(Video): RJDରୁ ଇସ୍ତଫା ଦେଲେ ବାହୁବଳୀ ନେତା ରାମା କିଶୋର ସିଂହ, ଜାଣନ୍ତୁ ଇସ୍ତଫା ପଛର କ’ଣ ରହିଛି କାରଣ
ପାଟନା: ଲୋକସଭା ନିର୍ବାଚନକୁ ନେଇ ବିହାର ରାଜନୀତି ବେଶ୍ ସରଗରମ । ଏଥିମଧ୍ୟରେ RJDର ରାଷ୍ଟ୍ରୀୟ ଅଧ୍ୟକ୍ଷ ଲାଲୁ ପ୍ରସାଦ ଯାଦବଙ୍କୁ ଲାଗିଛି ବଡ଼ ଝଟକା । ବିହାରର ବୈଶାଳୀ ନିର୍ବାଚନ ମଣ୍ଡଳୀର ପୂର୍ବତନ ସାଂସଦ ତଥା ବାହୁବଳୀ ନେତା ରାମା କିଶୋର ସିଂହ ଆଜି RJDରୁ ଇସ୍ତଫା ଦେଇଛନ୍ତି । ଏହା ସହ ସେ ଦଳର ପ୍ରାଥମିକ ସଦସ୍ୟ ପଦରୁ ମଧ୍ୟ ଇସ୍ତଫା ଦେଇଛନ୍ତି । ସେ ତାଙ୍କ ଇସ୍ତଫା ପତ୍ର ଲାଲୁ ପ୍ରସାଦ ଯାଦବଙ୍କ ନିକଟକୁ ପଠାଇଛନ୍ତି । ତେବେ ଦଳ ପକ୍ଷରୁ ତାଙ୍କର ଟିକେଟ କଟିଯିବା ନେଇ ସେ ଅସନ୍ତୁଷ୍ଟ ଥିବାରୁ ଏଭଳି ନିଷ୍ପତ୍ତି ନେଇଛନ୍ତି ବୋଲି ଚର୍ଚ୍ଚା ହେଉଛି । ବୁଧବାର ପୂର୍ବତନ ସାଂସଦ ରାମ ବିଲାସ ପାସୱାନଙ୍କ ଲୋକ ଜନଶକ୍ତି ଦଳ(ରାମ ବିଲାସ)ରେ ଯୋଗ ଦେଇପାରନ୍ତି । ଏନେଇ ଏଏନ୍ଆଇ ‘ଏକ୍ସ’ରେ ଏକ ପୋଷ୍ଟ ଶେୟାର କରିଛି ।
ବୈଶାଳୀ ନିର୍ବାଚନ ମଣ୍ଡଳୀର ପୂର୍ବତନ ସାଂସଦ ତଥା ବାହୁବଳୀ ନେତା ରାମା କିଶୋର ସିଂହ ନିଜ ଇସ୍ତଫା ପତ୍ରରେ ଲେଖିଛନ୍ତି, ‘RJDର ନୀତି କାରଣରୁ ମୁଁ ଇସ୍ତଫା ଦେଇଛି । ଜଣେ ବିଧାୟକ ଏବଂ ସାଂସଦ ଭାବରେ ଦଳରେ କାର୍ଯ୍ୟ କରିଥିଲି । ଆମେ ଏକ ନୂତନ ଯୁବ ଚେହେରା ଦେଖିଥିଲୁ ଏବଂ ବିହାର ବିକାଶର ସମ୍ଭାବନା ଦେଖିଥିଲୁ । କିନ୍ତୁ ଅଳ୍ପ ସମୟ ମଧ୍ୟରେ ମୁଁ ଅନୁଭବ କଲି ଯେ ଦଳର ନୀତି ମୋ ମତ ବିରୋଧରେ ଥିଲା । ମୁଁ ରାଜନୀତିରେ ଅଛି ଏବଂ ସ୍ୱାଭାବିକ ଭାବେ ଜଣେ ବିଧାୟକ କିମ୍ବା ସାଂସଦ ଭାବେ ଟିକେଟ୍ ଆଶା କରୁଛି । ପର୍ବରୁ ମୁଁ ଅନେକ RJD ନେତାଙ୍କୁ ପରାସ୍ତ କରିଛି । ଆସନ୍ତାକାଲି ମୁଁ ମୋ ଭବିଷ୍ୟ ଯୋଜନା ବିଷୟରେ ସୂଚନା ଦେବି ।’
#WATCH पटना, बिहार: पूर्व राजद नेता रामा सिंह ने राजद से अपने इस्तीफा देने पर कहा, "RJD की नीतियों से आहत होकर बहुत कम समय में ही मुझे वहां से इस्तीफा देना पड़ा। हमने RJD के विपरीत करीब 30 साल तक राजनीति की। हमने मूल्यों पर आधारित राजनीति की है। उससे समझौता हमने कभी नहीं किया है।… pic.twitter.com/0jpWWdivhB
— ANI_HindiNews (@AHindinews) April 30, 2024
