ଯଦି କ୍ରିକେଟର ହୋଇ ନ ଥାନ୍ତେ ବିରାଟ କୋହଲି ! ଏଆଇ ତିଆରି କଲା ବାହୁବଳୀ ଠାରୁ ଆରମ୍ଭ କରି ମହାକାଶଚାରୀ ପର୍ଯ୍ୟନ୍ତ ଅନେକ ବିରାଟ

ନୂଆଦିଲ୍ଲୀ: କ୍ରିକେଟ୍ ଗ୍ରାଉଣ୍ଡରେ ବିରାଟ କୋହଲିଙ୍କ ଜଲୱା କିଏ ବା ଦେଖିନାହାନ୍ତି । କିନ୍ତୁ ଯଦି ବିରାଟ କ୍ରିକେଟର ହୋଇ ନ ଥାନ୍ତେ ତେବେ କଣ ହୋଇଥାନ୍ତେ ଓ ତାଙ୍କ ଲୁକ୍ କିପରି ହୋଇଥାନ୍ତା ଏ ବିଷୟରେ କେବେ ଆପଣ କଳ୍ପନା କରିଛନ୍ତି କି? ଏବେ ସୋସିଆଲ୍ ମିଡିଆରେ ବିରାଟଙ୍କ ଭିନ୍ନ ଭିନ୍ନ ଲୁକ୍ସର ଫଟୋ ଭାଇରାଲ୍ ହେବାରେ ଲାଗିଛି । ବିରାଟଙ୍କୁ ଭିନ୍ନ ଭିନ୍ନ ଲୁକ୍ ଦେଇଛି ଏଆଇ ବା ଆର୍ଟିଫିସିଆଲ ଇଣ୍ଟେଲିଜେନ୍ସ । କେତେବେଳେ ବିରାଟ ସେଫ୍ ଭାବରେ ତ ଆଉ କେତେବେଳେ ଗୀଟାର ଧରି ମ୍ୟୁଜିକ୍ କମ୍ପୋଜ କରୁଛନ୍ତି ପୁଣି ଆଉ କେତେବେଳେ ଭିଲିଆନ୍ ରୂପରେ ଦେଖିବାକୁ ମିଳୁଛନ୍ତି ବିରାଟ । ଏଆଇ ଦ୍ୱାରା ଜେନେରେଟ୍ ହୋଇଥିବା ବିରାଟଙ୍କ ଏହି ଫଟୋ ଇନଷ୍ଟାଗ୍ରାମ ୟୁଜର ୱାଇଲ୍ଡ ଟ୍ରାନ୍ସ ସେୟାର କରିଛନ୍ତି । ମିଡ୍ ଜର୍ଣ୍ଣିଂ ଏଆଇ ବିରାଟଙ୍କର ଏହି ଫଟୋସବୁ ତିଆରି କରିଛି । ଏହିସବୁ ଫଟୋ ଦେଖି ଅନୁମାନ କରି ହେଉଛି ବିରାଟ କ୍ରିକେଟ ବ୍ୟତିତ ଯଦି ଅଲଗା ପ୍ରଫେସନରେ ଯାଇଥାନ୍ତେ ତେବେ କିପରି ଦେଖାଯାଇଥାନ୍ତେ ।

ଯଦି ତାଙ୍କୁ ବାହୁବଳୀ ପରି ଫିଲ୍ମରେ କାମ କରିବାକୁ ପଡିଥାନ୍ତା ତେବେ ସେ ବାହୁବଳୀ ରୂପରେ କିପରି ଦେଖାଯାଇଥାନ୍ତେ, ସେଫ୍ ଭାବରେ ପ୍ରଫେସନ ବାଛିଥିଲେ କିପରି ନଜର ଆସିଥାନ୍ତେ, ଫିଲ୍ମରେ ଭିଲିଆନ୍ ହୋଇଥିଲେ କେମିତି ଦେଖାଯାଇଥାନ୍ତେ, ମହାକାଶଚାରୀ ହୋଇଥିଲେ କେମିତି ଦେଖାଯାଇଥାନ୍ତେ , ବୈଜ୍ଞାନିକ ହୋଇ ପରୀକ୍ଷାଗାରରେ ଗବେଷଣା କରୁଥିଲେ କେମିତି ଦେଖାଯାଇଥାନ୍ତେ ଏହିପରି ଭିନ୍ନ ଭିନ୍ନ ଲୁକ୍ ରେ ତାଙ୍କର ଫଟୋ ଏଆଇ ତିଆରି କରିଛି । ତେବେ ଏଥିମଧ୍ୟରେ ବିରାଟଙ୍କ ସିଙ୍ଗର ବା ମ୍ୟୁଜିସିଆନ୍ ଲୁକ୍ ବେଶୀ ଆକର୍ଷଣୀୟ ଲାଗୁଛି । ବିରାଟଙ୍କ ଏହି ଏଆଇ ଜେନେରେଟେଡ୍ ଲୁକ୍ ତାଙ୍କ ଫ୍ୟାନ୍ସଙ୍କୁ ବେଶ୍ ପସନ୍ଦ ଆସିଛି ।