ଯମୁନୋତ୍ରୀ ଧାମରେ ଲାଗୁ ହେଲା ୧୪୪ ଧାରା, ଯିବା ପୂର୍ବରୁ ଜାଣି ନିଅନ୍ତୁ ନିୟମ
Advertisement
ନୂଆଦିଲ୍ଲୀ: ଉତ୍ତରାଖଣ୍ଡର ଚାରିଧାମ ଯାତ୍ରାକୁ ନେଇ ବଡ଼ ଅପଡେଟ ଆସିଛି । ଯମୁନୋତ୍ରୀ ଧାମରେ ଧାରା ୧୪୪ ଲାଗୁ କରାଯାଇଛି । ଉତ୍ତରକାଶୀ ଜିଲ୍ଲା ପ୍ରଶାସନ ଯମୁନୋତ୍ରୀରେ ଭିଡକୁ ନିୟନ୍ତ୍ରଣ କରିବା ଲାଗି ଏହି ନିଷ୍ପତ୍ତି ନିଆଯାଇଛି । କଲେକ୍ଟରଙ୍କ ନିର୍ଦ୍ଦେଶ ମୁତାବକ ଜାନକୀଚଟ୍ଟୀରେ ଯମୁନୋତ୍ରୀ ପର୍ଯ୍ୟନ୍ତ ଚଲାପଥରେ ଘୋଡା ଏବଂ ବାଡି ସଂଖ୍ୟା ସ୍ଥିର କରାଯାଇଛି । ନୂଆ ବ୍ୟବସ୍ଥା ଅନୁଯାୟୀ, ଜାନକୀଚଟ୍ଟୀରୁ ଯମୁନୋତ୍ରୀ ଧାମ ପର୍ଯ୍ୟନ୍ତ ୫ ଘଣ୍ଟାରେ ଦର୍ଶନ କରି ଫେରିବାକୁ ପଡିବ ।
ଉତ୍ତରାଖଣ୍ଡରେ ଚାରିଧାମ ଯାତ୍ରା ଆରମ୍ଭ ହେବା ପରେ ବହୁ ସଂଖ୍ୟାରେ ଶ୍ରଦ୍ଧାଳୁମାନଙ୍କର ଭିଡ ଦେଖିବାକୁ ମିଳୁଛି । ଭିଡକୁ ନିୟନ୍ତ୍ରଣ କରିବା ଲାଗି ଉତ୍ତରକାଶୀର କଲେକ୍ଟର ଧାରା ୧୪୪ ଲାଗୁ କରିବାର ଆଦେଶ ଦେଇଛନ୍ତି । ସୂଚନା ଅନୁଯାୟୀ, ବଡକୋଟର ଡେପୁଟି କଲେକ୍ଟର ଏବଂ ଏସପି ସମେତ ଅନ୍ୟ ଅଧିକାରୀମାନେ ଭିଡକୁ ନେଇ ଡିଏମଙ୍କୁ ରିପୋର୍ଟ କରିଥିଲେ । ଏଥିରେ ଯମୁନୋତ୍ରୀ ଚଲାପଥ ମାର୍ଗର ସଂକୀର୍ଣ୍ଣତା କାରଣରୁ ଯାତ୍ରୀମାନଙ୍କ ଜୀବନ ପ୍ରତି ବିପଦ ରହିଛି ବୋଲି କୁହାଯାଇଛି ।