ହନିମୁନ ହତ୍ୟା ମାମଲା: ପ୍ରେମ ସମ୍ପର୍କ କଥା ମାନିଲେ ସୋନମ ଏବଂ ରାଜ୍, ପୋଲିସର ବଡ଼ ଖୁଲାସା

ନୂଆଦିଲ୍ଲୀ: ଇନ୍ଦୋରର ରାଜା ରଘୁବଂଶୀ ହତ୍ୟା ମାମଲାରେ ପୂର୍ବ ଖାସି ହିଲ୍ସ ପୋଲିସ ଅଧିକ୍ଷକ ବିବେକ ସିମ୍ ଏକ ବଡ଼ ଖୁଲାସା କରିଛନ୍ତି। ସେ କହିଛନ୍ତି ଯେ, ତଦନ୍ତ ସମୟରେ, ରାଜ କୁଶୱାହା ଏବଂ ସୋନମ ରଘୁବଂଶୀ ଉଭୟ ପ୍ରେମ ସମ୍ପର୍କରେ ଥିବା କଥା ସ୍ୱୀକାର କରିଛନ୍ତି।

ମେଘାଳୟ ପୋଲିସ କହିଛି ଯେ, ସୋନମ ରଘୁବଂଶୀ, ଯିଏ ନିଜ ପ୍ରେମିକ ରାଜ କୁଶୱାହା ସହିତ ମିଶି ତାଙ୍କ ସ୍ୱାମୀ ରାଜା ରଘୁବଂଶୀଙ୍କୁ ହତ୍ୟା କରିବାକୁ ଷଡ଼ଯନ୍ତ୍ର କରିଥିଲେ। ସେମାନେ ଏବେ ସେମାନଙ୍କ ସମ୍ପର୍କକୁ ସ୍ୱୀକାର କରିଛନ୍ତି।

ଏହି ଆଶ୍ଚର୍ଯ୍ୟଜନକ ହନିମୁନ ହତ୍ୟାକାଣ୍ଡର ତଦନ୍ତ କରୁଥିବା ରାଜ୍ୟର Special Investigation Team, ସୋନମ ରଘୁବଂଶୀଙ୍କ ନାର୍କୋ ଟେଷ୍ଟ ପାଇଁ ପୀଡିତାଙ୍କ ପରିବାରର ଦାବିକୁ ପ୍ରତ୍ୟାଖ୍ୟାନ କରିଛନ୍ତି। ଏଥିସହ କହିଛନ୍ତି ଯେ, ସେମାନଙ୍କ ପାଖରେ ସମସ୍ତ ଆବଶ୍ୟକୀୟ ପ୍ରମାଣ ଅଛି।

ନାର୍କୋ ଟେଷ୍ଟ ଆବଶ୍ୟକ ନାହିଁ, ପ୍ରମାଣ ଯଥେଷ୍ଟ ଅଛି- ପୋଲିସ: ପୋଲିସ କହିଛି ଯେ, ନାର୍କୋ-ଟେଷ୍ଟର ଫଳାଫଳ କୋର୍ଟରେ ଗ୍ରହଣୀୟ ନୁହେଁ। ପୂର୍ବ ଖାସି ହିଲ୍ସ ପୋଲିସ ଅଧୀକ୍ଷକ ବିବେକ ସିମ୍ କହିଛନ୍ତି ଯେ, ତଦନ୍ତ ସମୟରେ, ରାଜ ଏବଂ ସୋନମ ଉଭୟ ସମ୍ପର୍କରେ ଥିବା ସ୍ୱୀକାର କରିଛନ୍ତି।

ସେମାନେ ପୂର୍ବରୁ ଅପରାଧ ସ୍ୱୀକାର କରିସାରିଛନ୍ତି। ଆମେ ହତ୍ୟା ଦୃଶ୍ୟକୁ ରି-କ୍ରିଏଟ କରିଥିଲୁ, ଯେଉଁଥିରେ ସେମାନେ ଆମକୁ ଦେଖାଇଥିଲେ ଯେ, ସେମାନେ ରାଜା ରଘୁବଂଶୀଙ୍କୁ କିପରି ହତ୍ୟା କରିଥିଲେ।

ଏହି ମାମଲାରେ ଆମ ପାଖରେ ଏବେ ପ୍ରମାଣ ଅଛି… ମୁଁ ଭାବୁନାହିଁ ଯେ, ଏହି ପର୍ଯ୍ୟାୟରେ ଆମକୁ ନାର୍କୋ ପରୀକ୍ଷା କରିବା ଉଚିତ ବୋଲି ପୋଲିସ କହିଛି।