ବିବାହର ମାତ୍ର 45 ଦିନ, 16 ବର୍ଷୀୟା କନିଆଁର ପସନ୍ଦ ନ ଥିଲା ବର; ଜଙ୍ଗଲକୁ ଡାକିଲା…ପ୍ରେମିକ ସହ ମିଶି କଲା ଏଭଳି କାଣ୍ଡ…
କନିଆଁ ବରକୁ ଆଦୌ ପସନ୍ଦ କରୁ ନଥିଲା। ପରିବାର ଚାପରେ, ଝିଅଟି ବିବାହ କରିଥିଲା । କିନ୍ତୁ ବିବାହର ମାତ୍ର 45 ଦିନ ପରେ, ସେ ଏପରି କାଣ୍ଡ କଲା, ଯାହା ଶୁଣିଲେ ଆପଣଙ୍କ ଛାତି ଥରି ଉଠିବ ।
ଝାଡ଼ଖଣ୍ଡ: ବେୱାଫା ସୋନମ ରଘୁବଂଶୀଙ୍କ କାଣ୍ଡ କାରନାମା ପୂରା ଦେଶରେ ଚର୍ଚ୍ଚା ହେଉଥିବା ବେଳେ ଆଉ ଜଣେ ବେୱାଫା ପତ୍ନୀର କାହାଣୀ ଏବେ ସମସ୍ତଙ୍କୁ ଥରାଇ ଦେଇଛି । ଜଣେ ଯୁବକ ବହୁ ଆଡ଼ମ୍ବରର ସହିତ ଜଣେ 16 ବର୍ଷୀୟା ଝିଅକୁ ବିବାହ କରିଥିଲେ । କିନ୍ତୁ ସେ ଜାଣି ନଥିଲେ ଯେ ଯାହା ସହିତ ସେ ବଞ୍ଚିବା ଏବଂ ମରିବା ପାଇଁ ପ୍ରତିଜ୍ଞା କରିଥିଲେ, ସେ ହିଁ ତାଙ୍କ ଜୀବନ ନେବ।
କନିଆଁ ବରକୁ ଆଦୌ ପସନ୍ଦ କରୁ ନଥିଲା। କାରଣ ସେ ନବବଧୂ ଅନ୍ୟ କାହାକୁ ଭଲ ପାଉଥିଲା। ସ୍ବାମୀ କିନ୍ତୁ ଏ ବିଷୟରେ ଅଜ୍ଞ ଥିଲା। ପରିବାର ଚାପରେ, ଝିଅଟି ବିବାହ କରିଥିଲା । କିନ୍ତୁ ବିବାହର ମାତ୍ର 45 ଦିନ ପରେ, ଅର୍ଥାତ 31 ଜୁଲାଇରେ ନବ ବଧୂ ତାର ପ୍ରେମିକ ସହିତ ମିଶି ତାଙ୍କ ସ୍ୱାମୀଙ୍କୁ ଏପରି ହତ୍ୟା କରିଥିଲା ଯେ, ଯିଏ ଶୁଣିବ ତାର ଲୋମ ଟାଙ୍କୁରୀ ଉଠିବ । ଏଭଳି ଭୟଙ୍କର ଘଟଣା ଘଟିଛି ଝାଡ଼ଖଣ୍ଡର ନୱାଜପୁର ଥାନା ଅଞ୍ଚଳର ସିଞ୍ଜୋ ଗାଁରେ ।
ଦେଢ଼ ମାସ ପୂର୍ବେ ବିବାହ ହୋଇଥିଲା
ଯୁବତୀ ଜଣକ ପାଲାମୁର ନୱାଜପୁର ଥାନା ଅଞ୍ଚଳର ସିଞ୍ଜୋର ବାସିନ୍ଦା। ୨୨ ଜୁନରେ ତାଙ୍କର ସରଫରାଜ ନାମକ ଜଣେ ପୁଅ ସହିତ ବିବାହ ହୋଇଥିଲା। କିନ୍ତୁ ବିବାହର କିଛି ଦିନ ପରେ ଉଭୟ ଅଲଗା ରହୁଥିଲେ। ପୋଲିସ କହିଛି ଯେ ଅଭିଯୁକ୍ତ ପତ୍ନୀ ତାଙ୍କ ସ୍ୱାମୀ ସରଫରାଜଙ୍କୁ ଜଙ୍ଗଲକୁ ଡାକିଥିଲା। ସ୍ୱାମୀ ମଧ୍ୟ ତାଙ୍କୁ ଭେଟିବାକୁ ସେଠାରେ ପହଞ୍ଚିଥିଲା। କିନ୍ତୁ ତାଙ୍କ ସ୍ତ୍ରୀର ପ୍ରେମିକ ମଧ୍ୟ ପୂର୍ବରୁ ସେଠାରେ ଉପସ୍ଥିତ ଥିଲା। ସ୍ତ୍ରୀ ଏବଂ ତାଙ୍କ ପ୍ରେମିକ ତାଙ୍କୁ ପ୍ରତାରଣା କରି ଜଙ୍ଗଲକୁ ଡାକି ପଥରରେ ଛେଚି ଅତି ନିର୍ମମ ଭାବରେ ହତ୍ୟା କରିଥିଲେ।
ପଳାତକ ପ୍ରେମିକଙ୍କ ସନ୍ଧାନ ଜାରି ରହିଛି
ପୁଲିସ ତାଙ୍କ ସ୍ୱାମୀଙ୍କୁ ହତ୍ୟା ଅଭିଯୋଗରେ ପତ୍ନୀଙ୍କୁ ଗିରଫ କରିଛି। ମୃତକ ଜଣକ ଲାତେହାର ଜିଲ୍ଲାର ମୁଫାସିଲ ଥାନା ଅଞ୍ଚଳର ଦହି ଗାଁର ବାସିନ୍ଦା ଥିଲେ। ସ୍ତ୍ରୀ ତାଙ୍କୁ ଜଙ୍ଗଲରେ ହତ୍ୟା କରି ଶରୀରକୁ ପତ୍ରରେ ଘୋଡ଼ାଇ ଦେଇଥିଲା। ସେପଟେ ଫେରାର ପ୍ରମିକକୁ ଧରିବାକୁ ସର୍ଚ୍ଚ ଅପରେସନ ଆରମ୍ଭ କରିଛି ପୋଲିସ ।