୪.୮ ଲକ୍ଷ ନୁହେଁ, କୋଭିଡରେ ୪୭ ଲକ୍ଷ ଭାରତୀୟ ମରିଛନ୍ତି: ରାହୁଲ
ନୂଆଦିଲ୍ଲୀ: କରୋନା ଭାରଇସ୍ ପ୍ରଭାବରେ ଭାରତରେ ମୋଟ ୪୭ ଲୋକଙ୍କର ମୃତ୍ୟୁ ଘଟିଥିବା ନେଇ ବିଶ୍ୱ ସ୍ୱାସ୍ଥ୍ୟ ସଂଗଠନ (ହୁ) ପକ୍ଷରୁ କୁହାଯାଇଛି । ତେବେ ହୁ’ର ଏହି ମନ୍ତବ୍ୟ ପରେ ଭାରତ ସରକାରଙ୍କ ପକ୍ଷରୁ କଡ଼ା ବିରୋଧ କରାଯାଇଛି । ଅନ୍ୟପକ୍ଷରେ ହୁ’ ପକ୍ଷରୁ ଜାରି ଏହି କୋଭିଡ୍ ମୃତ୍ୟୁ ତଥ୍ୟକୁ ନେଇ ବିରୋଧୀ ସରକାରଙ୍କ ଉପରେ ଘେରିଛି । ପୂର୍ବତନ ଏଆଇସିସି ସଭାପତି ରାହୁଲ ଗାନ୍ଧି ଏହି ପ୍ରସଙ୍ଗରେ ସିଧାସଳଖ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ବର୍ଷିଛନ୍ତି ।
ରାହୁଲ ଟ୍ୱିଟ୍ କରି କହିଛନ୍ତି ଯେ, କୋଭିଡ-୧୯ରେ ଦେଶରେ ୪.୮ ଲକ୍ଷ ନୁହେଁ, ୪୭ ଲକ୍ଷ ଲୋକଙ୍କର ମୃତ୍ୟୁ ଘଟିଛି । ତେଣୁ ମୃତକଙ୍କ ପରିବାରଙ୍କୁ ତୁରନ୍ତ ୪ ଲକ୍ଷ ଟଙ୍କା ଲେଖାଏଁ ସହାୟତା ରାଶି ପ୍ରଦାନ କରିବା ଦରକାର । ବିଜ୍ଞାନ କେବେ ମିଛ କୁହେ ନାହିଁ, ମାତ୍ର ମୋଦୀ କହିପାରିବେ । ଯେଉଁ ପରିବାରମାନେ ସେମାନଙ୍କର ପ୍ରିୟଜନଙ୍କୁ ହରାଇଛନ୍ତି, ସେମାନଙ୍କୁ ସମ୍ମାନ କରିବା ଦରକାର ।
ସୂଚନାଯୋଗ୍ୟ ଯେ, ହୁ’ ପକ୍ଷରୁ କୁହାଯାଇଥିଲା ଯେ, ଗତ ଦୁଇ ବର୍ଷ ମଧ୍ୟରେ କୋଭିଡରେ ପାଖାପାଖି ୧.୫ ଲକ୍ଷ କୋଟି ଲୋକଙ୍କର ମୃତ୍ୟୁ ଘଟିଛି । ଏହି ପରିପ୍ରେକ୍ଷୀରେ ଭାରତରେ ମୋଟ ୪୭ ଲକ୍ଷ ଲୋକ ପ୍ରାଣ ହରାଇଥିଲେ । ଏହି ସଂଖ୍ୟାକୁ ହୁ’ ମହାନିର୍ଦ୍ଦେଶକ ଟେଡ୍ରୋସ ଆଧାନୋମ୍ ଘେବ୍ରେୟେସସ ଅତ୍ୟନ୍ତ ଗମ୍ଭୀର ବୋଲି କହିଥିଲେ ।
ଅନ୍ୟପକ୍ଷରେ ଏନେଇ ନୀତି ଆୟୋଗ ସଦସ୍ୟ ଭିକେ ପଲ କହିଛନ୍ତି ଯେ, କେବଳ ଗାଣିତିକ ମଡେଲକୁ ଆଧାର କରି ହୁ ପକ୍ଷରୁ ମୃତ୍ୟୁ ସଂଖ୍ୟା ଅନୁମାନ କରାଯାଇଛି । ହୁ ପକ୍ଷରୁ ପୁରୁଣା ଟେକନିକ ଓ ମଡେଲ ଜରିଆରେ ମୃତ୍ୟୁ ସଂଖ୍ୟା ସ୍ଥିର କରାଯାଇଛି । ହୁ ଦ୍ୱାରା କେବଳ ୧୭ଟି ରାଜ୍ୟକୁ ନେଇ ତଥ୍ୟ ପ୍ରକାଶ କରାଯାଇଛି । ଦେଶର ମୃତ୍ୟୁସଂଖ୍ୟା କେଉଁ ସମୟରେ ଏକତ୍ର କରାଯାଇଥିଲା ତାହା ହୁ ପକ୍ଷରୁ ସ୍ପଷ୍ଟ କରାଯାଇନାହିଁ ।
47 lakh Indians died due to the Covid pandemic. NOT 4.8 lakh as claimed by the Govt.
Science doesn't LIE. Modi does.
Respect families who've lost loved ones. Support them with the mandated ₹4 lakh compensation. pic.twitter.com/p9y1VdVFsA
— Rahul Gandhi (@RahulGandhi) May 6, 2022