ଗାଡ଼ି ଚାଳକଙ୍କୁ ଝଟକା, କାଲିଠୁ ବଢିବ Toll Tax: କିଲୋମିଟର ପ୍ରତି ଦେବାକୁ ହେବ ଏତିକି ଟଙ୍କା
ନୂଆଦିଲ୍ଲୀ: ଅକ୍ଟୋବର ପହିଲାରୁ ଗାଡ଼ି ଚାଳକ ମାନଙ୍କୁ ଲାଗିବ ଶକ୍ତ ଝଟକା । ଯାତାୟତ ପାଇଁ ବୃଦ୍ଧି ପାଇବ ଟୋଲ ଟାକ୍ସ । ଏଣିକି ଏକ୍ସପ୍ରେସ-ୱେରେ ଯିବା ଆସିବା ହୋଇଯିବ ଆହୁରି ମହଙ୍ଗା । ଆସନ୍ତାକାଲି ବର୍ଷର ଦଶମ ମାସ ଆରମ୍ଭ ହେବାକୁ ଯାଉଛି । ନୂଆ ମାସ ସହିତ ଟୋଲ ଟାକ୍ସର ନୂଆ ମୂଲ୍ୟ ମଧ୍ୟ ଆରମ୍ଭ ହେବ । ଟୋଲ ଟାକ୍ସ ମୂଲ୍ୟରେ ପ୍ରାୟ ୧୨ ପ୍ରତିଶତ ବୃଦ୍ଧି କରାଯିବ ବୋଲି ଜାଣିବାକୁ ମିଳିଛି । ଗତ ୩ ବର୍ଷରେ ପ୍ରଥମ ଥର ପାଇଁ ଏହି ଟୋଲ ଟାକ୍ସ ବୃଦ୍ଧି ହୋଇଛି ।
ତେବେ ଅକ୍ଟୋବର ପହିଲାରୁ ବର୍ଦ୍ଧିତ ଟୋଲ ଟାକ୍ସ କେବଳ ଯମୁନା ଏକ୍ସପ୍ରେସ-ୱେରେ ଲାଗୁ ହେବ । ଅର୍ଥାତ୍ ଯମୁନା ଏକ୍ସପେସ-ୱେରେ ଯାତାୟତ କରିବା ଏବେ ମହଙ୍ଗା ହେବାକୁ ଯାଉଛି । ଏ ନେଇ ଯମୁନା ଏକ୍ସପ୍ରେସ-ୱେ ଶିଳ୍ପ ବିକାଶ ପ୍ରାଧିକରଣ(YEIDA) ସୂଚନା ଦେଇଛି । ଅକ୍ଟୋବର ୧ ତାରିଖରୁ ଏହି ପଥରେ ୧୨% ଅଧିକ ଟୋଲ ଦେବେ ଯାତ୍ରୀ । ୟୀଡ଼ାର ସିଇଓ ଡା. ଅରୁଣ ବୀର ସିଂହ କହିଛନ୍ତି ଯେ, ଟୋଲ ଅପରେଟର ଜେପି ଇନଫ୍ରାଟେକ୍ ଲିମିଟେଡ ୨୦୨୧-୨୨ରୁ ଯମୁନା ଏକ୍ସପ୍ରେସ-ୱରେ ଟୋଲ ଦର ବୃଦ୍ଧି କରିବାକୁ ଅନୁରୋଧ କରୁଛନ୍ତି । କିନ୍ତୁ ଜନତାଙ୍କ ଫାଇଦା ପାଇଁ ୩ ବର୍ଷରୁ ଏହି ଟୋଲ ଟାକ୍ସ ବୃଦ୍ଧି କରାଯାଇନାହିଁ । ଏହାପରେ ୟୀଡ଼ା ପକ୍ଷରୁ କୁହାଯାଇଛି ଯେ, ୩ ବର୍ଷରୁ ଟୋଲ ଟାକ୍ସ ବୃଦ୍ଧି ହୋଇନାହିଁ । ତେଣୁ ଯମୁନା ଏକ୍ସପେସ-ୱେରେ ଯାତ୍ରୀଙ୍କ ଟୋଲ ଟାକ୍ସ ପାଇଁ ୧୨% ଅଧିକ ଖର୍ଚ୍ଚାନ୍ତ ହେବାକୁ ପଡ଼ିବ ।
ଦୁଇ ଚକିଆ ଯାନ ପାଇଁ କେତେ ଟାକ୍ସ?
ଯମୁନା ଏକ୍ସପ୍ରେସୱେରେ ନୂଆ ଟୋଲ୍ ଦର ଲାଗୁ ହେବା ପରେ କାର ଏବଂ ଜିପ୍ ପାଇଁ ପ୍ରାୟ ୫୦୦ ଟଙ୍କା ଖର୍ଚ୍ଚ ହେବ । ଯେଉଁଠାରେ ଦୁଇ ଚକିଆ ଯାନକୁ ପ୍ରାୟ ୨୫୦ ଟଙ୍କା ଟୋଲ ଟ୍ୟାକ୍ସ ଦେବାକୁ ପଡିବ । ଅନ୍ୟ ଯାନଗୁଡିକ କାର ଏବଂ ବାଇକ୍ ଅପେକ୍ଷା ଅଧିକ ଟୋଲ୍ ଟ୍ୟାକ୍ସ ଦେବାକୁ ପଡିବ । ଯମୁନା ଏକ୍ସପ୍ରେସୱେରେ ଭାରୀ ବ୍ୟବସାୟିକ ଯାନଗୁଡିକର ଟୋଲ୍ ଦର ଅକ୍ଟୋବର ପହିଲାରୁ କିମି ପିଛା ୧୪.୨୫ ଟଙ୍କାକୁ ବୃଦ୍ଧି କରାଯାଇଛି । ବର୍ତ୍ତମାନ ଏହି ହାର କିଲୋମିଟର ପିଛା ୧୨.୯୦ ଟଙ୍କା ରହିଛି । ଏଥିସହିତ ବଡ଼ ଯାନ ପାଇଁ ଟୋଲ ଟ୍ୟାକ୍ସ ମଧ୍ୟ ବୃଦ୍ଧି କରାଯାଇଛି। ଏହି ଯାନଗୁଡିକୁ କିଲୋମିଟର ପିଛା ୧୮.୩୫ ଟଙ୍କା ଦେବାକୁ ପଡିବ । ଯମୁନା ଏକ୍ସପ୍ରେସୱେରେ ଟୋଲ ଟ୍ୟାକ୍ସରେ ପରିବର୍ତ୍ତନ ପରେ ଏଜେନ୍ସି ବାର୍ଷିକ ସଂଗ୍ରହରୁ ପ୍ରାୟ ୧ କୋଟି ଟଙ୍କା ଲାଭ ପାଇବ।
