ଓଡ଼ିଶାର ଗ୍ରାମୀଣ କ୍ରିକେଟକୁ ବେଦାନ୍ତର ପ୍ରୋତ୍ସାହନ

କାଶୀପୁର:  ଗ୍ରାମୀଣ କ୍ରିକେଟକୁ ପ୍ରାତ୍ସାହନ ଦେଉଛି ବେଦାନ୍ତ। ଭାରତର ଅଗ୍ରଣୀ ଆଲୁମିନିୟମ୍ ଉତ୍ପାଦକ ବେଦାନ୍ତ ଆଲୁମିନିୟମ୍। ଯିଏକି ରାୟଗଡ଼ା ଜିଲ୍ଲାର କାଶୀପୁର ଗ୍ରାମର କ୍ରିକେଟ୍ ଟୁର୍ଣ୍ଣାମେଣ୍ଟ ୨୦୨୫ ସଂସ୍କରଣକୁ ସମର୍ଥନ ପ୍ରଦାନ କରିଛି।

ରାୟଗଡ଼ା ଜିଲ୍ଲାର କାଶୀପୁର ଗ୍ରାମର ସ୍ଥାନୀୟ ସମ୍ପ୍ରଦାୟଦ୍ୱାରା ଆୟୋଜିତ ଏକ ପ୍ରମୁଖ ବାର୍ଷିକ କ୍ରିକେଟ୍ ଟୁର୍ଣ୍ଣାମେଣ୍ଟ କାଶୀପୁର ପ୍ରିମିୟର ଲିଗ୍ (କେପିଏଲ)ର ୨୦୨୫ ସଂସ୍କରଣକୁ ସମର୍ଥନ ପ୍ରଦାନ କରିଛି ବେଦାନ୍ତ। ଏହି ପଦକ୍ଷେପ ତୃଣମୂଳସ୍ତରୀୟ କ୍ରୀଡା ପ୍ରତିଭାକୁ ପ୍ରୋତ୍ସାହନ ଦେବା ସହିତ କମ୍ପାନୀର ଦୃଢ଼ ପ୍ରତିବଦ୍ଧତାକୁ ପ୍ରତିଫଳିତ କରିଛି।

କାଶୀପୁର ଟୁର୍ଣ୍ଣାମେଣ୍ଟ:  ଏହି ଟୁର୍ଣ୍ଣାମେଣ୍ଟରେ କାଶୀପୁର ବ୍ଲକର ବିଭିନ୍ନ ଦଳକୁ ପ୍ରତିନିଧିତ୍ୱ କରୁଥିବା ୧୨୮ ଜଣ ଖେଳାଳି ଅଂଶଗ୍ରହଣ କରିଥିଲେ। ଏହି ସମାବେଶରେ ଖାଣ୍ଟି କାଶିପୁରିଆ ଏବଂ ସ୍ମାର୍ଟ ୧୧ ମଧ୍ୟରେ ଏକ ଆକର୍ଷଣୀୟ ମୁକାବିଲା ହୋଇଥିଲା। 

ଯାହା ନିକଟବର୍ତ୍ତୀ ଗ୍ରାମରୁ ୨,୦୦୦ରୁ ଅଧିକ ଦର୍ଶକଙ୍କୁ ଆକର୍ଷିତ କରିଥିଲା। ଖାଣ୍ଟି କାଶିପୁରିଆ ଏକ ରୋମାଞ୍ଚକର ସମାପ୍ତି ସହ ଚାମ୍ପିଅନ ହୋଇଥିଲା।

ଏହି ଅବସରରେ ଖେଳାଳିମାନଙ୍କୁ ପ୍ରଶଂସା କରି ବେଦାନ୍ତ ଆଲୁମିନିୟମର ମୁଖ୍ୟ ପରିଚାଳନା ଅଧିକାରୀ ସୁନୀଲ ଗୁପ୍ତା କହିଥିଲେ, ଯୁବପିଢ଼ିଙ୍କୁ ପ୍ରତିପୋଷଣ କରିବା ପାଇଁ କ୍ରୀଡା ଏକ ଶକ୍ତିଶାଳୀ ମାଧ୍ୟମ।

“ଓଡ଼ିଶାର ଏକ ସମୃଦ୍ଧ କ୍ରୀଡା ଐତିହ୍ୟ ରହିଛି ତେଣୁ  କାଶୀପୁର ପ୍ରିମିୟର ଲିଗ୍ ଭଳି କମ୍ୟୁନିଟି ସ୍ତରୀୟ ଟୁର୍ନାମେଣ୍ଟକୁ ସମର୍ଥନ କରି, ରାୟଗଡ଼ାରେ ଆମର ଦଳ ଯୁବ ପ୍ରତିଭାକୁ ସଶକ୍ତ କରିବା ଏବଂ ରାଜ୍ୟର କ୍ରୀଡା ଉତ୍କର୍ଷତାର ଐତିହ୍ୟରେ ଅର୍ଥପୂର୍ଣ୍ଣ ଯୋଗଦାନ ଦେବାର ଲକ୍ଷ୍ୟ ରଖିଛି।”

ବେଦାନ୍ତର ପ୍ରୋତ୍ସାହନ:  କାଶୀପୁରର କମ୍ୟୁନିଟି ହେଲଥ ସେଣ୍ଟରର ମୁଖ୍ୟ, ଡକ୍ଟର ନେତାନନ୍ଦ ନାଏକ କହିଥିଲେ, “ଗ୍ରାମୀଣ ଯୁବକମାନଙ୍କୁ ସେମାନଙ୍କର ପ୍ରତିଭା ପ୍ରଦର୍ଶନ କରିବା, ଗଠନମୂଳକ ଏବଂ ପ୍ରତିଯୋଗିତାମୂଳକ କ୍ରୀଡାରେ ନିୟୋଜିତ କରିବା ପାଇଁ ଏହା ଏକ ପ୍ରଭାବଶାଳୀ ପଦକ୍ଷେପ।

ଏଥିପାଇଁ ମୁଁ ବେଦାନ୍ତ ଆଲୁମିନିୟମର ମାଇନିଂ ଡିଭିଜନର ପ୍ରଶଂସା କରୁଛି। ସେମାନଙ୍କ ଅଂଶଗ୍ରହଣ କେବଳ ଅନ୍ୟମାନଙ୍କୁ ପ୍ରେରଣା ଦିଏ ନାହିଁ ବରଂ ଏକ ଶକ୍ତିଶାଳୀ, ସୁସ୍ଥ ସମ୍ପ୍ରଦାୟ ମନୋଭାବକୁ ମଧ୍ୟ ପ୍ରୋତ୍ସାହିତ କରେ।”

ବେଦାନ୍ତ ଆଲୁମିନିୟମ ଗୁଣାତ୍ମକ ଶିକ୍ଷା, ସ୍ୱାସ୍ଥ୍ୟସେବା, ସ୍ଥାୟୀ ଜୀବିକା, ଗ୍ରାମୀଣ ଭିତ୍ତିଭୂମି ଏବଂ ତୃଣମୂଳ କ୍ରୀଡା ଏବଂ ସଂସ୍କୃତି ମାଧ୍ୟମରେ ସ୍ଥାନୀୟ ସମ୍ପ୍ରଦାୟକୁ ସଶକ୍ତ କରିବା ପାଇଁ ସଦାସର୍ବଦା ସମର୍ପିତ।

ଏହି ପ୍ରୟାସଗୁଡ଼ିକ ବେଦାନ୍ତ ଆଲୁମିନିୟମର କାର୍ଯ୍ୟକ୍ଷମ କ୍ଷେତ୍ର ମଧ୍ୟରେ ଏବଂ ବାହାରେ ପରିବର୍ତ୍ତନ ଆଣିବା ପାଇଁ ପ୍ରତି ପ୍ରତିବଦ୍ଧତାକୁ ରେଖାଙ୍କିତ କରେ।