରୁ ୬୦ ଲକ୍ଷ ମଶା ଜାଲ କ୍ରୟକୁ ଅନୁମୋଦନ କରିଛି। ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ପାକିସ୍ତାନ ପାଇଁ ମଶା ଜାଲ କିଣିବା ପାଇଁ ଗ୍ଲୋବାଲ ଫଣ୍ଡ ଅଧୀନରେ ଦିଆଯାଇଥିବା ପାଣ୍ଠିକୁ ବ୍ୟବହାର କରିବ ।

ଖବର ଅନୁଯାୟୀ, ହୁ ଅଧିକାରୀ କହିଛନ୍ତି ଯେ ସେମାନେ ଯଥାଶୀଘ୍ର ମଶା ଜାଲ କିଣିବାକୁ ଯୋଜନା କରୁଛନ୍ତି। ସେମାନେ ଆଶା କରୁଛନ୍ତି ଯେ ଆସନ୍ତା ମାସ ସୁଦ୍ଧା ୱାଗା ସୀମା ଦେଇ ସେମାନେ ମଶା ଜାଲ ପାଇବେ।
ଆମେ ଆପଣଙ୍କୁ କହି ରଖୁଛୁ ଯେ ପାକିସ୍ତାନରେ ଜୁନ୍ ମଧ୍ୟଭାଗରେ ପ୍ରବଳ ବର୍ଷା ଯୋଗୁଁ ପ୍ରବଳ ବନ୍ୟା ପରିସ୍ଥିତି ସୃଷ୍ଟି ହୋଇଥିଲା, ଯେଉଁଥିରେ ଏପର୍ଯ୍ୟନ୍ତ ୧,୭୦୦ ରୁ ଅଧିକ ଲୋକ ପ୍ରାଣ ହରାଇଥିବାବେଳେ ୩.୩ ଲକ୍ଷ ଲୋକ ବିସ୍ଥାପିତ ହୋଇଛନ୍ତି। ପାକିସ୍ତାନର ଏକ ତୃତୀୟାଂଶ ବନ୍ୟାରେ ବୁଡ଼ି ଯାଇଥିଲେ।ରିପୋର୍ଟ ଅନୁଯାୟୀ, ଏହି ରୋଗକୁ ଦୃଷ୍ଟିରେ ରଖି ପାକିସ୍ତାନର ସ୍ୱାସ୍ଥ୍ୟ ମନ୍ତ୍ରଣାଳୟ ଗତ ମାସରେ ମଶା ଜାଲ ନେବାକୁ ଭାରତକୁ ଅନୁରୋଧ କରିଥିଲା। ଅଧିକାରୀ କହିଛନ୍ତି ଯେ ସିନ୍ଧ, ପଞ୍ଜାବ ଏବଂ ବାଲୁଚିସ୍ତାନର ୨୬ ଟି ବନ୍ୟା ପ୍ରଭାବିତ ଜିଲ୍ଲା ପାଇଁ ମଶା ଜାଲ ବ୍ୟବସ୍ଥା କରିବାକୁ ସେ ଗ୍ଲୋବାଲ ଫଣ୍ଡକୁ ଅନୁରୋଧ କରିଛନ୍ତି।

ସୂଚନାମୁତାବକ କାଶ୍ମୀର ଏବଂ ସୀମା ଆତଙ୍କବାଦକୁ ନେଇ ଭାରତ ଏବଂ ପାକିସ୍ତାନ ମଧ୍ୟରେ ସମ୍ପର୍କକୁ ନେଇ ତିକ୍ତତା ଦେଖାଦେଇଛି। ଅଗଷ୍ଟ ୫, ୨୦୧୯ ରେ ଜାମ୍ମୁ କାଶ୍ମୀରର ସ୍ଵତନ୍ତ୍ର ପାହ୍ୟା ମାନ୍ୟତା ମିଳିବା ପରଠାରୁ ଦୁଇ ଦେଶ ମଧ୍ୟରେ ସମ୍ପର୍କ ବହୁତ ବୃଦ୍ଧି ପାଇଥିଲା। ଭାରତର ଏହି ନିଷ୍ପତ୍ତି ପରେ ପାକିସ୍ତାନ ଏହାର କୂଟନୈତିକ ସମ୍ପର୍କକୁ ହ୍ରାସ କରିଛି। ସେବେଠାରୁ ଦୁଇ ଦେଶ ମଧ୍ୟରେ ବାଣିଜ୍ୟିକ ସମ୍ପର୍କରେ ବିରତି ଦେଖାଦେଇଛି।

Get real time updates directly on you device, subscribe now.