ରାଜନୀତିର ଶିକାର ହୋଇ ଦଳରୁ ବାଦ ପଡୁଛନ୍ତି ୱିକେଟ କିପର ବ୍ୟାଟ୍ସମ୍ୟାନ ରିଦ୍ଧିମାନ ଶାହା: ପୂର୍ବତନ କ୍ରିକେଟର
ନୂଆଦିଲ୍ଲୀ: ଭାରତୀୟ ଦଳର ୱିକେଟ କିପର ବ୍ୟାଟ୍ସମ୍ୟାନ ରିଦ୍ଧିମାନ ଶାହାଙ୍କୁ ନେଇ ଏକ ବଡ ବୟାନ ଦେଇଛନ୍ତି ପୂର୍ବତନ କ୍ରିକେଟର ସୟଦ କିରମାନି । ମହେନ୍ଦ୍ର ସିଂହ ଧୋନୀଙ୍କ ସନ୍ନ୍ୟାସ ପରେ ଦଳରେ ୱିକେଟ କିପର ଦାୟିତ୍ୱ ନେଇଥିଲେ ଶାହା । କିନ୍ତୁ ଏବେ ପୁଣିଥରେ ତାଙ୍କ କ୍ୟାରିୟର ସମ୍ଭବତଃ ଶେଷ ହେବାକୁ ଯାଉଛି ବୋଲି ମନ୍ତବ୍ୟ ଦେଇଛନ୍ତି ଏହି ପୂର୍ବତନ କ୍ରିକେଟର । ଦଳରେ ଋଷଭ ପନ୍ତ ଯୋଗ ଦେବା ପରେ ପୁଣି ତରେ ଦଳରୁ ବାହାର ହୋଇଛନ୍ତି ଶାହା । ତେବେ ଏହି ନିଷ୍ପତ୍ତିକୁ ନେଇ କିରମାନିଙ୍କ ବୟାନ କ୍ରିକେଟ ଜଗତରେ ଚର୍ଚ୍ଚାର ବିଷୟ ପାଲଟିଛି ।
ସୂଚନା ଅନୁସାରେ, ରିଦ୍ଧିମାନ ଶାହାଙ୍କ ଟେଷ୍ଟ କ୍ୟାରିୟର ପ୍ରାୟତଃ ଶେଷ ହୋଇଯାଇଥିବା ବେଳେ ପୂର୍ବତନ କ୍ରିକେଟର ସୟଦ କିରମାନି ପଦାରେ ପକାଇଛନ୍ତି । ତାଙ୍କ କହିବା ଅନୁଯାୟୀ ଭାରତୀୟ କ୍ରିକେଟରରେ ରାଜନୀତି ଚାଲିଛି । ଯାହା ପାଇଁ ରିଦ୍ଧିମାନଙ୍କୁ ଏବେ ଅଣଦେଖା କରାଯାଉଛି । ସେ ଶାହାଙ୍କୁ କହିଛନ୍ତି ଯେ, “ତୁମେ ଦଳ ପାଇଁ ବହୁତ କିଛି କରିଛ । ଦଳ ପାଇଁ ଯାହା କରିବା କଥା ତୁମେ କରିଛା ସେଥିରେ କେବେ ଖିଲାପ କରିନ । କିନ୍ତୁ ତୁମେ ଦଳରୁ ବାହାରିବାର ମୁଖ୍ୟ କାରଣ ହେଉଛି ରାଜନୀତି । ତୁମେ ରାଜନୀତିର ଶିକାର ହୋଇ ଦଳରୁ ବାହାର ହୋଇଛ । କୌଣସି ବଡ ଗ୍ରୁପ ସହିତ ତୁମେ ସମ୍ପର୍କୀତ ନୁହେଁ, ତେଣୁ ତୁମକୁ ଦଳରେ ସ୍ଥାନ ମିଳି ପାରିନାହିଁ । କିନ୍ତୁ ମୁଁ ତୁମକୁ ଜଣେ ଭଲ ୱିକେଟକିପର ଭାବେ ଗଣନା କରିବି ।’
ପୂର୍ବରୁ ମହେନ୍ଦ୍ର ସିଂହ ଧୋନୀଙ୍କ ପାଇଁ ଦିନେଶ କାର୍ତ୍ତିକ ଏବଂ ପାର୍ଥିବ ପଟେଲଙ୍କ ସହିତ ମଧ୍ୟ ଠିକ ଏହିପରି ହୋଇଥିଲା । ଦଳରେ ନିଜ ସ୍ଥାନ ପକ୍କା କରି ପାରୁ ନଥିଲେ ଉଭୟ ଖେଳାଳି । ମିଳିଥିବା ସୂଚନା ମୁତାବକ ରିଦ୍ଧିମାନ ଶାହା ଏବେ ରଣଜୀ ଟ୍ରଫିରୁ ନିଜ ନାଁ ଫେରାଇ ନେଇଥିବା ଜଣାଯାଇଛି । ତେବେ ଆଗକୁ ସେ କ୍ରିକେଟରେ କେତେ ଦିନ ତିଷ୍ଠି ରହି ପାରୁଛନ୍ତି ତାହା ଦେଖିବାକୁ ବାକି ରହିଲା ।
