ବଦଳିଲା ମାଗଣା ରାସନ ପାଇବାର ସମୟ: ସକାଳ ଏତିକି ସମୟରେ ଖୋଲିବ ଦୋକାନ, ଘୋଷଣା କଲେ ସରକାର
ନୂଆଦିଲ୍ଲୀ: ଯଦି ଆପଣ ବି ସରକାରଙ୍କ ମାଗଣା ରାସନ ଯୋଜନା ଅଧୀନରେ ଗହମ ଏବଂ ଚାଉଳ ନେଉଛନ୍ତି, ତେବେ ଏହାକୁ ନେଇ ଆସିଛି ଏକ ବଡ଼ ଅପଡେଟ । ସରକାରଙ୍କ ପକ୍ଷରୁ ରାସନ ମିଳିବା ସମୟରେ ପରିବର୍ତ୍ତନ କରାଯାଇଛି । ଯଦି ରାସନ ନେବାରେ ବିଳମ୍ବ ହୁଏ ତେବେ ଆପଣଙ୍କର କ୍ଷତି ହେବ । ଏବେକାର ନିୟମ ଅଛି କି, ଯେତେବେଳେ ବି କାର୍ଡଧାରୀଙ୍କୁ ସମୟ ମିଳିବ, ସେ ଦୋକାନକୁ ଯାଇ ରାସନ ନେଇଆସିବେ । କିନ୍ତୁ ଏବେ ଏପରି କରିବା ଦ୍ୱାରା କ୍ଷତି ହୋଇପାରେ । ସରକାରଙ୍କ ପକ୍ଷରୁ ରାସନ ବଣ୍ଟନ ପ୍ରଣାଳୀ ଏବଂ ରାସନ ଦୋକାନ ଖୋଲିବାର ସମୟରେ ପରିବର୍ତ୍ତନ କରାଯାଇଛି ।
ୟୁପିରେ ୧୫ କୋଟି ରାସନ କାର୍ଡ ବ୍ୟବହାରକାରୀ :-
ସରକାରଙ୍କ ନିର୍ଦ୍ଦେଶରେ ‘ପ୍ରଥମେ ଆସ ପ୍ରଥମେ ପାଅ’ ଆଧାରରେ ରାସନ ବଣ୍ଟନ କରାଯାଉଛି । ତାହା ହେଉଛି, ପ୍ରଥମେ ଆସୁଥିବା ଲୋକଙ୍କୁ ଚାଉଳ ଏବଂ ଗହମ ସହିତ ବାଜରା ମଧ୍ୟ ମାଗଣାରେ ଦିଆଯିବ । ବିଳମ୍ବ ହେଲେ କାର୍ଡଧାରୀଙ୍କୁ କେବଳ ଚାଉଳ ଏବଂ ଗହମ ଦିଆଯିବ । ଉତ୍ତରପ୍ରଦେଶରେ ପ୍ରାୟ ୧୫ କୋଟି ରାସନ କାର୍ଡ ବ୍ୟବହାରକାରୀ ଅଛନ୍ତି । ଏହି ନୂଆ ନିୟମ ସମସ୍ତଙ୍କ ପାଇଁ ପ୍ରଭାବଶାଳୀ ହେବ । ରାଜ୍ୟରେ ପିଏଚଏଚ ଏବଂ ଅନ୍ତୋଦୟ କାର୍ଡଧାରୀମାନେ ପଞ୍ଜିକୃତ ହୋଇଛନ୍ତି । ସେମାନଙ୍କୁ ବେଳେବେଳେ ବିନା ମୂଲ୍ୟରେ ଏବଂ ବେଳେବେଳେ ଶସ୍ତା ମୂଲ୍ୟରେ ରାସନ ଯୋଗାଇ ଦିଆଯାଉଛି ।
୧୩ ରୁ ୨୪ ଏପ୍ରିଲ୍ ପର୍ଯ୍ୟନ୍ତ ରାସନ ବଣ୍ଟାଯିବ :-
ବର୍ତ୍ତମାନ ସରକାର କାର୍ଡଧାରୀଙ୍କୁ ମାଗଣା ରାସନ ବଣ୍ଟନ କରୁଛନ୍ତି । ବର୍ତ୍ତମାନ ଏପ୍ରିଲରେ ରାସନ ବଣ୍ଟନ ଆରମ୍ଭ ହୋଇଛି । ସରକାରଙ୍କ ନୂଆ ରାସନ ବଣ୍ଟନ ଅଧୀନରେ ୧୩ ରୁ ୨୪ ଏପ୍ରିଲ ପର୍ଯ୍ୟନ୍ତ ରାସନ ବଣ୍ଟନ କରାଯିବ । ‘ପ୍ରଥମେ ଆସ, ପ୍ରଥମେ ପାଅ’ ଆଧାରରେ ରାସନ ବଣ୍ଟନ ମାଗଣାରେ ଦିଆଯିବ । ସରକାରଙ୍କ ଦ୍ୱାରା ରାସନ ବଣ୍ଟନ ସମୟରେ ମଧ୍ୟ ଏକ ପରିବର୍ତ୍ତନ କରାଯାଇଛି । ଏବେ ରାସନ ଦୋକାନ ସକାଳ ୬ ଟାରୁ ରାତି ୯ ଟା ପର୍ଯ୍ୟନ୍ତ ଖୋଲିବାକୁ ପଡିବ । ଏହା ସହିତ ସମସ୍ତେ ଆରାମରେ ରାସନ ଗ୍ରହଣ କରିପାରିବେ ।
