ତିରୁପତି ଲଡୁ ବିବାଦ: SIT ଯାଞ୍ଚ୍ ହେବ ବୋଲି କହିଲେ ଚନ୍ଦ୍ରବାବୁ ନାଇଡୁ
ନୂଆଦିଲ୍ଲୀ: ଶ୍ରୀ ଭେଙ୍କଟେଶ୍ୱର ସ୍ୱାମୀ ମନ୍ଦିରର ପ୍ରସିଦ୍ଧ ତିରୁପତି ‘ଲଡୁ ପ୍ରସାଦମ’ ବିବାଦ ଚର୍ଚ୍ଚାର ବିଷୟ ପାଲଟିଛି । ଏନେଇ ଏସଆଇଟି ଯାଞ୍ଚ୍ ନିଦେ୍ର୍ଦଶ ଦେଇଛନ୍ତି ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ । ଏହା ସହ ରାଜ୍ୟରେ ସମସ୍ତ ମନ୍ଦିର ପାଇଁ କଞ୍ଚାମାଲ କ୍ରୟ ପ୍ରକ୍ରିୟାର ଏକ ଅଡିଟ୍ ପାଇଁ ମଧ୍ୟ ନିଦେ୍ର୍ଦଶ ଦେଇଛନ୍ତି ।
ଏକ ସାମ୍ବାଦିକ ସମ୍ମିଳନୀରେ ଉଦ୍ବୋଧନ ଦେଇ ନାଇଡୁ କହିଥିଲେ, ‘ଆମେ ଏକ ସ୍ପେସାଲ ଇନଭେଷ୍ଟିଗେସନ୍ ଟିମ(SIT ) ଗଠନ କରୁଛୁ । ଏହି ଟିମରେ IGP ଅଫିସର ଏବଂ ଉପରୋକ୍ତ ପଦବୀ ଅଫିସର ସାମିଲ ରହିବେ । SIT ସରକାରଙ୍କ ନିକଟରେ ଏକ ରିପୋର୍ଟ ଦାଖଲ କରିବ ଏବଂ ସେହି ରିପୋର୍ଟ ଆଧାରରେ ଆମେ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବୁ ଯଦ୍ୱାରା ଏଭଳି ଘଟଣାର ପୁନରାବୃତ୍ତି ନହୁଏ ।’
