(Video) ପୋଲିସ ଆଗରେ ଲୁଟ୍ ! ମାଗଣା ହେଲମେଟ୍ ପାଇଁ ରାସ୍ତାରେ ଲାଗିଲା ଭିଡ଼, ଯାହାକୁ ଯାହା ମିଳିଲା ଧରି ଦୌଡ଼ିଲେ
ନୂଆଦିଲ୍ଲୀ: ‘ମାଗଣା ମିଳିଲେ ଲୋକ ପିଚୁ ବି ଗିଳିଦେବେ’ କଥା ତ ଆପଣମାନେ ଶୁଣିଥିବେ, ଯାହାକି ଆମ ଦେଶରେ ଖୁବ୍ ପ୍ରଚଳିତ । ଏହାର ଅର୍ଥ ହେଉଛି, ମାଗଣା ଧନକୁ କେହି ବି ଛାଡ଼ନ୍ତି ନାହିଁ । ନିକଟରେ ଏପରି ଏକ ଘଟଣା ମଧ୍ୟପ୍ରଦେଶର ଜବଲପୁରରେ ଦେଖିବାକୁ ମିଳିଛି, ଯେଉଁଠାରେ ଲୋକଙ୍କୁ ସଚେତନ କରିବାକୁ ହୋଇଥିବା ଅଭିଯାନରେ ଏହି କଥା ସତ ପ୍ରମାଣିତ ହୋଇଛି ।
ତେବେ ସମଗ୍ର ଦେଶରେ ହେଲମେଟ୍ ନପିନ୍ଧିବା କାରଣରୁ ଦୁର୍ଘଟଣାରେ ଅଧିକ ମୃତ୍ୟୁ ହେଉଛି । ଏହାକୁ ଗୁରୁତର ସହ ନେଇ ରାଜ୍ୟରେ ହେଲମେଟ୍ ନପିନ୍ଧିବାରୁ ମୋଟା ଅଙ୍କର ଚାଲାଣ କାଟୁଛି ପୋଲିସ । ଏହା ପରେ ବି ଅଧିକାଂଶ ଲୋକ ବିନା ହେଲମେଟରେ ବାଇକ୍ ଚଳାଉଥିବା ନଜର ଆସୁଛନ୍ତି । ଏପରି ପରିସ୍ଥିତିରେ ଜବଲପୁରରେ ପୋଲିସ ସଚେତନତା ଅଭିଯାନ ଅଧିନରେ ହେଲମେଟ୍ ବାଣ୍ଟିବାର କାର୍ଯ୍ୟକ୍ରମ ରଖିଥିଲା ।
ଏହି ଅବସରରେ ଲୋକମାନେ ପାଗଳଙ୍କ ପରି ପୋଲିସଙ୍କ ଆଗରେ ହିଁ ତାଙ୍କଠାରୁ ହେଲମେଟ୍ ଛଡ଼ାଇ ଲୁଟ୍ କରୁଥିବା ଦେଖିବାକୁ ମିଳିଛି । ଏହାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଭିଡିଓକୁ ଅନେକ ପ୍ଲାଟଫର୍ମରେ ଲଗାତାର ସେୟାର କରାଯାଉଛି । ଏହି ଭିଡିଓରେ ମାଗଣା ହେଲମେଟ ପାଇଁ ଲୋକଙ୍କ ପାଗଳାମି ଦେଖିବାକୁ ମିଳିଛି । ପୋଲିସ ଆଗରେ ହିଁ ଲୋକମାନେ ଲୁଟ୍ କରୁଛନ୍ତି । ଯାହା ହାତରେ ଯାହା ଆସୁଛି, ତାକୁ ଧରି ଦୌଡ଼ୁଥିବା ଏହି ଭିଡିଓରେ ଦେଖିବାକୁ ମିଳିଛି ।
एमपी के जबलपुर में जागरूकता अभियान के तहत बांटे जा रहे हेलमेट को लेने के लिए लोगों के बीच मची लूट… पुलिस ने जागरूकता अभियान के तहत बांटे 200 हेलमेट… फ्री की इस लूट को शांत कराने के बजाए पुलिसकर्मी भी हेलमेट लेने से पीछे नहीं रहे…#MP #Jabalpur #Helmet #ViralVideo pic.twitter.com/hXg1ZxyX5H
— Narendra Singh (@NarendraNeer007) November 3, 2022
