ରୋହିତ ଶର୍ମା ୱାଙ୍ଖେଡେରେ ରଚିଲେ ଇତିହାସ, ଆଇପିଏଲରେ ପୂରା କଲେ ସ୍ପେଶାଲ ‘ଶତକ’
ମୁମ୍ବାଇ ଇଣ୍ଡିଆନ୍ସ ଶାନଦାର ଅନ୍ଦାଜରେ ସନରାଇଜର୍ସ ହାଇଦ୍ରାବାଦର ଟିମକୁ ଚାରି ୱିକେଟରେ ହରାଇଛି । ଏହି ମ୍ୟାଚରେ ହାଇଦ୍ରାବାଦ ପ୍ରଥମେ ବ୍ୟାଟିଂ କରି ୧୬୨ ରନ କରିଥିଲା । ଏହି ସ୍କୋରକୁ ମୁମ୍ବାଇ ସହଜରେ ହାସଲ କରିଛି ।
ନୂଆଦିଲ୍ଲୀ: ରୋହିତ ଶର୍ମା ୨୦୦୮ ମସିହାରେ ଆଇପିଏଲରେ ଖେଳି ଆସୁଛନ୍ତି ଏବଂ ତାଙ୍କ ନାମରେ ଆଇପିଏଲରେ ବଡ଼ ବଡ଼ ରେକର୍ଡ ରହିଛି । ଏବେ ସନରାଇଜର୍ସ ହାଇଦ୍ରାବାଦ ବିପକ୍ଷରେ ଖେଳି ସେ ନୂଆ ରେକର୍ଡ ଜାରି କରିଛନ୍ତି ।
ଏସଆରଏଚ ବିପକ୍ଷରେ ରୋହିତ ୧୬ ବଲରେ ୨୬ ରନ କରିଥିଲେ । ନିଜ ଇନିଂସରେ ସେ ସମୁଦାୟ ୩ଟି ଛକା ମାରିଛନ୍ତି । ଏଥିସହ ସେ ମୁମ୍ବାଇ ୱାଙ୍ଖେଡେ ଷ୍ଟାଡିୟମରେ ଆଇପିଏଲରେ ନିଜେ ୧୦୦ ଛକା ପୂରଣ କରିଛନ୍ତି ।
ରୋହିତ ପୂରା କଲେ ଖାସ ‘ଶତକ’: ରୋହିତ ଶର୍ମା ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ଆଇପିଏଲରେ ୧୦୦ ଛକା ମାରିଥିବା ପ୍ରଥମ ବ୍ୟାଟ୍ସମ୍ୟାନ ହୋଇଯାଇଛନ୍ତି । ଓଭରଅଲ ଆଇପିଏଲରେ ସେ କୌଣସି ଏକ ଭେନ୍ୟୁରେ ୧୦୦ ବା ତା’ଠାରୁ ଅଧିକ ଛକା ମାରିଥିବା ସମୁଦାୟ ଚତୁର୍ଥ ଖେଳାଳି ହୋଇଯାଇଛନ୍ତି ।
View this post on Instagram
ରୋହିତ ପୂର୍ବରୁ ବିରାଟ କୋହଲି ବେଙ୍ଗଲୁରୁରେ ଏମ ଚିତ୍ରାସ୍ୱାମୀ ଷ୍ଟାଡିୟମରେ ୧୩୦ ଛକା ମାରିଥିଲେ । ସେହିପରି କ୍ରିସ ଗେଲ ଏହି ମଇଦାନରେ ୧୨୭ଟି ଛକା ଏବଂ ଏବି ଡିବିଲିଏର୍ସ ଏହି ମ୍ୟାଚରେ ୧୧୮ ଛକା ମାରିସାରିଛନ୍ତି ।