ହଳଦୀରାମ ପ୍ୟାକେଟରେ ଦେଖିବାକୁ ମିଳିଲା କିଛି ଏପରି ଜିନିଷ: ସୋଶିଆଲ ମିଡିଆରେ ହେଉଛି ଭାଇରାଲ
ନୂଆଦିଲ୍ଲୀ: ସ୍ନାକ୍ସ ତିଆରି କରୁଥିବା କମ୍ପାନୀ ହଳଦୀରାମ ଏବେ ସୋଶିଆଲ ମିଡିଆରେ କୁବ ଭାଇରାଲ ହେବାରେ ଲାଗିଛି । ତେବେ ନିଜର ଖାଦ୍ୟର କ୍ୱାଲିଟିକୁ ନେଇ ନୁହେଁ, ବରଂ ପ୍ୟାକେଟକୁ ନେଇ । ହଳଦୀରାମ ପ୍ୟାକେଟ ଉପରେ ଉର୍ଦ୍ଦୁରେ ଲେଖାଥିବା କିଛି ଲାଇନକୁ ନେଇ ଏବେ ଚର୍ଚ୍ଚାର ବିଷୟ ପାଲଟିଛି ହଳଦୀରାମ । ଏହାକୁ ନେଇ ସୋଶିଆଲ ମିଡିଆରେ ଏକ ଭିଡିଓ ମଧ୍ୟ ଭାଇରାଲ ହେବାରେ ଲାଗିଛି । ଜଣେ ସାମ୍ବାଦିକା ଷ୍ଟୋରରେ ପହଞ୍ଚିବା ପରେ ଉର୍ଦ୍ଧୁରେ ଲେଖା ଏହି ଲାଇନକୁ ନେଇ ଆପତ୍ତି ପ୍ରକାଶ କରିଥିଲେ । ଏହି ଘଟଣାକୁ ନେଇ ଉଭୟଙ୍କ ମଧ୍ୟରେ ଯୁକ୍ତିତର୍କ ମଧ୍ୟ ଆରମ୍ଭ ହୋଇଯାଇଥିଲା ।
हल्दीराम के आउटलेट में घुसकर सुदर्शन न्यूज़ की गुंडागर्दी.
यकीन मानिए ये सब पुलिस की मौजूदगी में हो रहा है. #Haldirams pic.twitter.com/SLv47XHVi4— Puneet Kumar Singh (@puneetsinghlive) April 5, 2022
ଉଭୟଙ୍କ ମଧ୍ୟରେ ଚାଲିଥିବା ପାଟିତୁଣ୍ଡର ଏକ ଭିଡିଓ କରି କେହି ଜଣେ ଟ୍ୱିଟରରେ ଅପଲୋଡ କରିଥିଲେ । ଜଣେ ମହିଳା ରିପୋର୍ଟର ମ୍ୟାନେଜରଙ୍କୁ ହଳଦୀରାମ ସ୍ନାକ୍ସ ପ୍ୟାକେଟକୁ ନେଇ ପ୍ରଶ୍ନ କରିଛନ୍ତି । ଏହି ପ୍ୟାକେଟରେ କ’ଣ ଲେଖା ଅଛି ବୋଲି ମ୍ୟାନେଜରଙ୍କୁ ପଚାରିବାରୁ ସେ ଚିଡିଯାଇଥିଲେ । ଏହାକୁ ନେଇ ଉଭୟଙ୍କ ମଧ୍ୟରେ ବଚସା ଆରମ୍ଭ ହୋଇଯାଇଥିଲା । ତେବେ ଏହି ବଚସା ଧିରେ ଧିରେ ବଢିବାରେ ଲାଗିଥିଲା, ପରେ ଯାହାର ଏକ ଭିଡିଓ ସୋଶିଆଲ ମିଡିଆରେ ଭାଇରାଲ ହୋଇଛି ।
ତେବେ ସୋଶିଆଲ ମିଡିଆରେ ମହିଳା ରିପୋର୍ଟରଙ୍କୁ ଅନେକ ଲୋକ ସମର୍ଥନ କରିବା ସହ ହିନ୍ଦୁମାନଙ୍କୁ ଧୋକା ଦେଉଥିବା କୁହାଯାଉଛି । ସେପଟେ କିଛି ଲୋକ ଏହାକୁ ମୂଲ୍ୟହୀନ ବୋଲି ମତ ଦେଇଥିବା ବେଳେ କିଛି ୟୁଜର୍ସ ଏହାକୁ ସମର୍ଥନ କରିଛନ୍ତି ।
