ଭୁଲ ନମ୍ବରରେ UPI ପେମେଣ୍ଟ ହୋଇଛି କି? କେମିତି ଫେରସ୍ତ ପାଇବେ
ନୂଆଦିଲ୍ଲୀ : ଦେଶରେ ବିମୁଦ୍ରୀକରଣ ପରେ ୟୁପିଆଇ ପେମେଣ୍ଟ ବହୁ ମାତ୍ରାରେ ବଢିଯାଇଥିଲା । ବର୍ତ୍ତମାନ ପ୍ରତ୍ୟେକ ଛୋଟ ଏବଂ ବଡ ସ୍ଥାନରେ ଡିଜିଟାଲ୍ ପେମେଣ୍ଟ ସହଜରେ କରାଯାଇପାରୁଛି । ଏଥିପାଇଁ ଲୋକମାନେ ଫୋନ୍ ପେ, ଗୁଗୁଲ୍ ପେ ଏବଂ ପେଟିଏମ୍ ପରି ଡିଜିଟାଲ୍ ପେମେଣ୍ଟ ଆପ୍ ନିଜ ଫୋନରେ ରଖୁଛନ୍ତି । କିନ୍ତୁ ବେଳେବେଳେ ଏମିତି ହୁଏ ଭୁଲ ବଶତଃ ଅନ୍ୟ ନମ୍ବରକୁ ଟଙ୍କା ପଳାଇଥାଏ । ଯଦି ଆପଣଙ୍କ ସହ ମଧ୍ୟ ଏମିତି ହେଉଛି ତେବେ ଚିନ୍ତା କରିବାର କିଛି ନାହିଁ । ଅତି ସହଜ ଉପାୟରେ ନିଜର ଟଙ୍କା ଫେରସ୍ତ ପାଇ ପାରିବେ ।
ପ୍ରଥମ ସମାଧାନ ହେଉଛି ଫୋନ୍ ପେ, ଗୁଗୁଲ୍ ପେ ଏବଂ ପେଟିଏମ୍ ଭଳି ଆପ୍ ରେ ଯଦି ଏମିତି ହୁଏ ତେବେ ଟୋଲ ଫ୍ରି ନମ୍ବରରେ ଯୋଗାଯୋଗ କରିପାରିବେ । ଟୋଲ ଫ୍ରି ନମ୍ବରରେ କଲ୍ କରି ଅଭିଯୋଗ ପଞ୍ଜୀକୃତ କରିପାରିବେ ଏବଂ ଟଙ୍କା ଫେରସ୍ତ ପାଇଁ ଅନୁରୋଧ କରିପାରିବେ ।
ଦ୍ୱିତୀୟ ସମାଧାନ ହେଉଛି ଆପଣଙ୍କୁ NPCI ର ୱେବସାଇଟ୍ କୁ ଯାଇ କଷ୍ଟମର ଉପରେ କ୍ଲିକ୍ କରିବା ପରେ ଏଠାରେ ଆପଣଙ୍କୁ ଅଭିଯୋଗର ଅପସନ୍ ଦେଖାଯିବ । ଏହା ଉପରେ କ୍ଲିକ୍ କରିବା ପରେ ମେକାନିଜିମେ୍ ରେ ପହଞ୍ଚିବେ । ଏଠାରେ ଆପଣଙ୍କୁ ଅଭିଯୋଗ ଭିତରେ ବ୍ୟବସାୟୀ କିମ୍ବା ପ୍ରକୃତିର କାରବାରରେ ବ୍ୟକ୍ତି ଚୟନ କରିବାକୁ ପଡିବ । ଏହା ପରେ ଦେୟ ସମ୍ବନ୍ଧୀୟ ସମସ୍ତ ବିବରଣୀ ଏଠାରେ ପୂରଣ କରିବାକୁ ପଡିବ । ଯେପରିକି ବ୍ୟାଙ୍କ, ଟ୍ରାନଜାକ୍ସନ୍ ଆଇଡି ଏବଂ ଫୋନ୍ ନମ୍ବର ଇତ୍ୟାଦି । ଏହା ପରେ ସବମିଟ୍ ର ବଟନ୍ କ୍ଲିକ୍ କରିବାକୁ ପଡିବ ।
ସିଧାସଳଖ ଆରବିଆଇକୁ ରିପୋର୍ଟ କରନ୍ତୁ
ଯଦି ଆପଣ ଉପରୋକ୍ତ ପଦକ୍ଷେପଗୁଡିକରୁ ଆପଣଙ୍କର ଟଙ୍କା ପାଇ ନାହାଁନ୍ତି, ତେବେ ଆପଣ ସିଧାସଳଖ ଭାରତର ରିଜର୍ଭ ବ୍ୟାଙ୍କରେ ଅଭିଯୋଗ କରିପାରିବେ । ଏଥିପାଇଁ ଆପଣଙ୍କୁ ଗୁଗୁଲକୁ ଯାଇ Banking Ombudsman ଲେଖିବାକୁ ପଡିବ । ତା’ପରେ https://bankingombudsman.rbi.org.in କୁ ଏହି ସାଇଟକୁ ଯିବାକୁ ପଡିବ ।
