Video: ଟ୍ରାଫିକ କର୍ମଚାରୀଙ୍କ ମହାନତା; ଦୁର୍ଘଟଣାରେ ଆହତ ବ୍ୟକ୍ତିଙ୍କୁ ଚିକିତ୍ସା ଯୋଗାଇ ଜିଣିଲେ ହୃଦୟ
ଭୁବନେଶ୍ୱର; ମହିଳା ଟ୍ରାଫିକ କର୍ମଚାରୀ ଦେଖାଇଲେ ମହାନତା । ଜଣେ ଦୁର୍ଘଟଣାଗ୍ରସ୍ତ ବ୍ୟକ୍ତିଙ୍କୁ ଚିକିତ୍ସା ଯୋଗାଇ ଜିତିଲେ ଲୋକଙ୍କ ହୃଦୟ । ବତ୍ତମାନ ସମୟରେ ନିଜ କାମରେ ପ୍ରାୟତଃ ସମସ୍ତେ ବ୍ୟସ୍ତ ରହୁଛନ୍ତି । ଅନ୍ୟମାନଙ୍କୁ ସାହାଯ୍ୟ କରିବା ପାଇଁ କାହା ପାଖରେ ସମୟ ନାହିଁ । କିନ୍ତୁ ଏଭଳି ପରିସ୍ଥିତିରେ ଜଣେ ମହିଳା ଟ୍ରାଫିକ କର୍ମଚାରୀ ନିଜ ଡ୍ୟୁଟି ସମୟରେ ମଧ୍ୟ ଜଣେ ଆହତ ବ୍ୟକ୍ତିଙ୍କୁ ସାହାଯ୍ୟ କରି ମାନବିକତାର ପରିଚୟ ଦେଇଛନ୍ତି ।
ସାହାଯ୍ୟ କରିଥିବା ମହିଳା ଟ୍ରାଫିକ କର୍ମଚାରୀ ହେଉଛନ୍ତି ସନ୍ତୋଷି ମଲ୍ଲିକ । ତେବେ ରାଜଧାନୀର ନାଲକୋ ଛକରେ ନିଜ ଡ୍ୟୁଟି କରୁଥିବାବେଳେ ଜଣେ ଆହତ ବ୍ୟକ୍ତିଙ୍କୁ ସାହାଯ୍ୟ କରିଥିଲେ । ପୋଲିସ ସର୍ବଦା ଜନସାଧାରଣଙ୍କ ସୁରକ୍ଷା ଦାୟିତ୍ୱରେ ରହିଥାଏ । ଏବଂ ଏହାକୁ ଠିକ ପ୍ରମାଣିତ କରି ଦେଖାଇଛନ୍ତି ଏହି ମହିଳା ଟ୍ରାଫିକ କର୍ମଚାରୀ ।
ଦୁର୍ଘଟଣାରେ ଆହତ ବ୍ୟକ୍ତିଙ୍କୁ ଆଶୁ ଚିକିତ୍ସା ଯୋଗାଇ ହୃଦୟ ଜିଣିଲେ ମହିଳା ଟ୍ରାଫିକ କର୍ମଚାରୀ ସନ୍ତୋଷି ମଲ୍ଲିକ.
ରାଜଧାନୀର ନାଲକୋ ଛକରେ ଦାୟିତ୍ୱ ସମ୍ପାଦନ କରୁଥିବାବେଳେ ଜଣେ ଆହତ ବ୍ୟକ୍ତିଙ୍କୁ ସାହାଯ୍ୟ କରି ମାନବିକତାର ପରିଚୟ ଦେବା ସହିତ ଅସମୟରେ ସାହାଯ୍ୟ କରିବା ପୋଲିସର କର୍ତ୍ତବ୍ୟକୁ ପ୍ରମାଣିତ କରିଛନ୍ତି। pic.twitter.com/USorY6A6Ru— DCP TRAFFIC, BHUBANESWAR-CUTTACK (@DCP_TRAFFIC) December 27, 2022
ତେବେ ସନ୍ତୋଷୀ ଆହତ ବ୍ୟକ୍ତିଙ୍କୁ ସାହାଯ୍ୟ କରୁଥିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଭିଡିଓରେ ଦେଖିବାକୁ ମିଳୁଛି ଯେ ମହିଳା ଟ୍ରାଫିକ କର୍ମଚାରୀ ଜଣଙ୍କ କିପରି ଆହତ ବ୍ୟକ୍ତିଙ୍କ ମୁଣ୍ଡରେ ଲାଗିଥିବା ରକ୍ତ ଗୁଡ଼ିକ ସଫା କରି ଦେଉଛନ୍ତି । ଅତି ଯତ୍ନର ସହିତ ସେ ଆହତ ବ୍ୟକ୍ତିଙ୍କୁ ସାହାଯ୍ୟ କରିଥିବା ଦେଖିବାକୁ ମିଳୁଛି । ଏହି ଭିଡିଓଟି ସୋସିଆଲ ମିଡିଆ ଟ୍ୱିଟରରେ ପୋଷ୍ଟ କରାଯାଇଛି । ବ୍ୟକ୍ତିଙ୍କୁ ଅସମୟରେ ସାହାଯ୍ୟ କରି ପୋଲିସର କର୍ତ୍ତବ୍ୟକୁ ପ୍ରମାଣ କରି ଦେଖାଇଛନ୍ତି ସନ୍ତୋଷୀ ।
