ୟୁପି ବଜେଟ୍ ୨୦୨୪: ବିଧାନସଭାରେ ୭.୩୬ ଲକ୍ଷ କୋଟି ଟଙ୍କାର ବଜେଟ୍ ଉପସ୍ଥାପନ
ଲକ୍ଷ୍ନୌ: ଉତ୍ତର ପ୍ରଦେଶରେ ଆର୍ଥିକ ବର୍ଷର୍ ୨୦୨୪-୨୫ ପାଇଁ ସୋମବାର ବଜେଟ୍ ଉପସ୍ଥାପନ ହୋଇଛି । ଅର୍ଥମନ୍ତ୍ରୀ ସୁରେଶ କୁମାର ଖନ୍ନା ବିଧାନସଭାରେ ୭.୩୬ ଲକ୍ଷ କୋଟି ଟଙ୍କାର ବଜେଟ୍ ଉପସ୍ଥାପନ କରିଛନ୍ତି । ଏହି ବଜେଟ୍ ମାଧ୍ୟମରେ ପୁଣି ଥରେ ୟୁପି ସରକାର ଭିତ୍ତିଭୂମି ବିକାଶ ଉପରେ ଗୁରୁତ୍ୱ ଦେଇଛନ୍ତି । ୨୪ ହଜାର କୋଟି ଟଙ୍କାର ନୂତନ ଯୋଜନା ଏହି ବଜେଟରେ ସାମିଲ କରାଯାଇଛି ।
୨୦୨୪-୨୫ ଆର୍ଥିକ ବର୍ଷ ଉପରେ ଗୁରୁତ୍ୱାରୋପ କରି ଅର୍ଥ ମନ୍ତ୍ରୀ ସୁରେଶ କୁମାର ଖନ୍ନା ରାଜଧାନୀ ଲକ୍ଷ୍ନୌ ପାଇଁ ବଡ଼ ଘୋଷଣା କରିଛନ୍ତି । ବଜେଟ୍ ଉପସ୍ଥାପନ କରିବା ସମୟରେ ଅର୍ଥମନ୍ତ୍ରୀ କହିଛନ୍ତି ଯେ ଲକ୍ଷ୍ନୌରେ ଇରକ୍ସକ୍ଟ ମସଗ୍ଧଚ୍ଚ ପାଇଁ ଯୋଜନା ରହିଛି । ୧୫୦୦ ଏକର ଜମିରେ ଏହି ଯୋଜନା କାର୍ଯ୍ୟକାରୀ କରାଯିବ । ଏଥିରେ ୭ ତାରକା ହୋଟେଲ, ପାର୍କ, ବିଶ୍ୱସ୍ତରୀୟ କନଭେନସନ୍ ସେଣ୍ଟର ଭଳି ବିଭିନ୍ନ ସୁବିଧା ଉପଲବ୍ଧ ରହିବ । ଏହା ସହ ଅର୍ଥମନ୍ତ୍ରୀ ରୋଜଗାର ପ୍ରସଙ୍ଗ ଉପରେ ମଧ୍ୟ ଆଲୋକପାତ କରିଛନ୍ତି । ବର୍ତ୍ତମାନ ପର୍ଯ୍ୟନ୍ତ ସରକାର ୬ କୋଟି ଲୋକଙ୍କୁ ଦରିଦ୍ରତାରୁ ବାହାର କରିବାରେ ସଫଳ ହୋଇଛି । ଆଜି ରାଜ୍ୟରେ ବେକାରୀ ହାର ମାତ୍ର ୨.୪% ରହିଯାଇଛି । ସେ ଆହୁରି ମଧ୍ୟ କହିଛନ୍ତି ଯେ ରାଜ୍ୟ ସରକାରଙ୍କ ଦ୍ୱାରା ହିରୋ ଫ୍ୟୁଚର ଏନର୍ଜୀ ସହ ୪ କୋଟି ଟଙ୍କାର ଏକ ଏମ୍ଓୟୁ ସ୍ୱାକ୍ଷର କରିଛନ୍ତିି । ଏହା ଅନ୍ତର୍ଗତ ରାଜ୍ୟରେ ନବୀକରଣ ଉର୍ଜ୍ଜା ଏବଂ ସ୍ୱଚ୍ଛ ଟେକ୍ନୋଲୋଜୀ ପ୍ରକଳ୍ପରେ ବିନିଯୋଗ କରାଯିବ । ତେବେ ଆସନ୍ତୁ ଜାଣିବା ଆର୍ଥିକ ବର୍ଷ ୨୦୨୪-୨୫ ପାଇଁ ୟୁପି ବଜେଟରେ କେଉଁ ସବୁ ବିଷୟ ଉପରେ ଗୁରୁତ୍ୱାରୋପ କରାଯିବ ।
– ନୂତନ ଶିଳ୍ପର ନିର୍ମାଣ
– ସଡ଼କ ଏବଂ ବାୟୁ କନେକ୍ଟିଭିଟିରେ ବିସ୍ତାର
– ଧାର୍ମିକ ପର୍ଯ୍ୟଟନ ସ୍ଥଳୀର ସୌନ୍ଦର୍ଯ୍ୟକରଣ ଏବଂ ନାଗରିକ ସୁବିଧାରେ ବିକାଶ
– ମେଟ୍ରୋ ନେଟୱାର୍କରେ ବିସ୍ତାର
– ଉର୍ଜ୍ଜା ସଂସାଧନରେ ବିକାଶ
– ମହିଳାଙ୍କୁ ସ୍ୱାବଲମ୍ବୀ କରିବା
– ଯୁବକଙ୍କ ରୋଜଗାର
– କୃଷକ ଏବଂ ଗରିବଙ୍କ ପାଇଁ ବିଶେଷ ସୁବିଧା
#WATCH | UP Finance Minister Suresh Khanna presents the budget in Vidhan Sabha, says "An MoU for investment of Rs 4,000 crores has been signed by the state government with Hero Future Energies, under which the organization will invest in renewable energy and clean technology… pic.twitter.com/DADhalcSky
— ANI (@ANI) February 5, 2024
