ନିଜର ପୋଷା କୁକୁରକୁ ବଞ୍ଚାଇବାକୁ ଯାଇ ଭାଲୁ ସହିତ ଲଢ଼ିଲେ ୧୭ ବର୍ଷୀୟା ନାବାଳିକା, ଦେଖନ୍ତୁ ଭିଡିଓ
କାଲିଫର୍ଣ୍ଣିଆ: ନିଜର ପୋଷା କୁକୁରକୁ ବଞ୍ଚାଇବାକୁ ଯାଇ ଜଣେ ୧୭ ବର୍ଷୀୟା ନାବାଳିକା ଭାଲୁ ସହ ଲଢ଼େଇ କରିବାକୁ ପଛାଇ ନାହାନ୍ତି । ଖାଲି ସେତିକି ନୁହେଁ ନାବାଳିକା ଜଣକ ଭାଲୁକୁ ଠେଲି ଦେଇ ନିଜ କୁକୁରକୁ ରକ୍ଷା କରିବାରେ ସକ୍ଷମ ହୋଇଛନ୍ତି ।
This is crazy af omg pic.twitter.com/Sh14yVD9Eu
— Bria Celest (@55mmbae) June 1, 2021
ଏହି ଘଟଣାଟି ଆମେରିକାର କାଲିଫର୍ଣ୍ଣିଆର ସାନ ଗାବ୍ରିଏଲ ଭ୍ୟାଲି ଅଞ୍ଚଳରେ ଘଟିଛି । ଗୋଟିଏ ଘରର ବାଉଣ୍ଡରୀ କାନ୍ଥ ଉପରେ ଗୋଟିଏ ବଡ଼ଭାଲୁ ଅନ୍ୟ ଭାଲୁଙ୍କ ସହ ଆସୁଥିବା ବେଳେ କିଛି କୁକୁର ତାକୁ ଆକ୍ରମଣ କରିଥିଲେ । ଏହାପରେ ବଡ଼ଭାଲୁଟି ଛୋଟ କୁକୁରଗୁଡ଼ିକୁ ଆକ୍ରମଣ କରିବାକୁ ଚେଷ୍ଟା କରିଥିଲା । ଏହି ସମୟରେ ନାବାଳିକା ଜଣକ ଦୌଡ଼ିଯାଇ ଭାଲୁଟିକୁ ଘଉଡ଼ାଇଥିଲେ । ଫଳରେ ଭାଲୁଟି କାନ୍ଥରେ ନିୟନ୍ତ୍ରଣ ହରାଇ ପଡ଼ିଯାଇଥିଲା । ଏହି ସମୟରେ ନାବାଳିକା ଜଣକ କୁକୁରକୁ ସୁରକ୍ଷିତ ଭାବେ ନେଇଆସିଥିଲେ । ନାବାଳିକା ଜଣଙ୍କ ନିଜର ଉପଯୁକ୍ତ ବୁଦ୍ଧି ଖଟାଇ ସାହସର ସହିତ ଭାଲୁ ପରି ହଂସ୍ରଜନ୍ତୁ ସହିତ ଲଢ଼ିଥିବାରୁ ସମସ୍ତେ ତାଙ୍କୁ ପ୍ରଶଂସା କରୁଥିବା ଦେଖାଯାଉଛି । ଏହି ଭିଡିଓଟି ପ୍ରଥମେ ଟିକଟକରେ ସେୟାର କରାଯାଇଥିଲା । ପରେ ଟ୍ୱିଟରରେ ଏହାକୁ ୮.୪ ମିଲିୟନ ଲୋକ ଦେଖିଥିବା ଜଣାପଡ଼ିଛି ।
