ଅଟୋରେ ଫେରୁଥିଲେ, ପଛପଟୁ ପିଟିଲା ପିକନିକ୍ ବସ୍, ୩ ଆହତ

ବାଙ୍କୀ: ବାରଙ୍ଗ ଥାନା ପାଟପୁର ନିକଟରେ ଏକ ସଡ଼କ ଦୁର୍ଘଟଣା ଘଟିଛି । ଏକ ପିକନିକ୍ ବସ୍ ଅଟୋକୁ ପଛପଟୁ ଧକ୍କା ଦେଇଛି । ଫଳରେ ଏହି ଦୁର୍ଘଟଣାରେ ୩ ଜଣ ଆହତ ହୋଇଥିବା ଜଣାପଡ଼ିଛି ।

ଦୁର୍ଘଟଣାକୁ ନେଇ ଉତ୍ତେଜନା: ଅଂଶୁପାରୁ ପିକନିକ୍ ସାରି ଫେରୁଥିବା ସମୟରେ ଏହି ଦୁର୍ଘଟଣା ଘଟିଥିଲା । ଏକ ଅଟୋକୁ ପଛପଟୁ ଧକ୍କା ଦେଇଥିଲା ପିକନିକ୍ ବସ୍ ।

ଏହା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଥିଲା । ଯାନବାହନ ଚଳାଚଳ ବାଧାପ୍ରାପ୍ତ ହୋଇଥିଲା ।

ମେଡିକାଲରେ ଆହତ: ଖବର ପାଇ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ଆହତଙ୍କୁ ଆମ୍ବୁଲାନ୍ସ ମାଧ୍ୟମରେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଇଥିବା ଜଣାପଡ଼ିଛି ।

ଡ୍ରାଇଭର ଫେରାର: ଦୁର୍ଘଟଣା ଘଟାଇବା ପରେ ବସ୍ ଡ୍ରାଇଭର ଘଟଣାସ୍ଥଳରୁ ଫେରାର ହୋଇଥିଲା । ଡ୍ରାଇଭରକୁ ଧରିବା ପାଇଁ ପୋଲିସ ଅଧିକ ତଦନ୍ତ ଜାରି ରଖିଛି ।

ଆଜିକାଲି ବେପାରୁଆ ଗାଡ଼ି ଚାଳନା ଯୋଗୁଁ ଅନେକ ଦୁର୍ଘଟଣା ଘଟୁଥିବା ମାମଲା ସାମ୍ନାକୁ ଆସୁଛି । ଅକାଳରେ ଅନେକ ଜୀବନ ମଧ୍ୟ ଚାଲିଯାଉଛି ।

ଏନେଇ ସାଧାରଣ ଜନତା ସତର୍କତା ଅବଲମ୍ବନ କରିବା ଉଚିତ ।