ଆଜି ମୁହାଁମୁହିଁ ହେବେ ଦିଲ୍ଲୀ-ରାଜସ୍ଥାନ: ଜାଣନ୍ତୁ କଣ ରହିପାରେ ଉଭୟ ଦଳର ପ୍ଲେଇଙ୍ଗ ୧୧
ମୁମ୍ବାଇ: ଚଳିତ ସିଜନରେ ଆଜି ମୁହାଁମୁହିଁ ହେବେ ଦିଲ୍ଲୀ କ୍ୟାପିଟାଲ୍ସ ଏବଂ ରାଜସ୍ଥାନ ରୋୟଲ୍ସ । ମୁମ୍ବାଇର ୱାନଖେଡେ ଷ୍ଟାଡିୟମରେ ଏହି ମ୍ୟାଚ ଖେଳାଯିବ । ତେବେ ଆଜିର ଏହି ମ୍ୟାଚ ଅତି ସଂଘର୍ଷପୂର୍ଣ୍ଣ ରହିବ ବୋଲି ଆଶା କରାଯାଉଛି । ତେବେ ଦିଲ୍ଲୀରେ କରୋନାର କାୟା ବ୍ୟପିଥିବା ବେଳେ ଏହି ମ୍ୟାଚର ସ୍ଥାନ ପରିବର୍ତ୍ତନ କରାଯାଇଛି । ପୂର୍ବରୁ ଏହି ମ୍ୟାୁ ପୁଣେରେ ଖେଳାଯିବାର ସୂଚୀ ରହିଥିଲା । କିନ୍ତୁ ଏହି ମ୍ୟାଚକୁ କରୋନା ପାଇଁ ମୁମ୍ବାଇର ୱାନଖେଡେ ଷ୍ଟାଡିୟମକୁ ସ୍ଥାନାନ୍ତର କରାଯାଇଛି ।
ପୂର୍ବ ମ୍ୟାଚରେ ପଞ୍ଜାବ ବିପକ୍ଷରେ ଦମଦାର ବିଜୟ ହାସଲ କରିଛି ଦିଲ୍ଲୀ । ସେହି ଆତ୍ମବିଶ୍ୱାସ ସହ ଆଜି ରାଜସ୍ଥାନ ବିପକ୍ଷରେ ମଧ୍ୟ ଦିଲ୍ଲୀ ପଡିଆକୁ ଓହ୍ଲାଇବ । ସେପଟେ ରାଜସ୍ଥାନ ମଧ୍ୟ ଚଳିତ ସିଜନରେ କୁବ ସୁନ୍ଦର ପ୍ରଦର୍ଶନ କରି ପଏଣ୍ଟ ଟେବୁଲର ତୃତୀୟ ସ୍ଥାନରେ ରହିଛି । ଶେଷ ମ୍ୟାଚରେ କୋଲକାତା ନାଇଟ ରାଇଡର୍ସକୁ ହରାଇ ଆଜି ଦିଲ୍ଲୀବିରୁଦ୍ଧରେ ଖେଳିବ ରାଜସ୍ଥାନ । ଉଭୟ ଦଳର ବିଜୟ ପାଇଁ ପ୍ଲେଇଙ୍ଗ ୧୧ ଏକ ବଡ ଚାଲେଞ୍ଜ ରହିବ । ତେବେ ଆଜିର ମ୍ୟାଚରେ କଣ ରହିବ ଉଭୟ ଦଳର ପ୍ଲେଇଙ୍ଗ ୧୧ ଆସନ୍ତୁ ଦେଖିବା ।
ପୂର୍ବ ମ୍ୟାଚରେ ପଞ୍ଜାବ ବିପକ୍ଷରେ ଜବରଦସ୍ତ ପ୍ରଦର୍ଶନ କରିଥିଲେ ଦିଲ୍ଲୀର ସମସ୍ତ ଖେଳାଳି । ପଞ୍ଜାବକୁ ମାତ୍ର ୧୧୫ ରନରେ ଅଟକାଇବା ସହିତ ୧୦ ଓଭରରେ ହିଁ ଏହାକୁ ହାସଲ କରି ନେଇଥିଲେ ଦିଲ୍ଲୀର ବ୍ୟାଟ୍ସମ୍ୟାନ । ସେହିପରି ରାଜସ୍ଥାନ ମଧ୍ୟ କୋଲକାତା ବିପକ୍ଷରେ ରୋମାଞ୍ଚକର ବିଜୟ ହାସଲ କରିଛି । ବ୍ୟାଟିଂରେ ଜୋସ ବଟଲର ଏବଂ ବୋଲିଂରେ ୟୁଜବେନ୍ଦ୍ର ଚହଲ ଦଳ ପାଇଁ ସବୁଠୁ ଶକ୍ତିଶାଳୀ ପାଲଟିଛନ୍ତି ।
ଦିଲ୍ଲୀ କ୍ୟାପିଟାଲ୍ସ: ପୃଥ୍ୱୀ ଶ’, ଡାଭିଡ ୱାର୍ଣ୍ଣର, ଋଷଭ ପନ୍ତ(ଅଧିନାୟକ), ଲଳିତ ଯାଦବ, ରୋବମେନ ପାୱେଲ, ଅକ୍ଷର ପଟେଲ, ଶାର୍ଦ୍ଦୁଳ ଠାକୁର, ସରଫରାଜ ଖାନ, କୁଳଦୀପ ଯାଦବ, ମୁସ୍ତାପିଜୁର ରହମାନ ଏବଂ ଖଲୀଲ ଅହମ୍ମଦ
ରାଜସ୍ଥାନ ରୋୟଲ୍ସ: ଦେବଦତ୍ତ ପଡିକ୍କଲ, ଜୋସ ବଟଲର, ସଞ୍ଜୁ ସାମସନ(ଅଧିନାୟକ), କରୁଣ ନାୟାର, ସିମରନ ହେଟମାୟାର, ରିୟାନ ପରାଗ, ରବିଚନ୍ଦ୍ରନ ଅଶ୍ୱୀନ, ଟ୍ରେଣ୍ଟ ବୋଲ୍ଟ, ପ୍ରସିଦ୍ଧ କ୍ରୀଷ୍ଣା, ୟୁଜବେନ୍ଦ୍ର ଚହଲ ଏବଂ ଓବେଡ ମକାୟ
