ଟେଲିଗ୍ରାମ୍ ବ୍ୟବହାର କରିବା ପୂର୍ବରୁ ଜାଣନ୍ତୁ ନୂଆ ନିୟମ, ନଚେତ୍ ଯିବାକୁ ପଡ଼ିବ ଜେଲ୍!
ନୂଆଦିଲ୍ଲୀ: ଟେଲିଗ୍ରାମର ସିଇଓ ପାଭେଲ ଡୁରୋଭ ନିକଟରେ ଘୋଷଣା କରିଛନ୍ତି ଯେ ବେଆଇନ କାର୍ଯ୍ୟକଳାପରେ ସମ୍ପୃକ୍ତ ଉପଭୋକ୍ତାଙ୍କ ବ୍ୟକ୍ତିଗତ ସୂଚନା, ଯେପରିକି ଫୋନ୍ ନମ୍ବର ଏବଂ ଆଇପି ଆଡ୍ରେସ୍ ଆଇନ ପ୍ରବର୍ତ୍ତନ କାରୀ ଏଜେନ୍ସିଗୁଡିକ ସହିତ ଅଂଶୀଦାର କରାଯିବ । ସୋସିଆଲ ମିଡିଆ ପ୍ଲାଟଫର୍ମରେ ବେଆଇନ କାର୍ଯ୍ୟକଳାପକୁ ରୋକିବା ଉଦ୍ଦେଶ୍ୟରେ ଟେଲିଗ୍ରାମର ସେବା ସର୍ତ୍ତାବଳୀରେ କରାଯାଇଥିବା ଏକ ଗୁରୁତ୍ୱପୂର୍ଣ୍ଣ ଅପଡେଟ୍ ର ଏକ ଅଂଶ ଭାବରେ ଏହି ପଦକ୍ଷେପ ନିଆଯାଇଛି ।
ବେଆଇନ କାର୍ଯ୍ୟକଳାପରେ ସମ୍ପୃକ୍ତ ବ୍ୟବହାରକାରୀଙ୍କୁ ଚିହ୍ନଟ କରିବା ଏବଂ ରୋକିବା ପାଇଁ ଟେଲିଗ୍ରାମ ଏହାର ସେବା ସର୍ତ୍ତାବଳୀ ଅପଡେଟ୍ କରିଛି । ଏହି ଅପଡେଟ୍ ଅଧୀନରେ ଟେଲିଗ୍ରାମ ଏବେ ବେଆଇନ କାର୍ଯ୍ୟକଳାପରେ ସମ୍ପୃକ୍ତ ଥିବା ୟୁଜର୍ସଙ୍କ ତଥ୍ୟ ସେୟାର କରିବ । ଏଥିରେ ଉପଭୋକ୍ତାଙ୍କ ଫୋନ୍ ନମ୍ବର ଏବଂ ଆଇପି ଆଡ୍ରେସ୍ ଅନ୍ତର୍ଭୁକ୍ତ । ଟେଲିଗ୍ରାମର ସୁରକ୍ଷା ଓ ସ୍ୱଚ୍ଛତା ବୃଦ୍ଧି ପାଇଁ ଏହି ପଦକ୍ଷେପ ନିଆଯାଇଛି ।
ଟେଲିଗ୍ରାମ ଏହାର ସର୍ଚ୍ଚ ଫିଚରରେ ବେଆଇନ ବିଷୟବସ୍ତୁ ଆବିଷ୍କାରକୁ ରୋକିବା ପାଇଁ ଏଆଇ ଅର୍ଥାତ ଆର୍ଟିଫିସିଆଲ ଇଣ୍ଟେଲିଜେନ୍ସ ବ୍ୟବହାର କରିବା ଆରମ୍ଭ କରିଛି । ଏହି ଏଆଇ ଟେକ୍ନୋଲୋଜି ବେଆଇନ ବିଷୟବସ୍ତୁ ଚିହ୍ନଟ କରିବା ଏବଂ ଏହାକୁ ପ୍ଲାଟଫର୍ମରୁ ହଟାଇବାରେ ସାହାଯ୍ୟ କରେ । ଏଆଇ ବ୍ୟବହାର କରି ଟେଲିଗ୍ରାମ ଦ୍ରୁତ ଏବଂ ପ୍ରଭାବଶାଳୀ ଭାବରେ ବେଆଇନ ବିଷୟବସ୍ତୁ କୁ ହଟାଇପାରିବ, ପ୍ଲାଟଫର୍ମକୁ ସୁରକ୍ଷିତ ଏବଂ ପରିଷ୍କାର ରଖିପାରିବ ।