ଡୋନାଲ୍ଡ ଟ୍ରମ୍ପଙ୍କ ବଡ ବିଜୟ, ରାଷ୍ଟ୍ରପତି ପ୍ରାର୍ଥୀ ପାଇଁ ଆଗକୁ ବଢାଇଲେ ପାଦ
ନୂଆଦିଲ୍ଲୀ: ଯୁକ୍ତରାଷ୍ଟ୍ରରେ ରାଷ୍ଟ୍ରପତି ନିର୍ବାଚନର ସମୟ ଧୀରେ ଧୀରେ ପାଖେଇ ଆସୁଛି। ଏହା ସହ ରିପବ୍ଲିକାନ୍ ପାର୍ଟିର ରାଷ୍ଟ୍ରପତି ପ୍ରାର୍ଥୀଙ୍କ ପାଇଁ ଦୌଡ ମଧ୍ୟ ଆରମ୍ଭ ହୋଇସାରିଛି। ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୁଣିଥରେ ନିର୍ବାଚନରେ ଜିତିବେ ବୋଲି ଦାବି କରୁଛନ୍ତି। ପ୍ରାର୍ଥୀତା ଦୌଡ ଆରମ୍ଭ ହେବା ମାତ୍ରେ ଡୋନାଲ୍ଡ ଟ୍ରମ୍ପଙ୍କୁ ଏକ ବଡ଼ ବିଜୟ ମିଳିଛି। ଆଗାମୀ ରାଷ୍ଟ୍ରପତି ନିର୍ବାଚନରେ ରିପବ୍ଲିକାନ୍ ପାର୍ଟି ପ୍ରାର୍ଥୀ ଚୟନ କରିବାର ଦୀର୍ଘ ପ୍ରକ୍ରିୟା ଆରମ୍ଭ କରିଥିବା ବେଳେ Iowa Caucus ରେ ଟ୍ରମ୍ପଙ୍କୁ ଏକ ବଡ଼ ବିଜୟ ମିଳିଛି।
ସୋମବାର ଦିନ ଟ୍ରମ୍ପ Iowa Caucusରେ ଜିତିଥିଲେ। ଏଠାରେ ସେ ତାଙ୍କ ପ୍ରତିଦ୍ୱନ୍ଦ୍ୱୀଙ୍କ ଅପେକ୍ଷା ଅଧିକ ଭୋଟ୍ ପାଇଛନ୍ତି। ଫ୍ଲୋରିଡା ଗଭର୍ଣ୍ଣର ରୋନ୍ ଡିସାଣ୍ଟିସ୍ ଏବଂ ଜାତିସଂଘର ପୂର୍ବତନ କୂଟନୀତିଜ୍ଞ ନିକ୍କି ହେଲିଙ୍କ ମଧ୍ୟରେ Iowa Caucusରେ ଦ୍ୱିତୀୟ ସ୍ଥାନ ପାଇଁ ଏକ ପ୍ରତିଯୋଗିତା ରହିଛି, ଯିଏକି ଦଳର ପ୍ରାର୍ଥୀ ହେବା ଦୌଡ଼ରେ ଥିବା ଏକମାତ୍ର ମହିଳା। ଟ୍ରମ୍ପଙ୍କ ବିକଳ୍ପ ଭାବରେ ଉଭୟେ ପରସ୍ପର ସହ ପ୍ରତିଦ୍ୱନ୍ଦ୍ୱିତା କରୁଛନ୍ତି।
ଆମେରିକାର ରାଷ୍ଟ୍ରପତି ନିର୍ବାଚନ ପ୍ରାର୍ଥୀତ୍ୱରେ ଡୋନାଲ୍ଡ ଟ୍ରମ୍ପ ବର୍ତ୍ତମାନ ରିପବ୍ଲିକାନ୍ ପାର୍ଟିରୁ ଆଗୁଆ ଅଛନ୍ତି। ତେବେ ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବର୍ତ୍ତମାନ ତାଙ୍କ ବିରୋଧରେ ଚାଲିଥିବା ମକଦ୍ଦମା ସହ ସଂଘର୍ଷ କରୁଛନ୍ତି। ନଭେମ୍ବର ୨୦୨୪ରେ ଆମେରିକାରେ ରାଷ୍ଟ୍ରପତି ନିର୍ବାଚନ ହେବାର ସମ୍ଭାବନା ରହିଛି। ଯଦି ଆମେ Rating ବିଷୟରେ କହିବା, ତେବେ ଟ୍ରମ୍ପ ଏହି ରେସରେ ଆଗରେ ଅଛନ୍ତି।