ଭୋଟର ପରିଚୟ ପତ୍ର ଆଧାର ସହିତ ଲିଙ୍କ୍ କରିନାହାନ୍ତି କି ? ବଡ ସୂଚନା ଦେଲେ କେନ୍ଦ୍ର ସରକାର
ନୂଆଦିଲ୍ଲୀ: ଭୋଟର ପରିଚୟପତ୍ର ଆଧାର ସହ ସଂଯୋଗ କରି ନଥିବା ଲୋକମାନଙ୍କ ପାଇଁ ବଡ ସୂଚନା ଦେଇଛନ୍ତି କେନ୍ଦ୍ର ସରକାର। ଶୁକ୍ରବାର ସରକା ସଂସଦରେ କହିଛନ୍ତି ଯେ, ଯେଉଁ ବ୍ୟକ୍ତିମାନଙ୍କର ଭୋଟର ପରିଚୟପତ୍ର ଆଧାର ସହ ସଂଯୋଗ ହୋଇନାହିଁ ସେମାନଙ୍କର ନାମ ଭୋଟର ତାଲିକାରେ କାଟି ଦିଆଯିବ ନାହିଁ। ସରକାର କହିଛନ୍ତି ଭୋଟର ପରିଚୟପତ୍ର ସହ ଆଧାର ସଂଯୋଗ ଇଚ୍ଛାଧୀନ ରହିଛି। ଲୋକସଭାରେ ଏକ ଲିଖିତ ଉତ୍ତରରେ ଆଇନ୍ ମନ୍ତ୍ରୀ କିରଣ ରିଜିଜୁ ଏହା ଜଣାଇଛନ୍ତି।
ସୂଚନାଯୋଗ୍ୟ ନିର୍ବାଚନ କମିଶନ ଗତ ଅଗଷ୍ଟ ମାସରୁ ଭୋଟର ପରିଚୟପତ୍ରକୁ ଆଧାର ସହ ସଂଯୋଗ କରିବା କାର୍ଯ୍ୟ ଆରମ୍ଭ କରିଛନ୍ତି। ତଥ୍ୟର ଅପବ୍ୟବହାର ରୋକିବା ପାଇଁ ମନ୍ତ୍ରୀ କହିଛନ୍ତି ନିର୍ବାଚନ କମିଶନ ୟୁ.ଆଇ.ଡି.ଏ.ଆଇ ଦ୍ୱାରା ଧାର୍ଯ୍ୟ ନିୟମାବଳୀର କଡାକଡି ପାଳନ କରୁଛି। ଆଧାର ନମ୍ବର ଗୁଡ଼ିକୁ କମିଶନ ଏହାର ଡାଟାବେସ୍ରେ ଗଚ୍ଛିତ କରି ରଖୁନାହିଁ। ସେ କହିଛନ୍ତି ଆଧାର ନମ୍ବରକୁ କେବଳ ତଥ୍ୟ ନିଶ୍ଚିତ କରିବା ଉଦ୍ଦେଶ୍ୟରେ ବ୍ୟବହାର କରାଯାଉଛି। ନିର୍ବାଚନ କମିଶନ ଆଧାର ନମ୍ବରର ବ୍ୟକ୍ତିଗତ ତଥ୍ୟଗୁଡ଼ିକୁ ଦେଖୁନାହିଁ ବୋଲି ସେ କହିଛନ୍ତି।
ଭୋଟର ଆଇଡି-ଆଧାର ଲିଙ୍କ୍ ହେଲେ କ’ଣ ପରିବର୍ତ୍ତନ ହେବ?
ଅନେକ ଥର ଏହିପରି ମାମଲା ସାମ୍ନାକୁ ଆସିଥାଏ, ଯେଉଁଥିରେ ସମାନ ବ୍ୟକ୍ତି ଏକାଧିକ ଥର ଭୋଟର ତାଲିକାରେ ତାଙ୍କ ନାମ ପଞ୍ଜୀକୃତ ହୋଇଥାଏ । ଏହି ରିଂଗିଂକୁ ରୋକିବା ପାଇଁ ଭୋଟର ପରିଚୟ ଆଧାର କାର୍ଡ ସହିତ ସଂଯୋଗ କରାଯାଉଛି । ଅଦ୍ୟାବଧି ଏହା ଘଟିଥଲା ଯେ କିଛି ଲୋକ ଏକରୁ ଅଧିକ ଭୋଟରଆଇଡି କାର୍ଡ ତିଆରି କରୁଥିଲେ । କିନ୍ତୁ ଆଧାର କାର୍ଡ କେବଳ ଗୋଟିଏ, ତେଣୁ ଜଣେ ବ୍ୟକ୍ତିଙ୍କର କେବଳ ଗୋଟିଏ ଭୋଟର ପରିଚୟ ରହିବ । ଏହାର ଏକ ସୁବିଧା ମଧ୍ୟ ଏହା ହେବ ଯେ ଏହା ନକଲି ଭୋଟର ଆଇଡି ତିଆରିକୁ ରୋକିପାରିବ ।
ଏସଏମଏସ୍ ଦ୍ୱାରା ଲିଙ୍କ୍ କରିବାର ପ୍ରକ୍ରିୟା:
୧. ନିଜର ଫୋନ୍ ରେ ମେସେଜ୍ ଆପ୍ କୁ ଖୋଲନ୍ତୁ ।
୨. ଭୋଟର୍ ଆଇଡି କାର୍ଡ ଓ ଆଧାର ସହ ଲିଙ୍କ୍ କରିବା ପାଇଁ ୧୬୬ କିମ୍ବା ୫୧୯୬୯କୁ ମେସେଜ୍ କରିବାକୁ ହେବ ।
୩. ମେସେଜ୍ ରେ ଲେଖିବାକୁ ହେବ- ECILINK<space>EPIC No>space>Aadhaar No>. ଏହି ମେସେଜ୍ ଦ୍ୱାରା ଆପଣଙ୍କ ଭୋଟ୍ କାର୍ଡ ଓ ଆଧାର ଲିଙ୍କ୍ ହୋଇଯିବ ।
ଆପଣ ଚାହିଁଲେ ଫୋନ୍ କଲ୍ ସାହାଯ୍ୟରେ ବି ଲିଙ୍କ କରିପାରିବେ:
ଫୋନ୍ କଲ୍ ଦ୍ୱାରା ଆଧାର-ଭୋଟର କାର୍ଡ ଲିଙ୍କ୍ କରିବାକୁ ଭାରତ ସରକାର କଲ୍ ସେଣ୍ଟର୍ ର ସୁବିଧା ଆରମ୍ଭ କରିଛନ୍ତି । ଏଥିପାଇଁ ଆପଣଙ୍କୁ ୧୯୫୦ ନମ୍ବରକୁ କଲ୍ କରିବାକୁ ହେବ ଓ ଆଧାର ଏବଂ ଭୋଟର କାର୍ଡ ନମ୍ବର କହିବାକୁ ହେବ । ଏହାପରେ ଦୁଇଟି ଯାକ ଦସ୍ତାବିଜ୍ କୁ ସଫଳତାପୂର୍ବକ ଲିଙ୍କ୍ କରିଦିଆଯିବ ।