ଦେଶରେ ଜାରି ରହିଛି ମହଙ୍ଗା ମାଡ଼: ସେପ୍ଟମ୍ବରରେ ଖୁଚୁରା ମୁଦ୍ରାସ୍ପିତି ୭.୪୧%ରେ ପହଞ୍ଚିଲା
ନୂଆଦିଲ୍ଲୀ: ଦେଶରେ ଜାରି ରହିଛି ମହଙ୍ଗା ମାଡ଼। କେନ୍ଦ୍ର ସରକାର ଏବଂ ରିଜର୍ଭ ବ୍ୟାଙ୍କର ଶତ ପ୍ରଚେଷ୍ଟା ସତ୍ୱେ ଦେଶରେ ଦରଦାମ୍ ବୃଦ୍ଧି ଜାରି ରହିଛି। ସେପ୍ଟମ୍ବରରେ ଖୁଚୁରା ମୁଦ୍ରାସ୍ପିତି(ଜିନିଷର ଦରଦାମ୍ ହାର) ବୃଦ୍ଧି ପାଇ ୭.୪୧%ରେ ପହଞ୍ଚିଛି। ଲଗାତାର ୯ମାସ ଧରି ଭାରତୀୟ ରିଜର୍ଭ ବ୍ୟାଙ୍କର ଆକଳନ ତୁଳନାରେ ମୁଦ୍ରାସ୍ପତି ହାର ଅଧିକ ରହିଛି। ସେହିପରି ସେପ୍ଟମ୍ବରରେ ଖାଦ୍ୟ ମୁଦ୍ରାସ୍ପତି ୮.୬୦%କୁ ବୃଦ୍ଧି ପାଇଛି, ଅଗଷ୍ଟ ମାସରେ ଏହା ୭.୬୨% ଥିଲା।
ଖୁଚୁରା ମୁଦ୍ରାସ୍ଫୀତିର ଏହି ତଥ୍ୟ ରିଜର୍ଭ ବ୍ୟାଙ୍କ ଉପରେ ସୁଧ ହାର ବଢାଇବା ପାଇଁ ପୁଣି ଚାପ ପକାଇବ ବୋଲି ଆଶା କରାଯାଉଛି। ଚଳିତ ବର୍ଷ ୫ମାସ ମଧ୍ୟରେ ଆରବିଆଇ ଚାରିଥର କରି ୫.୪୦% ରୁ ୫.୯୦%କୁ ରେପୋ ରେଟ ବୃଦ୍ଧି କରିଛି। ଏହି ସମୟ ମଧ୍ୟରେ ଇଣ୍ଡଷ୍ଟ୍ରିଆଲ୍ ପ୍ରଡକ୍ସନ୍ ଇଣ୍ଡେକ୍ସ (ଆଇଆଇପି) ଅଗଷ୍ଟ ମାସରେ ୦.୮ ପ୍ରତିଶତ ହ୍ରାସ ପାଇଛି। ଏକ ବର୍ଷ ପୂର୍ବେ ସମାନ ମାସରେ ଶିଳ୍ପ ଉତ୍ପାଦନ ୧୩ ପ୍ରତିଶତ ବୃଦ୍ଧି ପାଇଥିଲା। ତଥ୍ୟ ଅନୁଯାୟୀ, ଅଗଷ୍ଟ ୨୦୨୨ ରେ ଉତ୍ପାଦନ କ୍ଷେତ୍ରର ଉତ୍ପାଦନ ୦.୭ ପ୍ରତିଶତ ହ୍ରାସ ପାଇଛି।
ସେହିପରି ଖଣି ଉତ୍ପାଦନ ୩.୯ ପ୍ରତିଶତ ହ୍ରାସ ପାଇଛି। ଏହି ସମୟରେ, ଏହି ସମୟ ମଧ୍ୟରେ ବିଦ୍ୟୁତ୍ ଉତ୍ପାଦନ ୧.୪ ପ୍ରତିଶତ ବୃଦ୍ଧି ପାଇଥିବା ରିପୋର୍ଟ କହୁଛି। ୨୦୨୦ ରେ କରୋନା ମହାମାରୀ ହେତୁ ଶିଳ୍ପ ଉତ୍ପାଦନ ଉପରେ ଅନେକ ନକାରାତ୍ମକ ପ୍ରଭାବ ପଡିଥିଲା ଏବଂ ଏହା ୫୭.୩ ପ୍ରତିଶତ ହ୍ରାସ ପାଇଥିଲା। ଲକଡାଉନ ଉଠିବା ପରେ ଅର୍ଥନୀତି ସାମାନ୍ୟ ଗତିକୁ ଆସୁଥିବା ବେଳେ ରୁଷିଆ ଏବଂ ୟୁକ୍ରେନ ମଧ୍ୟରେ ଜାରି ରହିଥିବା ଯୁଦ୍ଧ ଆର୍ଥିକ ସଂକଟକୁ ଆହୁରି ଘନୀଭୂତ କରିଛି।
