RI, ଅମିନ ପରୀକ୍ଷା, ସମସ୍ତେ ପ୍ରିଲିମ୍ ପାସ୍, ଦେଇପାରିବେ ମେନ୍ ପରୀକ୍ଷା
OSSSC ପକ୍ଷରୁ ଜାରି ହେଲା ସୂଚନା।
ଭୁବନେଶ୍ୱର: ପ୍ରକାଶ ପାଇଲା ରେଜଲ୍ଟ। ସବୁ ପରୀକ୍ଷାର୍ଥୀ ପାସ୍। ହଁ ଆପଣ ଭାବୁଥିବେ କେଉଁ ପରୀକ୍ଷାରେ ସମସ୍ତେ ପାସ୍। ଆଉ ଆମେ କେଉଁ ପରୀକ୍ଷା କଥା କହୁଛୁ। ତେବେ ଆଜି ପ୍ରକାଶ ପାଇଛି RI, ଅମିନ ପ୍ରିଲିମ୍ ପରୀକ୍ଷାର ଫଳାଫଳ।
ଯେଉଁଥିରେ ସମସ୍ତ ପରୀକ୍ଷାର୍ଥୀ ପାସ୍ କରିଥିବା ସୂଚନା ଦେଇଛି OSSSC। RI, ICDS ସୁପରଭାଇଜର, ARI, ଅମିନ ପରୀକ୍ଷା, ସମସ୍ତେ ପ୍ରିଲିମ୍ ପାସ୍। ଏନେଇ OSSSC ପକ୍ଷରୁ ଜାରି ହେଲା ସୂଚନା।
୨୦୨୪ ସେପ୍ଟେମ୍ୱର ୨୦ରୁ ଅକ୍ଟୋବର ୮ ତାରିଖ ପର୍ଯ୍ୟନ୍ତ ହୋଇଥିଲା ପ୍ରିଲିମ୍ EXAM। ପ୍ରିଲିମନାରୀ ପରୀକ୍ଷା ଦେଇଥିବା ସମସ୍ତେ ଦେଇପାରିବେ ମେନ୍ ପରୀକ୍ଷା। କେବଳ ପ୍ରିଲିମରେ କପି କରି ଧରା ପଡିଥିବା ୯ ଜଣ ମେନ୍ ଦେଇପାରିବେନି।
ହେଲେ କେବେ ମେନ୍ ପରୀକ୍ଷା କରାଯିବ ସେନେଇ ଏବେ କିନ୍ତୁ କୌଣସି ସୂଚନା ଦିଆଯାଇନାହିଁ। କେବେ ମୁଖ୍ୟ ପରୀକ୍ଷା ହେବ ତାହା ପରେ ସୂଚନା ଦିଆଯିବ ବୋଲି OSSSC ପକ୍ଷରୁ କୁହାଯାଇଛି।