ଭିଭୋର ବ୍ରାଣ୍ଡ ଆମ୍ବାସଡର ହେଲେ ବିରାଟ କୋହଲି

ସ୍ମାର୍ଟଫୋନ ନିର୍ମାତା କଂପାନୀ ଭିଭୋ ଏହାର ବ୍ରାଣ୍ଡ ଆମ୍ବାସଡର ଭାବେ ଭାରତୀୟ କ୍ରିକେଟ ଟିମ ଅଧିନାୟକ ବିରାଟ କୋହଲିଙ୍କୁ ନିଯୁକ୍ତ କରିଛି । ସୂଚନାଥାଉକି ଏବର୍ଷ ହେବାକୁଥିବା ଆଇପିଏଲର ପ୍ରଯୋଜକ ମଧ୍ୟ ରହିଛି ଭିଭୋ । ଏପଟେ ଆଇପିଏଲ ୨୦୨୧ର ଆରମ୍ଭ ହେବାକୁ ଯାଉଛି ।
ଭିଭୋର କହିବା ଅନୁସାରେ ବିରାଟ କୋହଲି ଭିଭୋର ଅଗାମୀ ଉତ୍ପାଦଗୁଡିକର ଲଞ୍ଚକୁ ପ୍ରମୋଟ କରିବେ । ବିରାଟ କୋହଲି ଭିଭୋର ଉତ୍ପାଦ ଗୁଡିକର ବିଜ୍ଞାପନ ମଧ୍ୟ କରିବେ । ଏହା ଛଡା ବିରାଟ କୋହଲି ଟି.ଭି, ପ୍ରିଣ୍ଟ, ସୋସିଆଲ ମିଡିଆ ଏବଂ ବିଭିନ୍ନ ଇଭେଣ୍ଟରେ ମଧ୍ୟ ଭିଭୋର ପ୍ରଚାର କରିବେ ।
ପୂର୍ବ ବର୍ଷ ବୟକଟ ଚାଇନା ଭାବାବେଗକୁ ନେଇ ବିସିସସଆଇ ଏବଂ ଭିଭୋ ନିଷ୍ପତ୍ତି ନେଇଥିଲେକି ଆଇପିଏଲ ୨୦୨୦ର ପ୍ରାୟୋଜକକୁ ସ୍ଥଗିତ ରଖାଯାଇଥିଲା । ଏବଂ ପୂର୍ବବର୍ଷ ଭିଭୋକୁ ଆଇପିଏଲର ପ୍ରାୟୋଜକତା ରୁ ଓହରିଯାଇଥିଲା । କିନ୍ତୁ ଏଥର ଭିଭୋକୁ ଆଇପିଏଲର ପ୍ରାୟୋଜକତା ପୁଣି ମିଳିଛି ଏବଂ ଏହାକୁ ଏକ ବର୍ଷ ବୃଦ୍ଧି ମଧ୍ୟ କରଯାଇଛି ।
ଅଧିନାୟକ ବିରାଟ କୋହଲି ଭିଭୋର ଆମ୍ବାସଡର ହେବାକୁ ନେଇ କହିଛନ୍ତି ଯେ  “ସେ ଏହାକୁ ନେଇ ଉତ୍ସାହିତ ଅଛନ୍ତି, “ଜଣେ ଖେଳାଳୀ ଭାବେ ଖେଳରେ ନିରନ୍ତରତା ପ୍ରତିବଦ୍ଧତା ଏବଂ ଏହାର ମହତ୍ୱକୁ ବଜାୟ ରଖିବେ ।
ବିରାଟ କହିଛନ୍ତି, ଭିଭୋ ନିଜକୁ ଏକ ବ୍ରାଣ୍ଡ ରୂପେ ଭାରତୀୟ ସ୍ମାର୍ଟଫୋନ ବଜାରରେ ଅଗ୍ରଣୀ କରିପାରିଛି । ଏହା ନୂତନ ଟେକ୍ନୋଲୋଜି ଯୋଗାଇବା କ୍ଷେତ୍ରରେ ଚେଷ୍ଟା ଜାରି ରଖିଛି । ଭିିଭୋ ଯେଉଁଭଳି ଭାବରେ ନିଜର ଗ୍ରାହକଙ୍କ ଜୀବନରେ ଖୁସି ଆଣିଛି, ମୋବାଇଲ କ୍ୟାମେରା ଫଟୋଗ୍ରାଫି କ୍ଷେତ୍ରରେ ଏହା ବହୁତ କାମ କରିଛି । ତେଣୁ ଏଭଳି ବ୍ରାଣ୍ଡ ସହ ଯୋଡିହେବା ଯେଉଁ ବ୍ରାଣ୍ଡ ଦର୍ଶକ ମାନଙ୍କୁ ବୁଝିଥାଏ ଏକ ରୋମାଞ୍ଚକର ଅନୁଭୂତି  ।

ଭିଭୋ ଇଣ୍ଡିଆର ବ୍ରାଣ୍ଡ ଷ୍ଟ୍ରାଟେଜି ହେଡ ନିପୁଣ ମାର୍ଯ୍ୟାଙ୍କ ସୂଚନା ଅନୁସାରେ “ ବିରାଟ କୋହଲି ବ୍ରାଣ୍ଡରେ ସାମିଲ ହେବାକୁ ନେଇ ସେ ଉତ୍ସାହିତ ଅଛନ୍ତି । ଏହା ଯୁବ ଗ୍ରାହକଙ୍କ ସହିତ ଯୋଡି ହେବାପାଇଁ ଏକ ଭଲ ମାଧ୍ୟମ ହେବ ।
ଭିଭୋର କହିବା ଅନୁଯାୟୀ କଂପାନୀ ମେକ ଇନ ଇଂଣ୍ଡିଆରେ କଂପାନୀ ତାର ସ୍ମାର୍ଟଫୋନଗୁଡିକୁ ଗ୍ରେଟର ନୋଏଡା ଠାରେ ତିଆରି କରିଥାଏ ଯେଉଁଠାରେ ୧୦,୦୦୦ କର୍ମଚାରୀ କାମ କରୁଛନ୍ତି ।