OMG! ମୂଷା କାମୁଡି ଦେବାରୁ ଯୁବତୀ ନେଲେ ଭୟଙ୍କର ପ୍ରତିଶୋଧ, ମୁଠାରେ ଜାବୁଡି ଧରିଲେ ଆଉ ତା’ ପରେ ଦାନ୍ତରେ..
ନୂଆଦିଲ୍ଲୀ: ଆମେ ଜାଣୁ ମଣିଷଙ୍କ ମଧ୍ୟରେ ପ୍ରତିଶୋଧର ଭାବନା ରହିଛି । ଅର୍ଥାତ୍ କେହି ତା’ ଉପରେ ହିଂସ୍ର ଆଚରଣ କରେ ତ ସେ ବି ହିଂସୁକ ଉପାୟରେ ତା’ର ପ୍ରତିଶୋଧ ନେଇଥାଏ । କିନ୍ତୁ କ’ଣ ଏମିତି କେବେ ହୋଇଥାଏ କି ଆପଣଙ୍କୁ କୁକୁର କାମୁଡିଦେଲା ଆଉ ଆପଣ ପ୍ରତିଶୋଧ ନେବା ଲାଗି କୁକୁରକୁ କାମୁଡିଦେବେ । କିନ୍ତୁ ଚୀନ୍ରେ ୧୮ ବର୍ଷୀୟା ଏକ ଯୁବତୀ ଏପରି କିଛି କାର୍ଯ୍ୟ କରି ଏବେ ଚର୍ଚ୍ଚାକୁ ଆସିଛନ୍ତି ।
ସାଉଥ୍ ଚାଇନା ମର୍ଣ୍ଣିଂପୋଷ୍ଟ ଖବର ଅନୁସାରେ ୟୁନିଭରସିଟିର ଡରମିଟୋରୀରେ ରହୁଥିବା ଜଣେ ଯୁବତୀଙ୍କ ହାତକୁ ଏକ ମୂଷା କାମୁଡି ଦେଇଥିଲା । ଏହାକୁ ନେଇ ଯୁବତୀଙ୍କୁ ଏତେ ରାଗ ଆସିଲା ଯେ, ସେ ମୂଷାକୁ ବାହାର କରିଦେବା କିମ୍ବା ଯନ୍ତାରେ ଧରିବା ପରିବର୍ତ୍ତେ ଭୟଙ୍କର ପ୍ରତିଶୋଧ ନେଇଥିଲେ । ସେ ମୂଷାକୁ କୌଣସି ପ୍ରକାରେ ଧରି ନେଇ ତାର ମୁଣ୍ଡକୁ ଦାନ୍ତରେ କାମୁଡିଦେଲେ । ସେ ଏତେ ଜୋରରେ ମୂଷାକୁ କାମୁଡି ଦେଲେ କି ତା ମୁଣ୍ଡରେ ଯୁବତୀଙ୍କ ଦାନ୍ତର ଦାଗ ରହିଗଲା । ଏହାର କିଛି ସମୟ ପରେ ମୂଷାଟି ଛଟପଟ ହୋଇ ମରି ଯାଇଥିଲା ।
ତେବେ ମୂଷାକୁ ଦାନ୍ତ ଲଗାଇ କାମୁଡିଥିବାରୁ ଯୁବତୀଙ୍କ ଓଠରେ ବି ଆଘାତ ଲାଗିଥିଲା । ତେବେ ସେ ଏବେ ଚିକିତ୍ସା କରାଇବା ପରେ ସୁସ୍ଥ ଅଛନ୍ତି । କିନ୍ତୁ ତାଙ୍କୁ ଚିକିତ୍ସା କରୁଥିବା ଡାକ୍ତର କହିଛନ୍ତି ସେ ଏପରି କେସ୍ ପୂର୍ବରୁ କେବେ ଦେଖି ନ ଥିଲେ । ଡାକ୍ତରଙ୍କୁ ଏହା ଭାବିବାକୁ ବେଶ୍ ସମୟ ଲାଗିଲା କି ସେ ଏହି କେସ୍କୁ ଫାଇଲ୍ରେ କିପରି ବର୍ଣ୍ଣନା କରିବେ । ତେବେ ଯୁବତୀଙ୍କ ଏପରି କାରନାମା ସାମ୍ନାକୁ ଆସିବା ପରେ ଲୋକମାନେ ସୋସିଆଲ ମିଡିଆରେ ତାଙ୍କର ମଜାଦାର ମିମ୍ସ ବନାଇବାରେ ଲାଗିଛନ୍ତି ।
