ଚେୟାରରେ ବସିଥିଲେ ପତ୍ନୀ, ଛାତିରେ ଗୁଳି ମାରି ହତ୍ୟା କଲା ସ୍ୱାମୀ, ଲୋମ ଟାଙ୍କୁରି ଦେବ ଏହି ଘଟଣା (Video)
ନୂଆଦିଲ୍ଲୀ: ରାଜସ୍ଥାନର ଫଲୋଦିି ଜିଲ୍ଲାରେ ଜଣେ ମେଡିକାଲ ବ୍ୟବସାୟୀ ନିଜ ପତ୍ନୀଙ୍କୁ ଗୁଳି କରି ହତ୍ୟା କରିଛନ୍ତି । ମୃତ ମହିଳାଙ୍କ ନାମ ଅନାମିକା ବିଷ୍ଣୁ ବୋଲି କୁହାଯାଉଛି । ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ପୋଲିସ ଘଟଣାସ୍ଥଳରେ ପହଞ୍ଚିଥିଲା । ଏସପି ସୌରଭ ତିୱାରୀ କହିଛନ୍ତି ଯେ, ସିସିଟିଭି ଫୁଟେଜରୁ ଅଭିଯୁକ୍ତଙ୍କୁ ଚିହ୍ନଟ କରାଯାଇଛି । ମହିଳାଙ୍କ ମୃତଦେହ ପୋଷ୍ଟମର୍ଟମ ପାଇଁ ପଠାଯାଇଛି ।
ପାରିବାରିକ କଳହ ହେତୁ ଅନାମିକା ବିକାନେରର ରହୁଥିବା ସ୍ୱାମୀ ମହିରାମଙ୍କଠାରୁ ଅଲଗା ରହୁଥିଲେ । ଅନାମିକା ଦୁଇ ପୁଅଙ୍କ ସହ ଫଲୋଦିରେ ଏକ ଭଡା ଘରେ ରହୁଥିଲେ । ଭରଣପୋଷଣ ସମ୍ବନ୍ଧୀୟ ମାମଲା କୋର୍ଟରେ ୨ ବର୍ଷ ଧରି ଚାଲିଥିଲା । ଅନାମିକା ଫଲୋଦିର ନାଗୌର ରୋଡରେ ଅବସ୍ଥିତ ସିଟି ପଏଣ୍ଟରେ ନାରୀ ସିଲେକ୍ସନ ନାମକ ଏକ ଦୋକାନ ଚଳାଉଥିଲେ । ପତ୍ନୀଙ୍କୁ ହତ୍ୟା କରିବା ପୂର୍ବରୁ ମହିରାମ ଧମକ ଦେବା ପାଇଁ ତାଙ୍କ ଘରକୁ ମଧ୍ୟ ଯାଇଥିଲେ ।
ଘଟଣା ବିଷୟରେ ସୂଚନା ସେତେବେଳେକୁ ସାମ୍ନାକୁ ଆସିଲା, ଯେତେବେଳେ ଦ୍ୱିପହର ୩ ଟା ସମୟରେ ଦୋକାନ ମାଲିକ ଅନାମିକାଙ୍କୁ ଦୀର୍ଘ ସମୟ ଧରି ସମାନ ଅବସ୍ଥାରେ ବସିଥିବାର ଦେଖିଲେ ଏବଂ କୌଣସି ହଲଚଲ ହେଉଥିବାର ଦେଖିଲେନାହିଁ । ସେ ଅନାମିକାଙ୍କୁ ଦେଖିବା ପାଇଁ ଦୋକାନ ଭିତରକୁ ଗଲେ । ସେ ଭିତରକୁ ଗଲାବେଳେ ଦେଖିଲେ ଯେ ସେ ଚେୟାରର ଗୋଟିଏ ପାର୍ଶ୍ୱରେ ଶୋଇଛନ୍ତି ଏବଂ ଚେୟାର ଚାରିପାଖରେ ରକ୍ତ ଛିଟା ପଡିଛି । ଏହା ପରେ ସେ ନିକଟସ୍ଥ ପୋଲିସ ଷ୍ଟେସନରେ ଏ ବିଷୟରେ ସୂଚନା ଦେଇଥିଲେ । ପୋଲିସ ସଙ୍ଗେ ସଙ୍ଗେ ତଦନ୍ତ ଆରମ୍ଭ କରିଥିଲା ଏବଂ ତାଙ୍କୁ ଆମ୍ବୁଲାନ୍ସରେ ଚିକିତ୍ସା ପାଇଁ ନିକଟସ୍ଥ ଜିଲ୍ଲା ଡାକ୍ତରଖାନାକୁ ପଠାଯାଇଥିଲା, ଯେଉଁଠାରେ ଡାକ୍ତର ଅନାମିକାଙ୍କୁ ମୃତ ଘୋଷଣା କରିଥିଲେ ।
ସିସିଟିଭି ଫୁଟେଜ୍ ସାମ୍ନାକୁ ଆସିବା ପରେ ହେଲା ଖୁଲାସା
ଯେତେବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କଲା ସେତେବେଳେ ସେମାନେ ଅନାମିକା ତାଙ୍କ ଦୋକାନ ଆଗରେ ଏକ ସିସିଟିଭି ଲଗାଯାଇଥିବା ଦେଖିବାକୁ ପାଇଥିଲେ । ଯେତେବେଳେ ପୋଲିସ ସିସିଟିଭି ଫୁଟେଜ ଯାଞ୍ଚ କଲା ସେତେବେଳେ ପୁରା ଘଟଣା ସାମ୍ନାକୁ ଆସିଲା । ଜଣେ ବ୍ୟକ୍ତି ମଧ୍ୟାହ୍ନ ପ୍ରାୟ ୧୨ ଟା ସମୟରେ ଦୋକାନରେ ପ୍ରବେଶ କରିଥିଲେ । ସେ ଅନାମିକାଙ୍କ ସହ କିଛି ସମୟ ଯୁକ୍ତିତର୍କ କରିଥିଲେ ଏବଂ ଯୁକ୍ତିତର୍କ କରିବା ସମୟରେ ସେ ହଠାତ୍ ବନ୍ଧୁକ ଦେଖାଇ ଅନାମିକାଙ୍କ ଛାତିରେ ଗୁଳି ଚଳାଇଥିଲେ । ଗୁଳିଟି ଅନାମିକାଙ୍କ ଛାତିରେ ବାଜିଥିିଲା । ସେ ଆହତ ହୋଇ ଚେୟାରର ଗୋଟିଏ ପାର୍ଶ୍ୱକୁ ଅଣାଇହୋଇପଡ଼ିଥିଲେ । ଏହା ପରେ ଗୁଳି ଚଳାଇଥିବା ବ୍ୟକ୍ତି ଦୋକାନରୁ ଦୌଡ଼ି ପଳାଇଥିଲେ । ସିସିଟିଭିରେ ବନ୍ଧୁକ ଦେଖାଇଥିବା ବ୍ୟକ୍ତିଙ୍କୁ ଚିହ୍ନଟ କରିବା ପରେ ପୋଲିସ ଜାଣିବାକୁ ପାଇଲା ଯେ ସେହି ବ୍ୟକ୍ତି ଅନାମିକାଙ୍କ ସ୍ୱାମୀ ମେହରାମଙ୍କ ବ୍ୟତୀତ ଅନ୍ୟ କେହି ନୁହଁନ୍ତି ।
झगड़े के बाद पति ने पत्नी को मारी गोली वारदात को अंजाम देकर पति मौके से फरार, मिली महिला की लाश,पुलिस जुटी आरोपी तलाश में क्षेत्र में दहशत दोनो के बीच 2 साल से कोर्ट में चल रहा मामला @ABPNews@ashokgehlot51 @pravinyadav@BhajanlalBjp @BJP4India @GovindDotasra @gssjodhpur pic.twitter.com/YD3q5vxhpC
— करनपुरी (@abp_karan) February 25, 2024
