ଆଜିଠାରୁ ଖୋଲା ଯିବ ଭକ୍ତଙ୍କ ପାଇଁ ଶ୍ରୀରାମଜନ୍ମଭୂମି ପଥ : ନୂଆ ମାର୍ଗରେ ଟ୍ରଷ୍ଟ ତରଫରୁ ଅନେକ ମାଗଣା ସୁବିଧା
ଅଯୋଧ୍ୟା : ରବିବାର ଅର୍ଥାତ ଆଜି ରାମଲାଲା ପରିଦର୍ଶକଙ୍କ ପାଇଁ ନୂଆ ମାର୍ଗ ଉଦଘାଟନ ହେବାକୁ ଯାଉଛି । ପୁରୁଣା ଦର୍ଶନ ମାର୍ଗରେ ପରିବର୍ତ୍ତନ ଆଣି, ବର୍ତ୍ତମାନ ନୂତନ ମାର୍ଗ ମାଧ୍ୟମରେ ଭକ୍ତମାନେ ରାମଲାଲାର ଦର୍ଶନ କରିବା ପାଇଁ ପରିସରରେ ପ୍ରବେଶ କରି ପାରିବେ । ନିର୍ମାଣ କାର୍ଯ୍ୟ ତ୍ୱରାନ୍ୱିତ କରିବା ପାଇଁ ରଙ୍ଗ ମହଲ ପ୍ରତିବନ୍ଧକ ଦେଇ ଯାଉଥିବା ପୁରୁଣା ରାସ୍ତାକୁ ବନ୍ଦ କରିଛନ୍ତି ।
ସୂଚନା ଅନୁସାରେ, ଜୁଲାଇ ୩୦ରେ ରାମଲାଲାଙ୍କ ଦର୍ଶନ ପାଇଁ ଏକ ନୂତନ ମାର୍ଗ ତିଆରି ହୋଇଛି । ଏହା ପରେ ଶ୍ରଦ୍ଧାଳୁ ୫୬୬ ମିଟରର ଲମ୍ବା ରାସ୍ତା ଦେଇ ଶ୍ରୀରାମଜନ୍ମଭୂମି ପଥ ଦେଇ ରାମଲାଲାଙ୍କୁ ଦର୍ଶନ କରିବେ । ୩୯ କୋଟି ଟଙ୍କାରେ ଏହି ମାର୍ଗ ପ୍ରାୟ ଦେଢ ବର୍ଷରେ ତିଆରି ହୋଇଥିଲା । ରାମଜନ୍ମଭୂମିର ଦର୍ଶନ ମାର୍ଗ ଉଦଘାଟନ ବେଳେ ଶ୍ରୀରାମଜନ୍ମଭୂମୀ ତୀର୍ଥ କ୍ଷେତ୍ରର ମହାସଚିବ ଚମ୍ପତ ରାୟ ଏହି ସୂଚନା ଦେଇଥିଲେ । ଏହା ବ୍ୟତୀତ ସେ କହିଥିଲେ ଯେ, ଏହି ମାର୍ଗଟି ବିଡାଲା ଧର୍ମଶାଳା ସାମ୍ନାରୁ ସିଧା ରାମଲାଲାଙ୍କ ଦରବାରରେ ପହଞ୍ଚିଥିବା ସବୁଠାରୁ ନିକଟତମ ଏବଂ ସୁବିଧାଜନକ ମାର୍ଗ ଅଟେ । ଏହି ମାର୍ଗରେ ମାଗଣା ପାନୀୟ ଜଳ, ଲକର, ବିଶ୍ରାମ ଏବଂ ଚିକିତ୍ସା ଆଦି ସୁବିଧା ଟ୍ରଷ୍ଟ ପୂର୍ବରୁ କରିସାରିଛି ।
ଏହି ମହାନ ମାର୍ଗକୁ ଫୁଲରେ ସଜା ଯିବ । ଏନେଇ ବନ ବିଭାଗ ଏବଂ ଅଯୋଧ୍ୟା ବିକାଶବ ପ୍ରାଧିକରଣଙ୍କୁ ବିଭାଗୀୟ କମିଶନର ଗୌରବ ଦୟାଳ ନିର୍ଦ୍ଦେଶ ଦେଇଛନ୍ତି । ଏହା ବ୍ୟତୀତ ମାର୍ଗର ଦୁଇ ପାର୍ଶରେ ଗ୍ରାଣ୍ଡ ଆଲୋକର ବ୍ୟବସ୍ଥା ମଧ୍ୟ କରିଛନ୍ତି । ଗୋଲାପୀ ବାଲୁକା ପଥରରେ ଏହି ମାର୍ଗଟିକୁ ସୁନ୍ଦର ଭାବେ ନିର୍ମାଣ କରାଯାଇଛି । ଏହାର ମୋଟେଇ ପ୍ରାୟ ୧୦୦ ଫୁଟ ରଖାଯାଇଛି ।