ସୁଲଭ ଔଷଧ, ଚିକିତ୍ସା ଉପକରଣ ପ୍ରସଙ୍ଗରେ ସବୁ ରାଜ୍ୟ ବିଫଳ: ସୁପ୍ରିମକୋର୍ଟ
ନୂଆଦିଲ୍ଲୀ: ଚିକିତ୍ସା ସେବା ଏବଂ ଭିତ୍ତଭୂମି ସୁନିଶ୍ଚିତ କରିବାରେ ରାଜ୍ୟ ସରକାରମାନେ ବିଫଳ ହୋଇଛନ୍ତି ବୋଲି ସୁପ୍ରିମ୍କୋର୍ଟ ମଙ୍ଗଳବାର କହିଛନ୍ତି । ଗରିବ ବର୍ଗର ଲୋକଙ୍କ ପାଇଁ ଉପଯୁକ୍ତ ମୂଲ୍ୟର ଔଷଧ, ବିଶେଷକରି ଅତ୍ୟାବଶ୍ଯକ ଔଷଧ ଆଦି କ୍ଷେତ୍ରରେ ରାଜ୍ୟଗୁଡ଼ିକ ବିଫଳ ହୋଇଥିବାରୁ ଏହା ସମାଜର ଘରୋଇ ହସ୍ପିଟାଲଗୁଡ଼ିକୁ ପ୍ରୋତ୍ସାହିତ କରିଛି ବୋଲି କୋର୍ଟ କହିଛନ୍ତି।
ବିଚାରପତି ସୂର୍ଯ୍ୟକାନ୍ତ ଏବଂ ଏନକେ ସିଂହଙ୍କ ଖଣ୍ଡପୀଠ ଏକ ଜନସ୍ୱାର୍ଥ ମାମଲା ଶୁଣାଣି କରୁଥିଲେ। ଯେଉଁଥିରେ ଦାବି କରାଯାଇଥିଲା ଯେ, ଘରୋଇ ହସ୍ପିଟାଲଗୁଡ଼ିକ ରୋଗୀ ଏବଂ ସେମାନଙ୍କ ପରିବାରକୁ ଅତ୍ୟଧିକ ଟଙ୍କା ଦାବି କରିବା ସହିତ ସେଠାରେ ଥିବା ଫାର୍ମାସିରୁ ଔଷଧ, ଇମ୍ପ୍ଲାଣ୍ଟ ଏବଂ ଅନ୍ୟାନ୍ୟ ଚିକିତ୍ସା ସାମଗ୍ରୀ କିଣିବାକୁ ବାଧ୍ୟ କରୁଛନ୍ତି।
ଏଥିରେ ଆହୁରି ମଧ୍ୟ କୁହାଯାଇଥିଲା ଯେ ରୋଗୀମାନଙ୍କୁ କେବଳ ହସ୍ପିଟାଲ ଫାର୍ମାସିରୁ କିଣିବାକୁ ବାଧ୍ୟ ନ କରିବା ଏବଂ ଏହା ମଧ୍ୟ ଅଭିଯୋଗ କରିଥିଲା ଯେ କେନ୍ଦ୍ର ଏବଂ ରାଜ୍ୟଗୁଡ଼ିକ ନିୟାମକ ଏବଂ ସଂଶୋଧନମୂଳକ ପଦକ୍ଷେପ ନେବାରେ ବିଫଳ ହୋଇଛନ୍ତି, ଯାହା ଫଳରେ ରୋଗୀମାନେ ଶୋଷଣ ହେଉଛନ୍ତି।
ଏହା ଜବାବରେ କୋର୍ଟ କହିଥିଲେ “ଆମେ ଆପଣଙ୍କ ସହିତ ସହମତ… କିନ୍ତୁ ଏହାକୁ କିପରି ନିୟନ୍ତ୍ରଣ କରିବେ?” ଜଷ୍ଟିସ ସୂର୍ଯ୍ୟକାନ୍ତ ପ୍ରଶ୍ନ କରିଥିଲେ। କୋର୍ଟ ଶେଷରେ ଉଲ୍ଲେଖ କରିଛନ୍ତି ଯେ ଉପଯୁକ୍ତ ଚିକିତ୍ସା ସେବା ସୁନିଶ୍ଚିତ କରିବା ରାଜ୍ୟଗୁଡ଼ିକର କର୍ତ୍ତବ୍ୟ।
ଏହା ମଧ୍ୟ କୁହାଯାଇଛି ଯେ କିଛି ରାଜ୍ୟ ଆବଶ୍ୟକୀୟ ଚିକିତ୍ସା ସେବା ପ୍ରଦାନ କରିବାରେ ସକ୍ଷମ ହୋଇନାହାଁନ୍ତି ଏବଂ ତେଣୁ, “ବେସରକାରୀ ସଂସ୍ଥାଗୁଡ଼ିକୁ ସୁବିଧା ଏବଂ ପ୍ରୋତ୍ସାହନ” ଦେଇଛନ୍ତି।