ଚାକିରି କରିଥିବା ପୁରୁଷଙ୍କ ପାଇଁ ଖୁସିଖବର! ଏବେ ପିତା ହେଲେ ମିଳିବ ୩ ମାସର ଛୁଟି

ନୂଆଦିଲ୍ଲୀ: ଯଦି ଆପଣ ମଧ୍ୟ ଚାକିରି କରୁଛନ୍ତି, ତେବେ ଏହି ଖବର ନିଶ୍ଚିତ ଭାବରେ ଆପଣଙ୍କୁ ଆଶ୍ୱସ୍ତି ଦେବ । ପିତା ହେବାପରେ ମାତୃତ୍ୱ ଛୁଟି ପରି ପିତୃତ୍ୱ ଛୁଟି ମଧ୍ୟ ମିଳିବ । ବିଶ୍ୱସ ନହେଉଥିଲେ ବି ଏହି ଖବରଟି ୧୦୦ ପ୍ରତିଶତ ସତ । ବର୍ତ୍ତମାନ ପର୍ଯ୍ୟନ୍ତ ଆପଣ କେବଳ ସରକାରୀ କିମ୍ବା ବେସରକାରୀ କମ୍ପାନୀ ଦ୍ୱାରା ମହିଳା କର୍ମଚାରୀମାନଙ୍କୁ ଦିଆଯାଇଥିବା ମାତୃତ୍ୱ ଛୁଟି ବିଷୟରେ ଶୁଣିଥିବେ । ଏହି ଛୁଟି ୨୬ ସପ୍ତାହ ପାଇଁ ଅର୍ଥାତ୍ ୬ ମାସ । କିନ୍ତୁ ବର୍ତ୍ତମାନ ଯେଉଁ ପୁରୁଷମାନେ ପିତା ହେବେ, ସେମାନେ ମଧ୍ୟ ତିନିମାସ ଛୁଟି ପାଇବେ ଏବଂ ଏହାକୁ ପୈତୃକ ଛୁଟି ବର୍ଗରେ ରଖାଯାଇଛି ।

ଏକ ଭାରତୀୟ କମ୍ପାନୀ ଦ୍ୱାରା ଆରମ୍ଭ ହୋଇଥିବା ଏହି ପଦକ୍ଷେପ ଖୁବ୍ ପ୍ରଶଂସନୀୟ । ବର୍ତ୍ତମାନ ପର୍ଯ୍ୟନ୍ତ ବିଭିନ୍ନ ଦେଶରେ ପୁରୁଷଙ୍କୁ ଏହି ଛୁଟି ଦେବାକୁ ବ୍ୟବସ୍ଥା ରହିଛି । ଭାରତରେ ମଧ୍ୟ ଦୀର୍ଘ ସମୟ ଧରି ଏହାର ଦାବି କରାଯାଉଥିଲା । ବର୍ତ୍ତମାନ ଦେଶର କମ୍ପାନୀ ଫାଇଜର ଇଣ୍ଡିଆ ଏହି ବ୍ୟବସ୍ଥାକୁ ଆରମ୍ଭ କରିଛି । ଏହି ଶିଳ୍ପରେ ଏହା ଏକ ଉଦାହରଣ ଭାବରେ ଦେଖାଯାଉଛି । ଫାଇଜର ଇଣ୍ଡିଆ ତରଫରୁ ଏଠାରେ କାର୍ଯ୍ୟ କରୁଥିବା ପୁରୁଷ କର୍ମଚାରୀଙ୍କ ପାଇଁ ପୈତୃକ ଛୁଟି ନୀତି କାର୍ଯ୍ୟକାରୀ କରିବାକୁ ଘୋଷଣା କରାଯାଇଛି ।

Pfizer India ଇଣ୍ଡିଆର ମ୍ୟାନେଜମେଣ୍ଟ ପୁରୁଷ କର୍ମଚାରୀଙ୍କ ପାଇଁ ୧୨ ସପ୍ତାହର ପୈତୃକ ଛୁଟି ନୀତି ଲାଗୁ କରିଛି । ଏହି ନୀତିରେ, ପିତା ହୋଇଥିବା ପୁରୁଷ ଛୁଆଜନ୍ମର ତାରିଖରୁ ଦୁଇ ବର୍ଷ ମଧ୍ୟରେ ଯେକୌଣସି ସମୟରେ ଏହି ଛୁଟିର ଲାଭ ଉଠାଇ ପାରିବେ । ପୈତୃକ ଛୁଟି ପାଇଁ ଆବେଦନ କରୁଥିବା ବ୍ୟକ୍ତିମାନେ ଗୋଟିଏ ସମୟରେ ଅତି କମରେ ଦୁଇ ସପ୍ତାହ ଏବଂ ସର୍ବାଧିକ ୬ ସପ୍ତାହ ଛୁଟି ପାଇପାରିବେ । ଏହାର ଅର୍ଥ ଆପଣ ଗୋଟିଏ ଥରରେ ତିନିମାସ ଛୁଟି ପାଇଁ ଆବେଦନ କରିପାରିବେ ନାହିଁ । କମ୍ପାନୀ ଦ୍ୱାରା ୧ ଜାନୁଆରୀ ୨୦୨୩ ରୁ ଏହି ନୂଆ ନୀତି ଲାଗୁ ହୋଇଛି ।