ଭୁବନେଶ୍ବର NHରେ ଟାଟା ଏସିକୁ ପିଟିଲା କାର୍, ଚାଲିଗଲା 2ଜଣଙ୍କ ଜୀବନ

ଭୁବନେଶ୍ବର: ରାଜଧାନୀ ଭୁବନେଶ୍ବର ଉପକଣ୍ଠରେ ବଡ ଧରଣର ଦୁର୍ଘଟଣା । ଯାଁଳା ଫାଣ୍ଡି ନିକଟରେ ଦୁର୍ଘଟଣାରେ 2 ଜଣଙ୍କ ମୃତ୍ୟୁ ହୋଇଥିବା ସୂଚନା । ଏକ ଟାଟା ଏସିକୁ କାର୍ ପଛପଟୁ ଧକ୍କା ଦେଇଥିଲା । ଦୁର୍ଘଟଣାର କାରଣ ସ୍ପଷ୍ଟ ହୋଇନଥିବା ବେଳେ ପୋଲିସର ତଦନ୍ତ ଜାରି ରହିଛି ।

ଟାଟା ଏସିକୁ ଧକ୍କା ଦେଲା କାର୍-   ଖବର ଅନୁସାରେ, ଖୋର୍ଦ୍ଧା ପଟୁ ଗୋଟିଏ କାର ଭୁବନେଶ୍ବର ଯାଉଥିବାବେଳେ ହଠାତ ଡିଭାଇଡରକୁ ଧକ୍କା ଦେଇଥିଲା । ଏହାପରେ ଖୋର୍ଦ୍ଧା ପଟୁ ଆସୁଥିବା ଟାଟା ଏସି ଗାଡି ସହ ପିଟି ହୋଇ ଯାଇଥିଲା ।

ଏହି ଭୟଙ୍କର ଦୁର୍ଘଟଣା ଫଳରେ ଆଖି ପିଛୁଳାକେ 2ଟି ଜୀବନ ଚାଲିଯାଇଥିଲା । ଏହାସହିତ ଆଉ 2 ଜଣ ମଧ୍ୟ ଗୁରୁତର ରହିଥିବା ସୂଚନା ରହିଛି ।

ଯାତାୟତ ବାଧାପ୍ରାପ୍ତ- ଖବରପାଇ ଇନଫୋ ଭ୍ୟାଲି ଥାନା ପୋଲିସ ଘଟଣାସ୍ଥଳରେ ପହଞ୍ଚିଛି । ଆହତଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଛି । ତେବେ ବର୍ତ୍ତମାନ ସୁଦ୍ଧା ଦୁର୍ଘଟଣାର କାରଣ ଜଣାପଡିନାହିଁ ।

ଦୁର୍ଘଟଣାରେ ଜାତୀୟ ରାଜପଥରେ ଯାତାୟତ ବାଧାପ୍ରାପ୍ତ ହୋଇଛି । ପୋଲିସ ଭିଡକୁ ନିୟନ୍ତ୍ରଣ ପାଇଁ ପ୍ରୟାସ ଜାରି ରହିଛି । ତଦନ୍ତ ଶେଷ ହେବା ପରେ ପ୍ରକୃତ କାରଣ ସ୍ପଷ୍ଟ ହୋଇପାରିବ ।