ସକାଳୁ ସକାଳୁ ଅଘଟଣ; ମାଛ ବ୍ୟବସାୟୀଙ୍କ ଉପରେ ମାଡ଼ିଗଲା ଟ୍ରକ୍
ଜଗତସିଂହପୁର: ମାଛ ବ୍ୟବସାୟୀଙ୍କୁ ଟ୍ରକ୍ ଚାପିଦେବା ଖବର ସାମ୍ନାକୁ ଆସିଛି । ଏହି ଦୁର୍ଘଟଣାଟି ଜଗତସିଂହପୁରର ପଲ୍ଲୀ ଛକରେ ଘଟିଛି । ଏଠାରେ ଟ୍ରକ୍ ଧକ୍କାରେ ମାଛ ବ୍ୟବସାୟୀଙ୍କର ମୃତ୍ୟୁ ଘଟିଛି । ମୃତକ ଜଣକ କାଂସ ଗାଁର ହୋଇଥିବା ସୂଚନା ମିଳିଛି । ତେବେ ଦୁର୍ଘଟଣା ପରେ ଟ୍ରକ୍ ଘଟଣାସ୍ଥଳରୁ ଫେରାର ରହିଛି ।
ସେହିପରି ନଭେମ୍ଭର ୧୭ ତାରିଖରେ ଏପରି ଏକ ଅଘଟଣ ଘଟିଥିଲା। ଏହି ଦିନ ଛାଡଖାଇ ପାଳନ କରିବାକୁ ଲୋକଙ୍କର ଆମିଷ ବଜାରରେ ଭିଡ ଜମିଥିଲା। ତେବେ ଏହି ଦିନ ପାରାଦୀପରେ ଅଘଟଣ ଘଟିଥିଲା। ସୂଚନାନୁଯାୟୀ, ମାଛ ବେପାରୀ ଜଣକ ସାଇକେଲରେ ଯିବା ବେଳେ ଅଠରବାଙ୍କୀ ନିକଟରେ ଟ୍ରକଟି ଚଢିଯାଇଥିଲା। ଏହି ମୃତ ମାଛ ବେପାରୀ ଜଣକ ବାଲିଝର ବସ୍ତିର ବୋଲି ଜଣାପଡିଥିଲା। ଟ୍ରକ୍ ଚଢିଯିବା ପରେ ଘଟଣାସ୍ଥଳରେ ସ୍ଥାନୀୟ ଲୋକଙ୍କର ଉତ୍ତେଜନା ଦେଖିବାକୁ ମିଳିଥିଲା।