ଅଜବ କାରନାମା, ଅସୁନ୍ଦର ନାକର ସର୍ଜରୀ କରି ସୁନ୍ଦରୀ ହେଲେ, ପରେ ସ୍ୱାମୀଙ୍କୁ ଡିଭୋର୍ସ ଦେଲେ

ଫିଲାଡେଲଫିଆ: ଅନେକ ସମୟରେ ମହିଳାମାନେ ନିଜ ସୌନ୍ଦର୍ଯ୍ୟକୁ ନେଇ ଗର୍ବ କରନ୍ତି, ତ ଆଉ କେତେବେଳେ ନିଜର ଅସୁନ୍ଦର ଚେହେରା ପାଇଁ ମହିଳାଙ୍କୁ ଥଟ୍ଟା ପରିହାସର ସାମ୍ନା କରିବାକୁ ପଡେ। ହେଲେ ଏଠି ଏକ ନୂଆ ଘଟଣା ଘଟିଛି। ଜଣେ ମହିଳା ନିଜ ଅସୁନ୍ଦର ନାକର ଅସ୍ତ୍ରୋପ୍ରଚାର କରି ସୁନ୍ଦର ହୋଇଛନ୍ତି।

ଆଉ ସୁନ୍ଦର ହେବା ପରେ ଏକ ବଡ଼ ନିଷ୍ପତ୍ତି ନେଇଛନ୍ତି। ଆଉ ଶେଷରେ ନିଜ ସ୍ୱାମୀଙ୍କୁ ଡିଭୋର୍ସ ଦେଇ ସବୁଦିନ ପାଇଁ ଏକା ରହିବାକୁ ନିଷ୍ପତ୍ତି ନେଇଛନ୍ତି। ଆଉ ଛାଡପତ୍ର ପରେ ମହିଳା ଜଣଙ୍କ ବେଶ ଖୁସି ଥିବା ନଜର ଆସିଛନ୍ତି।

ଅଜବ ଘଟଣା: ତେବେ ଏପରି ଏକ ଅଜବ ଘଟଣା ଦେଖିବାକୁ ମିଳିଛି ଫିଲାଡେଲଫିଆରେ। ଯେଉଁଠାରେ ଏକେନ୍ ନାମକ ଜଣେ ମହିଳା ଗତ ନଭେମ୍ବର ମାସରେ ୯.୪ ଲକ୍ଷ ଟଙ୍କାର ରାଇନୋପ୍ଲାଷ୍ଟି କରାଇଥିଲେ। ଏହାର ଅର୍ଥ ମହିଳା ଜଣକ ତାଙ୍କ ନାକର ସର୍ଜରୀ କରାଇଥିଲେ।

ଏହି ଅସ୍ତ୍ରୋପଚାର ପରେ ତାଙ୍କର ଚେହେରାର ଆକୃତି ସମ୍ପୂର୍ଣ୍ଣ ଭାବେ ବଦଳି ଯାଇଥିଲା। ଆଉ ମହିଳା ଜଣଙ୍କ ପୂର୍ବ ଅପେକ୍ଷା ଅଧିକ ସୁନ୍ଦର ଦେଖାଗଲେ। ତେଣୁ ସେ ନିଜ ସୁନ୍ଦରତାକୁ ନେଇ ଗର୍ବ କଲେ। ଆଉ ଏବେ ସମାଜରେ ଏକା ରହିବାକୁ ନିଷ୍ପତ୍ତି ନେଲେ।

ସ୍ୱାମୀଙ୍କୁ ଛାଡ଼ପତ୍ର: ତେବେ ମହିଳା ଜଣଙ୍କ ପୂର୍ବରୁ ବିବାହିତା ଥିଲେ। ହେଲେ ସର୍ଜରୀ ପରେ ସେ ଅଧିକ ସୁନ୍ଦରୀ ହୋଇଗଲେ। ଆଉ ନିଜ ସ୍ୱାମୀଙ୍କ ପାଖରୁ ମୁକ୍ତି ଚାହିଁଲେ। ସାଧାରଣରେ କହିବାକୁ ଗଲେ ସେ ତାଙ୍କ ସ୍ୱାମୀଙ୍କ ଠାରୁ ଛାଡପତ୍ର ଚାହୁଁଥିଲେ।

ଆଉ ଶେଷରେ ସେଇଆ ବି କଲେ। ସର୍ଜରୀ କରି ସୁନ୍ଦରୀ ହେବା ପରେ ନିଜ ସ୍ୱାମୀଙ୍କ ଠାରୁ ଡିଭୋର୍ସ ନେଲେ। ଆଉ ସବୁଦିନ ପାଇଁ ଏକା ବଞ୍ଚିପାରିବେ ବୋଲି ନିଜ ମନରେ ଆତ୍ମବିଶ୍ୱାସ ଭରି ଏକା ରହୁଥିବାର ନଜର ଆସିଲେ।

କାହିଁକି ଏମିତି ନିଷ୍ପତ୍ତି: ହେଲେ ଏହି ଡିଭୋର୍ସ ପଛରେ ରହିଛି ଅନ୍ୟ କାରଣ। କାରଣ ପୂର୍ବ ନାକ ପାଇଁ ଏକେନଙ୍କୁ ଅନେକ ଥଟ୍ଟା ପରିହାସର ପରିସ୍ଥିତି ସାମ୍ନା କରିବାକୁ ପଡୁଥିଲା।

ତେବେ ଏକେନଙ୍କ ନିକଟରେ ଏମିତି ଜଣେ ପୁରୁଷଙ୍କ ସହିତ ବିବାହ ହୋଇଥିଲା ଯାହାଙ୍କ ସହିତ ତାଙ୍କର ଜମାରୁ ପଡ଼ୁ ନଥିଲା। ଅନେକ ସମୟରେ ଦୁହିଁଙ୍କ ମଧ୍ୟରେ ଝଗଡ଼ା ଲାଗୁ ଥିଲା। ସେ ସ୍ୱାମୀଙ୍କ ପାଖରୁ ମୁକ୍ତି ଚାହୁଁଥିଲେ। କିନ୍ତୁ ସାହାସ କରି ଡିଭୋର୍ସ ଦେଇପାରୁନଥିଲେ।

ଏପରିକି ତାଙ୍କ ସ୍ୱାମୀ ହିଁ ସବୁବେଳେ ତାଙ୍କ ନାକ ପାଇଁ ତାଙ୍କୁ ଅନେକ କଥା କହୁଥିଲେ। ଆଉ ଯେତେବେଳେ ମହିଳା ଜଣଙ୍କ ନିଜ ନାକର ସର୍ଜରୀ କରି ସୁନ୍ଦରୀ ହୋଇଗଲେ। ନିଜ ସ୍ୱାମୀଙ୍କୁ ଛାଡ଼ପତ୍ର ଦେଲେ। ଏବେ ସେ ଖୁସି ଥିବା ନିଜେ କହିଛନ୍ତି।