ସେଣ୍ଟ୍ରାଲ ବ୍ୟାଙ୍କ ଅଫ୍ ଇଣ୍ଡିଆ ଏବଂ ଓଭରସିଜ୍ ବ୍ୟାଙ୍କର ହେବ ଘରୋଇକରଣ
ରାଜ୍ୟମାନଙ୍କ ଦ୍ୱାରା ପରିଚାଳିତ ହେଉଥିବା ଦୁଇଟି ବ୍ୟାଙ୍କକୁ ଘରୋଇକରଣ କରିବା ପାଇଁ ଆଗାମୀ ମୌସୁମୀ ଅଧିବେଶନ ସମୟରେ କେନ୍ଦ୍ର ସରକାର ବ୍ୟାଙ୍କିଙ୍ଗ୍ ରେଗୁଲେସନ ଆକ୍ଟ ଏବଂ ବ୍ୟାଙ୍କିଙ୍ଗ୍ ଆଇନରେ ସଂଶୋଧନ ଆଣିବାର ସମ୍ଭାବନା ରହିଛି । ସେଣ୍ଟ୍ରାଲ ବ୍ୟାଙ୍କ ଅଫ୍ ଇଣ୍ଡିଆ ଏବଂ ଇଣ୍ଡିଆନ ଓଭରସିଜ୍ ବ୍ୟାଙ୍କକୁ ବିଭାଜନ ପାଇଁ ନିତି ଆୟୋଗ ସର୍ଟଲିଷ୍ଟ କରିଥିବା ସୂଚନା ରହିଛି । ବିନିବେଶର ପ୍ରଥମ ପର୍ଯ୍ୟାୟରେ ବ୍ୟାଙ୍କ ଏହାର ୫୧ ପ୍ରତିଶତ ଅଂଶଧନ ବିକ୍ରି କରିବ । ସରକାର ୨୦୨୨ ପାଇଁ ବିନିବେଶ ଟାର୍ଗେଟ ୧.୭୫ ଳକ୍ଷ କୋଟି ରଖିଛନ୍ତି ।
କେନ୍ଦ୍ରୀୟ ବଜେଟ୍ ୨୦୨୧ରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ୨୦୨୧-୨୨ ମସିହାରେ ଦୁଇଟି ସରକାରୀ ବ୍ୟାଙ୍କକୁ ଘରୋଇକରଣ କରିବା ନିଷ୍ପତ୍ତି ନେଇଥିଲେ । ବର୍ତ୍ତମାନ କେନ୍ଦ୍ର ସରକାର ବିନିବେଶକୁ ନେଇ ସଚିବଙ୍କ କୋର ଗ୍ରୁପକୁ ଏହି ଦୁଇ ବ୍ୟାଙ୍କର ନାମ ଅନୂମୋଦନ କରିଛି । ସେମାନଙ୍କର ଏହି ବର୍ଷ ଘରୋଇକରଣ କରାଯିବ । କୋର ଗ୍ରୁପ ପ୍ୟାନେଲର ଅନ୍ୟ ସଦସ୍ୟ ହେଉଛନ୍ତି ଅର୍ଥନେତିକ ବ୍ୟାପାର ସଚିବ, ରାଜସ୍ୱ ସଚିବ, ବ୍ୟୟ ସଚିବ, କର୍ପୋରେଟ ବ୍ୟାପାର ସଚିବ, ଆଇନ ବ୍ୟାପାର ସଚିବ, ସାର୍ବଜନୀନ ଉଦ୍ୟୋଗଗୁଡ଼ିକର ସଚିବ, ପୁଞ୍ଜି ବିନିଯୋଗ ବିଭାଗ ପ୍ରମୁଖ ରହିଛନ୍ତି । କ୍ୟାବିନେଟ ସଚିବଙ୍କ ନେତୃତ୍ୱରେ ସଚିବମାନଙ୍କର ମୁଖ୍ୟ ସମୂହ ନାମର ଅନୁମୋଦନ କରିବା ପରେ ରିପୋର୍ଟ ଅନୁମୋଦନ ପାଇଁ ବୈକଳ୍ପିକ ତନ୍ତ୍ର (ଏଏମ) ଙ୍କ ନିକଟକୁ ଯିବ ଏବଂ ଶେଷରେ ପ୍ରଧାନ ମନ୍ତ୍ରୀଙ୍କ ନେତୃତ୍ୱାଧୀନ କ୍ୟାବିନେଟ ଏହାକୁ ଚୂଡ଼ାନ୍ତ ପାଇଁ କରିଥାଏ । ଏହିଭଳି ଭାବରେ ବିନିବେଶ ହୋଇଥାଏ ।
ତେବେ ବ୍ୟାଙ୍କମାନଙ୍କର ଘରୋଇକରଣକୁ ନେଇ ଗ୍ରାହକଙ୍କୁ ଆତଙ୍କିତ ହେବାର କୌଣସି ଆବଶ୍ୟକତା ନାହିଁ । କାରଣ ଘରୋଇକରଣ ହେବାକୁ ଯାଉଥିବା ବ୍ୟାଙ୍କଗୁଡ଼ିକର ଆକାଉଣ୍ଟଧାରୀମାନେ କୌଣସି କ୍ଷତି ସହିବେ ନାହିଁ । ଗ୍ରାହକମାନେ ପୂର୍ବ ପରି ବ୍ୟାଙ୍କିଂ ସେବା ଜାରି ରଖିବେ । ବାସ୍ତବରେ, ଏହି ସମୟରେ କେନ୍ଦ୍ର ସରକାର ବିନିଯୋଗ ପ୍ରତି ଧ୍ୟାନ ଦେଉଛନ୍ତି । ସରକାର ରାଷ୍ଟ୍ରାୟତ୍ତ ବ୍ୟାଙ୍କ ଗୁଡ଼ିକର ଅଂଶଧନ ବିକ୍ରି କରି ରାଜସ୍ୱ ବୃଦ୍ଧି କରିବାକୁ ଚାହୁଛନ୍ତି ଏବଂ ସେହି ଟଙ୍କାକୁ ସରକାରୀ ଯୋଜନାରେ ବ୍ୟବହାର କରିବାକୁ ଚାହୁଛନ୍ତି । ୨୦୨୧-୨୨ ମସିହାରେ ବିନିଯୋଗରୁ ୧.୭୫ ଲକ୍ଷ କୋଟି ଟଙ୍କା ସଂଗ୍ରହ କରିବାକୁ ଲକ୍ଷ୍ୟ ରଖିଛନ୍ତି ।
