ମନମୋହନ ସିଂହଙ୍କ ପରଲୋକରେ ଦୁଃଖ ପ୍ରକାଶ କଲେ ସଲମାନ ଖାନ, ରିଲିଜ କରିବେନି ‘ସିକନ୍ଦର’ର ଟିଜର

ନୂଆଦିଲ୍ଲୀ: ମନମୋହନ ସିଂହଙ୍କ ପରଲୋକକୁ ନେଇ ଦୁଃଖପ୍ରକାଶ କଲେ ସଲମାନ ଖାନ। ସେ ରିଲିଜ କରିବାକୁ ମନାକଲେ ସିକନ୍ଦର ଫିଲ୍ମର ଟିଜର। ଏନେଇ ସଲମାନ ଖାନ ବଡ଼ ନିଷ୍ପତ୍ତି ଗ୍ରହଣ କରିଛନ୍ତି। ସଲମାନଙ୍କ ଫ୍ୟାନ୍ସ ସିକନ୍ଦର ଟିଜର ଦେଖିବା ଲାଗି ଖୁବ ଉତ୍ସାହର ସହ ଅପେକ୍ଷା କରିଥିଲେ। ଆଜି ଭାଇଜାନଙ୍କ ୫୯ ତମ ଜନ୍ମଦିନ। ଆଜି ଦିନ ୧୧ଟା ୦୭ ମିନିଟରେ ସିକନ୍ଦର ଫିଲ୍ମର ଟିଜର ରିଲିଜ ହୋଇଥାଆନ୍ତା। କିନ୍ତୁ ଏହି ରିଲିଜକୁ ପୋଷ୍ଟପୋନ କରାଯାଇଛି।

ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କର ପରଲୋକ ଯୋଗୁଁ ଫିଲ୍ମମେକର୍ସମାନେ ଏହି ଟିଜର ରିଲିଜକୁ ସ୍ଥଗିତ ରଖି ପୋଷ୍ଟପୋନ କରିଛନ୍ତି। ଏଥିସହ ସଲମାନଙ୍କ ଫ୍ୟାନ୍ସଙ୍କୁ ଏହା ଅଧିକ ସମୟ ଅପେକ୍ଷା କରିବାକୁ ପଡିବ ନାହିଁ। କାରଣ ଫିଲ୍ମମେକର୍ସ ନୂଆତାରିଖର ଘୋଷଣା ମଧ୍ୟ କରିସାରିଛନ୍ତି।

କେବେ ରିଲିଜ ହେବ ‘ସିକନ୍ଦର’ ଟିଜର:
ସଲମାନ ଖାନଙ୍କ ଅପକମିଙ୍ଗ ଫିଲ୍ମ ‘ସିକନ୍ଦର’କୁ ସାଜିଦ ନାଡିୟାଡୱାଲା ପ୍ରଡ୍ୟୁସ କରିଛନ୍ତି। ବର୍ତ୍ତମାନ ନାଡିୟାଡୱାଲା ଗ୍ରାଣ୍ଡସନ ଏକ୍ସରେ ଏକ ଟ୍ୱିଟ କରିଛମ୍‌ତି। ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ପରଲୋକ ଯୋଗୁଁ ସିକନ୍ଦରର ଟିଜର ପୋଷ୍ଟପୋନ କରାଯାଇଛି। ବର୍ତ୍ତମାନ ଫିଲ୍ମର ଟିଜର ଏଭଳି ସମୟରେ ୨୮ ଡିସେମ୍ବରକୁ ଆସିବ। ଅର୍ଥାତ ଶନିବାର ଦିନ ଫ୍ୟାନ୍ସ ଏହାର ଟିକର ଦେଖିପାରିବେ।

କେବେ ରିଲିଜ ହେବ ଫିଲ୍ମ ‘ସିକନ୍ଦର’:
ସଲମାନ ଖାନଙ୍କ ‘ସିକନ୍ଦର’ ଇଦ ୨୦୨୫ରେ ଦସ୍ତକ ଦେବାକୁ ଯାଉଛି। ଫିଲ୍ମକୁ ଏ. ଆର ମୁରୁଗାଦାସ ଡାୟରେକ୍ଟ କରୁଛନ୍ତି। ସଲମାନ ଖାନଙ୍କ ସହ ରଶ୍ମିକା ମନ୍ଦାନା ଅଭିନୟ କରୁଛନ୍ତି। ବର୍ତ୍ତମାନ ଫିଲ୍ମର ସୁଟିଂ ଚାଲିଛି। ଏହି ଫିଲ୍ମକୁ ନେଇ ସଲାମାନ ଫୋକସ୍‌ଡ ଅଛନ୍ତି। ଗୋଟିଏ ଗୋଟିଏ ଜିନିଷର ସେ ଧ୍ୟାନ ରଖୁଛନ୍ତି। ‘ଟାଇଗର-୩’ରୁ ସଲମାନ ଖାନଙ୍କଠାରୁ ବହୁତ ଆଶା କରାଯାଉଥିଲା, ହେଲେ ଏହି ଫିଲ୍ମ ଏତେ ପରିମାଣରେ ରୋଜଗାର କରିପାରିନଥିଲା।