ଅଣ୍ଡା ଚୋରି କରି ସସପେଣ୍ଡ ହେଲେ ହେଡ୍ କନେଷ୍ଟବଳ, ଭିଡିଓ ଭାଇରାଲ୍
ପଞ୍ଜାବ, ୧୬/୦୫(ଓଡିଶା ଭାସ୍କର): କିଛି ଦିନ ହେବ ସୋସିଆଲ୍ ମିଡିଆରେ ଏକ ଭିଡିଓ ଭାଇରାଲ୍ ହେଉଛି ଯେଉଁଥିରେ ଜଣେ ପୋଲିସ୍ କର୍ମଚାରୀ ଅଣ୍ଡା ଚୋରି କରୁଥିବା ଦେଖିବାକୁ ମିଳିଛି । ଉକ୍ତ ପୋଲିସ୍ ଜଣକ ପଞ୍ଜାବ ଫତେଗଡ ସାହିବ୍ ଟାଉନର ହେଡ୍ କନେଷ୍ଟବଳ ହୋଇଥିବା ବେଳେ ତାଙ୍କ ନାଁ ହେଉଛି ପ୍ରୀତିପାଲ୍ ସିଂ ବୋଲି ସୂଚନା ମିଳିଛି । ତେବେ ଭାଇରାଲ୍ ଭିଡିଓରେ ସେ ଅଣ୍ଡା ଚୋରି କରୁଥିବା ଦେଖିବାକୁ ମିଳିଛି । ଏହି ଭିଡିଓଟି ଭାଇରାଲ୍ ହେବା ପରେ ତାଙ୍କୁ ପଞ୍ଜାବ ପୋଲିସ୍ ପକ୍ଷରୁ ସସପେଣ୍ଡ କରି ଦିଆଯାଇଛି । ତାଙ୍କ ଭିଡିଓକୁ ପଞ୍ଜାବ ପୋଲିସ୍ ଟୁଇଟ୍ କରି ସସପେଣ୍ଡ କରାଯାଇଥିବା ନେଇ ସୂଚନା ଦେଇଛି ।
ଉକ୍ତ ଭିଡିଓରେ ଦେଖିବାକୁ ମିଳିଛି ଯେ, ହେଡ୍ କନେଷ୍ଟବଳ ଜଣକ ଏକ ବ୍ୟସ୍ତବହୁଳ ରୋଡ୍ ସାଇଡ୍ ରେ ଥିବା ଏକ ଗାଡିରେ ଅଣ୍ଡା ରଖାଯାଇଥିବା ବେଳେ ସେ ସେହି ଗାଡି ପାଖରେ ଠିଆ ହୋଇଛନ୍ତି । ଆଉ ଗୋଟିଏ ଗୋଟିଏ ଅଣ୍ଡା ଗାଡିରୁ ଆଣି ନିଜ ପକେଟରେ ରଖୁଛନ୍ତି । ତାକୁ ପୁଣି କିଏ କାଳେ ଦେଖୁଥିବ ବୋଲି ଏପଟେ ସେପଟେ ଖୁବ୍ ଯତ୍ନ ସହକାରେ ଚାହୁଁଛନ୍ତି । ଅଣ୍ଡା ପକେଟରେ ରଖିବା ଭିତରେ ଉକ୍ତ ଅଣ୍ଡା ଗାଡିର ଡ୍ରାଇଭର୍ ଆସି ପହଞ୍ଚି ଯାଉଛନ୍ତି । ଆଉ ହେଡ୍ କନେଷ୍ଟବଲ୍ ଜଣକ କିଛି ନ ଜାଣିଲା ପରି ସେଠାରୁ ଚାଲି ଯାଉଛନ୍ତି ।
ਫਤਿਹਗਡ਼੍ਹ ਸਾਹਿਬ ਪੁਲਿਸ ਦਾ ਐਚ.ਸੀ ਪ੍ਰਿਤਪਾਲ ਸਿੰਘ ਜੋ ਇਕ ਰੇਹੜੀ ਵਿੱਚੋਂ ਆਂਡੇ ਚੋਰੀ ਕਰਕੇ ਆਪਣੀ ਜੇਬ ਵਿੱਚ ਪਾ ਰਿਹਾ ਸੀ ਜਿਸ ਦੀ ਵੀਡੀਓ ਵਾਇਰਲ ਹੋ ਗਈ ਸੀ।
ਉਸ ਨੂੰ ਮੁਅੱਤਲ ਕਰਕੇ ਉਸ ਦੇ ਖਿਲਾਫ ਵਿਭਾਗੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।
— Punjab Police India (@PunjabPoliceInd) May 15, 2021
ଏହି ସମୟରେ କେହି ଜଣେ ତାଙ୍କ ଭିଡିଓକୁ ତାଙ୍କ ଫୋନ୍ ରେ ରେକର୍ଡ କରିଛନ୍ତି । ଆଉ ତାକୁ ସୋସିଆଲ ମିଡିଆରେ ଭାଇରାଲ୍ କରିଛନ୍ତି । ପୋଲିସ୍ ଏହି ଭିଡିଓର ଯାଞ୍ଚ କରି ହେଡ୍ କନେଷ୍ଟବଳ କୁ ସସପେଣ୍ଡ କରି ଦେଇଛନ୍ତି ।
