ସ୍କୁଲରେ ଗୁଳିକାଣ୍ଡ; ୩ ମୃତ ୧୧ ଆହତ
ନୂଆଦିଲ୍ଲୀ: ବ୍ରାଜିଲର ଦୁଇଟି ସ୍କୁଲରେ ଭୟଙ୍କର ଗୁଳିକାଣ୍ଡ ହୋଇଛି । ଫଳରେ ୩ ଜଣଙ୍କର ମୃତ୍ୟୁ ହୋଇଥିବା ବେଳେ ୧୧ ଜଣ ଆହତ ହୋଇଛନ୍ତି । ତେବେ ଆହତମାନଙ୍କୁ ମେଡିକାଲରେ ଭର୍ତ୍ତି କରାଯାଇଥିବା ଜଣାପଡିଛି । ମୃତ୍ୟୁବରଣ କରିଥିବା ୩ ଜଣଙ୍କ ମଧ୍ୟରୁ ଦୁଇଜଣ ଶିକ୍ଷକ ଏବଂ ଜଣେ ଛାତ୍ର ଥିବା ସୂଚନା ମିଳିଛି ।
ତେବେ ବିଦ୍ୟାଳୟର ଅଧିକାରୀମାନେ ସୂଚନା ଦେଇ କହିଛନ୍ତି ଯେ, କେହି ଜଣେ ଦୃର୍ବୁତ୍ତ ବୁଲେଟପ୍ରୁଫ୍ ପୋଷାକ ପିନ୍ଧି ଦକ୍ଷିଣ-ପୂର୍ବ ବ୍ରାଜିଲର ଦୁଇଟି ବିଦ୍ୟାଳୟରେ ଆଖିବୁଜା ଗୁଳିଚାଳନା କରିଥିଲା । ଫଳରେ ୩ ଜଣଙ୍କ ମୃତ୍ୟୁ ହୋଇଥିବା ବେଳେ ୧୧ ଜଣ ଗୁରୁତର ଆହାତ ହୋଇଥିଲେ । ତେବେ ଏହି ଘଟଣାର ଖବର ପାଇ ନିକଟସ୍ଥ ପୋଲିସ ଘଟଣାସ୍ଥଲରେ ପହଞ୍ଚି ତଦନ୍ତ ଆରମ୍ଭ କରିଛି ।
ତେବେ ପୋଲିସର ସୂଚନା ଅନୁଯାୟୀଏସପିରିଟୋ ସାଣ୍ଟୋ ରାଜ୍ୟର ଛୋଟ ସହର ଆରାକ୍ରୁଜ୍ ରାସ୍ତାକଡରେ ଅବସ୍ଥିତ ଥିବା ପ୍ରାଥମିକ ଓ ମଧ୍ୟମ ବିଦ୍ୟାଳୟ ଏବଂ ଏକ ଘରୋଇ ବିଦ୍ୟାଳୟରେ ଏହି ଗୁଳି ବିନିମୟ ହୋଇଛି। ଫଳରେ ୩ ଜଣଙ୍କର ଜୀବନ ଯାଇଥିବା ବେଳେ ୧୧ ଜଣ ଆହତ ହୋଇଛନ୍ତି । ତେବେ ଏହି ଘଟଣାକୁ ନେଇ ସେଠାକାର ରାଜ୍ୟପାଳ ରେନାଟୋ କାସାଗ୍ରାଣ୍ଡେ କହିଛନ୍ତି ଯେ, ଏହି ଘଟଣାର ତଦନ୍ତ ଚାଲିଛି । ଏଥିସହିତ ସନ୍ଦିଗ୍ଧ ସୁଟରକୁ ମଧ୍ୟ ଗିରଫ କରାଯାଇଛି। ତେବେ ଏହି ଘଟଣାର ଅଧିକ ତଦନ୍ତ ଚାଲିଥିବା ବେଳେ ଏପରି ଗୁଳିକାଣ୍ଡର ଉଦ୍ଦେଶ୍ୟ କଣ ତାହା ଖୁବ୍ ଶୀଘ୍ର ଜଣାପଡିବ ବୋଲି ରାଜ୍ୟପାଳ ଟ୍ୱିଟ୍ କରି କହିଛନ୍ତି।
