ଶୀଘ୍ର ଓଜନ ହ୍ରାସ କରିବାରେ ପ୍ରଭାବଶାଳୀ ହେଉଛି ୱାଟର ଫାଷ୍ଟିଂ, ଜାଣନ୍ତୁ କ’ଣ କହୁଛନ୍ତି ଏକ୍ସପର୍ଟସ

ନୂଆଦିଲ୍ଲୀ: ଆଜିକାଲି ଉପବାସ କରିବାର ଚଳଣି ବଢିବାରେ ଲାଗିଛି । ଓଜନ କମାଇବା ପାଇଁ ଏହା ଏକ ପ୍ରମୁଖ ଭୂମିକା ଗ୍ରହଣ କରିଛି । ଏହା ପଛରେ ବୈଜ୍ଞାନିକ କାରଣ ମଧ୍ୟ ରହିଛି ଏବଂ ଅନେକ ଅନୁସନ୍ଧାନ ଏହାକୁ ସମର୍ଥନ ମଧ୍ୟ କରୁଛି, ହେଲେ ସୀମିତ ସମୟ ପାଇଁ କରାଯାଉଥିବା ଫାଷ୍ଟିଂରେ ଶରୀରରେ ପୋଷକ ତତ୍ତ୍ୱର କମିବା ଏବଂ ଶରୀରକୁ କ୍ଷତି ପହଁଚାଇପାରେ । ଫାଷ୍ଟିଂରେ ବ୍ଲଡ ସୁଗାର ଲେବଲ, ବିପି ଏବଂ କୋଲେକଷ୍ଟ୍ରଲ ଲେବଲ ପ୍ରଭାବିତ ହୋଇପାରେ । ଫାଷ୍ଟିଂ କରିବା ସମୟରେ ପର୍ଯ୍ୟାପ୍ତ ପରିମାଣରେ ପାଣି ପିଇବା ଆବଶ୍ୟକ । କାରଣ ଏହା କରିବା ଦ୍ୱାରା ଡିହାଇଡ୍ରେସନ ହେବ ନାହିଁ ।

ଅନେକ ଅନୁସନ୍ଧାନରୁ ଜଣାପଡିଛି ଯେ, ଅନେକ ସମୟ ପର୍ଯ୍ୟନ୍ତ ଫାଷ୍ଟିଂରେ ଶରୀରରେ ଫ୍ୟାଟ କମ ହୋଇପାରେ । ହେଲେ ଏହାର ପ୍ରଭାବ ଖୁବ କମ ସମୟ ପାଇଁ । ଯେପରି ଖାଦ୍ୟ ଖାଇବେ ଆପଣଙ୍କ ପେଟ ପୁଣି ବଢିଯିବ । ଫାଷ୍ଟିଂରେ ଶରୀରର ଓଜନ କମିପାରେ ହେଲେ ଏହା ବିଶେଷଭାବେ ଫ୍ୟାଟକୁ କମ କରିପାରେ । ଫାଷ୍ଟିଂ ସହ ଆପଣଙ୍କୁ ନିୟମିତ ଭାବେ ବ୍ୟାୟାମ ଏବଂ ଏକ୍ସରସାଇଜ କରିବା ପଡିବ । ଫାଷ୍ଟିଂରେ ମେଟାବଲିଜିମ ବଢିପାରେ ହେଲେ ଏହା ଫ୍ୟାଟ ଲସ କରିବାର ସଠିକ ଉପାୟ ନୁହେଁ ।

ଯେତେବେଳେ ଆମେ ଖାଦ୍ୟ ଖାଇଥାଉ, ଅତ୍ୟଧିକ ଶକ୍ତି ଶରୀରରେ ଗ୍ଲାଇକୋଜେନ ଆକାରରେ ଗଚ୍ଛିତ ହୁଏ । ଏହି ଗ୍ଲାଇକୋଜେନ ଆମ ଯକୃତ ଏବଂ ମାଂସପେଶୀରେ ଗଚ୍ଛିତ। ଯେତେବେଳେ ଆପଣ ଉପବାସ କରନ୍ତି, ଶରୀର ପ୍ରଥମେ ଏହି ଗ୍ଲାଇକୋଜେନକୁ ଶକ୍ତି ଭାବରେ ବ୍ୟବହାର କରେ। ଯେତେବେଳେ ଗଚ୍ଛିତ ଗ୍ଲାଇକୋଜେନ୍ ହ୍ରାସ ହୁଏ, ଶରୀର ଶକ୍ତି ପାଇଁ ଫ୍ୟାଟ୍ ଷ୍ଟୋର ବ୍ୟବହାର କରିବା ଆରମ୍ଭ କରେ। ଦୀର୍ଘ ସମୟ ଧରି ଉପବାସ କରିବା ଦ୍ୱାରା ଓଜନ ହ୍ରାସ ହୋଇଥାଏ। କିନ୍ତୁ ଏହି ପଦ୍ଧତି ସଠିକ୍ ବିବେଚନା କରାଯାଏ ନାହିଁ।

ଅନୁସନ୍ଧାନ ଅନୁଯାୟୀ, ଦୀର୍ଘ ସମୟ ଧରି ଉପବାସ କରିବା ଦ୍ୱାରା ଶରୀରର ଚର୍ବିରେ ସାମାନ୍ୟ ହ୍ରାସ ଘଟିପାରେ। ତଥାପି, ଚର୍ବି ହ୍ରାସ ପାଇଁ, ନିୟମିତ ଉପବାସ ସହିତ ବ୍ୟାୟାମ ଏବଂ କ୍ୟାଲୋରୀ ନିୟନ୍ତ୍ରଣ କରିବା ଜରୁରୀ।