(Video)ପ୍ରଥମେ ମାଳ ପକାଇଲେ ପରେ ନିର୍ଦ୍ଧୁମ ଛେଚିଲେ, ନେତାଙ୍କୁ ଚାପୁଡ଼ା ମାରିବାର ଭିଡିଓ ଭାଇରାଲ

ନୂଆଦିଲ୍ଲୀ: ଉତ୍ତର ପ୍ରଦେଶର ଜୌନପୁର ଜିଲ୍ଲାରେ ସୁହେଲଦେବ ସ୍ୱାଭିମାନ ପାର୍ଟିର ଅଧ୍ୟକ୍ଷ ମହେନ୍ଦ୍ର ରାଜଭରଙ୍କ ଉପରେ ଆକ୍ରମଣ ହୋଇଛି । କୁହାଯାଉଛି ଯେ ଜିଲ୍ଲାର ଜଲାଲପୁର ଥାନା ଅଞ୍ଚଳର ନାହୋରା ଆଶାପୁରୀ ଗାଁରେ ଆୟୋଜିତ ଏକ ସ୍ୱାଗତ ସମାରୋହ ସମୟରେ ମହେନ୍ଦ୍ର ରାଜଭରଙ୍କୁ ମାଡ଼ ମରାଯାଇଥିଲା। ସେହି ସମୟର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

ଦଳର ପୂର୍ବତନ ରାଜ୍ୟ ସଭାପତି ବର୍ତ୍ତମାନର ସଭାପତିଙ୍କୁ ଆକ୍ରମଣ ଅଭିଯୋଗ- ଏହି ଘଟଣା ସୋସିଆଲ ମିଡିଆରେ ହଇଚଇ ସୃଷ୍ଟି କରିଛି । ଦଳର ପୂର୍ବତନ ରାଜ୍ୟ ସଭାପତି ବ୍ରିଜେଶ ରାଜଭର ପ୍ରଥମେ ମହେନ୍ଦ୍ର ରାଜଭରଙ୍କୁ ମାଳା ପିନ୍ଧାଇଥିଲେ ଏବଂ ପରେ ତାଙ୍କୁ ଚାପୁଡ଼ା ମାରିଥିଲେ । ଏହି ଘଟଣା ସେହି ସମାରୋହ ସମୟରେ ଘଟିଥିଲା, ଯେଉଁଠାରେ ମହେନ୍ଦ୍ର ରାଜଭରଙ୍କୁ ସ୍ୱାଗତ କରାଯାଉଥିଲା।

ଭିଡିଓରେ ଦେଖାଯାଉଛି ଯେ ମହେନ୍ଦ୍ର ରାଜଭରଙ୍କୁ ମାଳ ପିନ୍ଧାଇବା ପରେ, ବ୍ରିଜେଶ ରାଜଭର ହଠାତ୍ ତାଙ୍କୁ ଅନେକ ଚାପୁଡ଼ା ମାରିଥିଲେ । ଘଟଣାର ଭିଡିଓ ଦ୍ରୁତ ଗତିରେ ଭାଇରାଲ ହୋଇଥିଲା, ଯାହା ଦଳ ଏବଂ ରାଜନୈତିକ ମହଲରେ ଆଲୋଚନାକୁ ତୀବ୍ର କରିଛି ।

ଥାନାରେ ମାମଲା- ଏହି ଘଟଣା ସମ୍ପର୍କରେ ମହେନ୍ଦ୍ର ରାଜଭର ଜଲାଲପୁର ଥାନାରେ ଅଭିଯୋଗ କରିଛନ୍ତି । ସେ ଅଭିଯୋଗ କରିଛନ୍ତି ଯେ ଏହି ଆକ୍ରମଣ ଓମ୍ ପ୍ରକାଶ ରାଜଭରଙ୍କ ନିର୍ଦ୍ଦେଶରେ କରାଯାଇଥିଲା। ସେ ଏହା ମଧ୍ୟ କହିଛନ୍ତି ଯେ ଏହି ଆକ୍ରମଣ ଦଳ ଭିତରେ କଳହର ଏକ ଅଂଶ ହୋଇପାରେ  । ପୋଲିସ ମାମଲାର ତଦନ୍ତ ଆରମ୍ଭ କରିଛି ।

ओपी राजभर की पार्टी के नेता रहे महेंद्र राजभर को जौनपुर में एक कार्यक्रम में बुलाया गया.

नेता जी का स्वागत भाषण के जरिये हुआ, ससम्मान माला पहनाई गई
मामला तब बिगड़ा, जब माला पहनाने वाले ने उन्हें थप्पड़ जड़ दिए

भाषण में कहा गया- पार्टी के लिए मेहनत हम करी, मलाई खाओ तुम!! pic.twitter.com/6mZp30QsO2

— Govind Pratap Singh | GPS (@govindprataps12) June 10, 2025