ପେନସନ ସହ ଜଡିତ ସମସ୍ତ ଚିନ୍ତା ଦୂର କରିବ ଏହି ହେଲ୍ପଲାଇନ : ସ୍ୱାସ୍ଥ୍ୟ ଏବଂ ସାମାଜିକ କଲ୍ୟାଣ ଯୋଜନାର ମଧ୍ୟ ଦେବ ସୂଚନା

ନୂଆଦିଲ୍ଲୀ : ଦିଲ୍ଲୀର ରାମଲିଲା ମଇଦାନରେ ସରକାରୀ କର୍ମଚାରୀମାନେ ପୁରୁଣା ପେନସନ ପୁନରୁଦ୍ଧାର ଦାବିରେ ବିରୋଧ କରୁଛନ୍ତି। କର୍ମଚାରୀମାନେ ନୂତନ ପେନ୍‌ସନ୍‌ ସ୍କିମ୍‌ ବଦଳରେ ପୁରୁଣା ପେନସନର ସୁବିଧା ପାଇବାକୁ ଚାହୁଁଛନ୍ତି, ଯେତେବେଳେ କି ୨୦୦୪ ପୂର୍ବରୁ ଅବସର ନେଇଥିବା କର୍ମଚାରୀଙ୍କୁ ପୁରୁଣା ପେନସନ ସ୍କିମରେ ହିଁ ଦିଆଯାଉଛି। ଏପରି ପରିସ୍ଥିତିରେ ପେନସନ ଯୋଜନା ସମ୍ବନ୍ଧୀୟ ଅନେକ ପ୍ରଶ୍ନର ଉତ୍ତର ମଧ୍ୟ ପାଇବ ।

ବରିଷ୍ଠ ନାଗରିକମାନଙ୍କୁ ସାହାଯ୍ୟ କରିବା ପାଇଁ ସାମାଜିକ ନ୍ୟାୟ ଏବଂ ସଶକ୍ତିକରଣ ମନ୍ତ୍ରଣାଳୟ ଦ୍ୱାରା ଏକ ସ୍ୱତନ୍ତ୍ର ପଦକ୍ଷେପ ଗ୍ରହଣ କରାଯାଇଛି । ସରକାରଙ୍କ ଦ୍ୱାରା ପ୍ରଦାନ କରାଯାଇଥିବା ହେଲ୍ପଲାଇନ ‘ଏଲଡର ଲାଇନ’ ସମସ୍ତ ପେନସନ ସମ୍ବନ୍ଧୀୟ ସମସ୍ୟାର ସମାଧାନ କରିପାରିବ । କେବଳ ଏତିକି ନୁହେଁ ଏହି ହେଲ୍ପଲାଇନ ବରିଷ୍ଠ ନାଗରିକମାନଙ୍କୁ ସାମାଜିକ କଲ୍ୟାଣ ଯୋଜନା ବିଷୟରେ ସୂଚନା ଯୋଗାଇବା ସହ ସ୍ୱାସ୍ଥ୍ୟ କେନ୍ଦ୍ର ତଥା ଚିକିତ୍ସା ସୁବିଧା ଖୋଜିବାରେ ମଧ୍ୟ ସାହାଯ୍ୟ କରିବ ।

ପିଟିଆଇ ରିପୋର୍ଟ ଅନୁଯାୟୀ, ଚଳିତ ବର୍ଷ ବରିଷ୍ଠ ନାଗରିକଙ୍କ ଦ୍ୱାରା ଏଲଡଲାଇନରେ ଉଠାଯାଇଥିବା ସର୍ବୋଚ୍ଚ ପ୍ରଶ୍ନଗୁଡ଼ିକ ହେଲା ପେନସନ ସମ୍ବନ୍ଧୀୟ ଚିନ୍ତା, ସାମାଜିକ କଲ୍ୟାଣ ଯୋଜନା ଏବଂ ଚିକିତ୍ସା ସମ୍ବନ୍ଧୀୟ ଅନୁସନ୍ଧାନ ସବୁ ଠାରୁ ଅଧିକ ଅଟେ ।

ସରକାରଙ୍କ ଦ୍ୱାରା ହେଲ୍ପଲାଇନ ନମ୍ବର ଜାରି କରାଯାଇଛି । ଟୋଲ ଫ୍ରି ନମ୍ବର ୧୪୫୬୭ କୁ କଲ କରି ଆପଣ ପେନସନ ଏବଂ ସ୍କିମ ସମ୍ବନ୍ଧୀୟ ସୂଚନା ପାଇପାରିବେ । ଏଠାରେ ବେସରକାରୀ ତଥା ସରକାରୀ କର୍ମଚାରୀମାନେ ମଧ୍ୟ ସେମାନଙ୍କ ପେନସନ ସମ୍ବନ୍ଧୀୟ ଅଭିଯୋଗର ସମାଧାନ କରିପାରିବେ । ପରିସଂଖ୍ୟାନ ଅନୁଯାୟୀ, ପେନସନ ଏବଂ ସ୍କିମ ସମ୍ବନ୍ଧୀୟ ସୂଚନା ପାଇବା ପାଇଁ ଚଳିତ ବର୍ଷ  ୮୭,୨୧୮ଟି  କଲ ଆସିଛି ।