B.Ed କରିଥିବା ଲୋକଙ୍କୁ ସୁପ୍ରିମକୋର୍ଟଙ୍କ ବଡ଼ ଝଟକା: ମିଳିବନି ପ୍ରାଇମେରୀ ଶିକ୍ଷକ ପଦର ଚାକିରି
ନୂଆଦିଲ୍ଲୀ: ପଶ୍ଚିମବଙ୍ଗର ପ୍ରାଥମିକ ନିଯୁକ୍ତି ଉପରେ ସୁପ୍ରିମକୋର୍ଟ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଦେଇଛନ୍ତି । କଲିକତା ହାଇକୋର୍ଟଙ୍କ ଆଦେଶକୁ ସୁପ୍ରିମକୋର୍ଟ ଖାରଜ କରି କହିଛନ୍ତି ଯେ, ପ୍ରାଥମିକ ଶିକ୍ଷକ ନିଯୁକ୍ତି ପ୍ରକ୍ରିୟାରେ କେବଳ ଡିଏଲଏଡ ତାଲିମପ୍ରାପ୍ତ ବ୍ୟକ୍ତି ଅଂଶଗ୍ରହଣ କରିପାରିବେ ।
ବିଇଡି କରିଥିବା ଲୋକଙ୍କୁ ଏଥିରେ ସୁଯୋଗ ମିଳିବ ନାହିଁ । କୁହାଯାଇଛି ଯେ, ବିଇଡି ତାଲିମପ୍ରାପ୍ତ ଚାକିରି ପାଇଁ ଇଚ୍ଛା କରୁଥିବା ପ୍ରାର୍ଥୀମାନେ ହାଇସ୍କୁଲରେ ଚାକିରି ପାଇଁ ଆବେଦନ କରିପାରିବେ । ସୁପ୍ରିମକୋର୍ଟଙ୍କ ଏହି ଆଦେଶ ଅନେକ ଆନ୍ଦୋଳନକାରୀଙ୍କୁ ଅସୁବିଧାରେ ପକାଇଛି ।
୨୦୧୪ ମସିହାରେ ଟିଆଇଟି ପାସ୍ କରିଥିବା ଅନେକ ପ୍ରାର୍ଥୀ ସହରର ରାସ୍ତାରେ ବିରୋଧ କରୁଛନ୍ତି । ଏମାନଙ୍କ ମଧ୍ୟରୁ ଅନେକ ବିଇଡି ତାଲିମପ୍ରାପ୍ତ ମଧ୍ୟ ସାମିଲ ଅଛନ୍ତି । ଶିକ୍ଷା ବୋର୍ଡ ଦାବି କରିଛି ଯେ ଏହି ନିଷ୍ପତ୍ତିରେ ସେମାନଙ୍କୁ ନିଯୁକ୍ତି ପ୍ରକ୍ରିୟାରୁ ବାସ୍ତବରେ ବାହାର କରି ଦିଆଯିବ ।
ଗତ ବର୍ଷ କଲିକତା ହାଇକୋର୍ଟର ଜଷ୍ଟିସ ଅଭିଜିତ ଗାଙ୍ଗୋପାଧ୍ୟାୟ ନିର୍ଦ୍ଦେଶ ଦେଇଥିଲେ ଯେ, ବିଇଡି ତାଲିମ ପ୍ରାପ୍ତ ମଧ୍ୟ ପ୍ରବେଶ ସ୍ତରୀୟ ଚାକିରି ପାଇଁ ଆବେଦନ କରିପାରିବେ । ଏହି ଆଦେଶକୁ ସୁପ୍ରିମକୋର୍ଟ ଖାରଜ କରିଛନ୍ତି । ପ୍ରାଥମିକ ଶିକ୍ଷା ବୋର୍ଡ ଏବଂ ରାଜ୍ୟ ଶିକ୍ଷା ବିଭାଗ ଏହି ନିଷ୍ପତ୍ତିକୁ ଐତିହାସିକ ବୋଲି ବିଚାର କରୁଛନ୍ତି ।
