ବିଲ୍ ଗେଟ୍ସଙ୍କ ଭବିଷ୍ୟବାଣୀ, ଏହି ଚାକିରିକୁ କେବେ ଛଡାଇପାରିବନି AI
ଚର୍ଚ୍ଚାରେ ବିଲ୍ ଗେଟ୍ସଙ୍କ ଭବିଷ୍ୟବାଣୀ ।
ନୂଆଦିଲ୍ଲୀ: ବର୍ତ୍ତମାନ AIର ଯୁଗ । କୃତ୍ରିମ ବୁଦ୍ଧିମତ୍ତା ଆମର ଚିନ୍ତାଧାରା ଏବଂ କାମ କରିବାର ଶୈଳୀକୁ ସମ୍ପୂର୍ଣ୍ଣ ପରିବର୍ତ୍ତନ କରିଦେଇଛି । ଲୋକମାନେ OpenAI, Gemini, Copilot, DeepSeek ଏବଂ ଅନ୍ୟାନ୍ୟ AI ଚାଟବଟ୍ ବହୁଳ ଭାବରେ ବ୍ୟବହାର କରୁଛନ୍ତି । ମଣିଷ ଘଣ୍ଟା ଘଣ୍ଟାରେ କରୁଥିବା କାମ କୃତ୍ରିମ ବୁଦ୍ଧିମତ୍ତା (AI) ସାହାଯ୍ୟରେ ମିନିଟ୍ରେ ହୁଏ ।
ଆଜିକାଲି ଅଧିକାଂଶ ଲୋକ AI ଉପରେ ନିର୍ଭର କରିବା ଆରମ୍ଭ କରିଦେଲେଣି । କମ୍ପାନୀଗୁଡ଼ିକ ଏହାର ସର୍ବାଧିକ ସୁଯୋଗ ନେଉଛନ୍ତି । ଲୋକମାନେ ବେକାରୀ ସମସ୍ୟାକୁ ନେଇ ଚିନ୍ତିତ ହେବାରେ ଲାଗିଛନ୍ତି । ବୃତ୍ତିଗତମାନେ ଚିନ୍ତିତ ଯେ AI ଯୋଗୁଁ ସେମାନେ ଚାକିରି ହରାଇପାରନ୍ତି ।
ମାଇକ୍ରୋସଫ୍ଟର ସହ-ପ୍ରତିଷ୍ଠାତା ବିଲ୍ ଗେଟ୍ସ ଗତ ମାସରେ କହିଥିଲେ ଯେ ଅଧିକାଂଶ କ୍ଷେତ୍ରରେ କୃତ୍ରିମ ବୁଦ୍ଧିମତା ମଣିଷଙ୍କ ସ୍ଥାନ ନେବ ।
କେଉଁ ଚାକିରି ପ୍ରଥମେ ଛଡ଼ାଇବ AI- NVIDIAର ଜେନସେନ୍ ହୁଆଙ୍ଗ୍, ଓପନଏଆଇର ସାମ୍ ଅଲ୍ଟମ୍ୟାନ୍ ଏବଂ ସେଲ୍ସଫୋର୍ସ ସିଇଓ ମାର୍କ ବେନିଅଫ୍ ଭଳି ଅନେକ ଟେକ୍ ଜାଏଣ୍ଟ ବିଶ୍ୱାସ କରନ୍ତି ଯେ AI ଦୁନିଆରେ କୋଡରମାନେ ଆଦୌ ସୁରକ୍ଷିତ ନୁହଁନ୍ତି । ଏହି ଲୋକମାନେ ପ୍ରଥମେ ଚାକିରି ହରାଇବେ । କିନ୍ତୁ ବିଲ୍ ଗେଟ୍ସ କହିଛନ୍ତି କୋଡିଂ ଚାକିରିରେ, ମଣିଷର ଭୂମିକା AI ଅପେକ୍ଷା ଅଧିକ ଗୁରୁତ୍ୱପୂର୍ଣ୍ଣ ହେବ ।
ଏହି ଚାକିରି ନେଇପାରିବନି AI– AI ଯେତେ ଅଗ୍ରଗତି କଲେ ମଧ୍ୟ, ଏହା ଜୀବବିଜ୍ଞାନୀମାନଙ୍କୁ ବଦଳାଇ ପାରିବ ନାହିଁ । ତଥାପି, ଏହା ନିଶ୍ଚିତ ଭାବରେ ରୋଗ ନିର୍ଣ୍ଣୟ ଏବଂ ଡିଏନଏ ବିଶ୍ଳେଷଣ ଭଳି କାର୍ଯ୍ୟ ପାଇଁ ଏକ ଉପଯୋଗୀ ଉପକରଣ ଭାବରେ କାର୍ଯ୍ୟ କରିବ । କାରଣ ଏଥିରେ ବୈଜ୍ଞାନିକ ଆବିଷ୍କାର ପାଇଁ ସୃଜନଶୀଳତାର ଅଭାବ ଅଛି । ଏହା ସହିତ, ଏହା ଶକ୍ତି ବିଶେଷଜ୍ଞମାନଙ୍କୁ ବଦଳାଇ ପାରିବ ନାହିଁ। କାରଣ ଏହି କ୍ଷେତ୍ରଟି ସମ୍ପୂର୍ଣ୍ଣ ସ୍ୱୟଂଚାଳିତ ହେବା ପାଇଁ ଏପର୍ଯ୍ୟନ୍ତ ବହୁତ ଜଟିଳ ।