(Video)”ଆପଣ ଛୁଆ ଜନ୍ମ କରିଚାଲନ୍ତୁ, ମୋଦି ଘର ଦେବେ…” କହିଲେ ବିଜେପି ନେତା
ନୂଆଦିଲ୍ଲୀ: ରାଜସ୍ଥାନରେ ନୂତନ ଭାବରେ କ୍ଷମତା ସମ୍ଭାଳିଥିବା ଜନଜାତି ଏବଂ କ୍ଷେତ୍ରୀୟ ବିକାଶ ମନ୍ତ୍ରୀ ବାବୁଲାଲ ଖରାଡ଼େଙ୍କର ଏକ ବିବୃତ୍ତି ବର୍ତ୍ତମାନ ବେଶ ଚର୍ଚ୍ଚାର ବିଷୟ ପାଲଟିଛି । ସେ କହିଛନ୍ତି ଯେ- “ଆପଣ ଯେତେ ପାରୁଛନ୍ତି ସନ୍ତାନ ଜନ୍ମ କରନ୍ତୁ । ଆପଣଙ୍କୁ ଘର ମୋଦି ତିଆରି କରିଦେବେ ।” ତେବେ ଏକ ସଭାରେ ଯୋଗ ଦେବା ସମୟରେ ସେ ଏପରି ବିବୃତ୍ତି ରଖି ବେଶ ଚର୍ଚ୍ଚାରେ ଅଛନ୍ତି ।
ଉଦୟପୁର ସହରଠାରୁ ପ୍ରାୟ ୧୩ କିଲୋମିଟର ଦୂର ନାଇ ଗାଁରେ ଆୟୋଜିତ ଏକ ସଭାରେ ଯୋଗ ଦେଇ ବାବୁଲାଲ ଖରାଡ଼େ ଏପରି ବିବୃତ୍ତି ଦେଇଛନ୍ତି । ସେଠାରେ ଆୟୋଜିତ ହୋଇଥିବା ବିକଶିତ ଭାରତ ସଂକଳ୍ପ ଯାତ୍ରାରେ ସାମିଲ ହୋଇ ଲାଭାର୍ଥୀଙ୍କୁ ଏପରି ଭାଷଣ ଦେଇଥିଲେ । ତେବେ ତାଙ୍କର ଏପରି କଥା ଶୁଣି ସେଠାରେ ଉପସ୍ଥିତ ଥିବା ଜନତା ହସି ହସି ତାଳି ବର୍ଷା କରି ମଜା ଉଡ଼ାଇବା ପରେ ସେଠାରେ ଉପସ୍ଥିତ ଥିବା ଜନପ୍ରତିନିଧି ୟାଡ଼େ-ସିଆଡ଼େ ଦେଖିବାକୁ ଲାଗିଥିଲେ ।
ଏହି ସମ୍ମିଳନୀରେ ବାବୁଲାଲ ଖରାଡ଼େଙ୍କ ସହିତ ମୁଖ୍ୟମନ୍ତ୍ରୀ ଭଜନଲାଲ ଏବଂ ବିଜେପି ବିଧାୟକ ଫୁଲ ସିଂହ ମୀଣା ମଧ୍ୟ ଉପସ୍ଥିତ ଥିଲେ । ତେବେ ବାବୁଲାଲଙ୍କର ଏହି ମନ୍ତବ୍ୟ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
'खूब पैदा करो बच्चे, मोदी जी देंगे सबको छत्त…' भजनलाल सरकार के मंत्री बाबूलाल खराड़ी का बयान हो रहा है वायरल …#rajasthan #bhajanlalsharma #BabulalKharadi #viral #viralvideo @8PMnoCM @JRAnjaniSharma @babulalkharadi3 @BhajanlalBjp @GovindDotasra @PSKhachariyawas pic.twitter.com/KXiEJBfC4r
— Journalist_Rakshit Yadav (@RakshitYadav25) January 9, 2024
