ମାୟାବତୀ ଦେଲେ ନୂଆ ଅପଡେଟ୍, ଗୁଜବକୁ ସାବଧାନ ରହିବାକୁ କର୍ମୀଙ୍କୁ ଦେଲେ ପରାମର୍ଶ
ଲକ୍ଷ୍ନୌ: ବହୁଜନ ସମାଜ ପାର୍ଟି(ବିଏସପି) ପ୍ରମୁଖ ମାୟାବତୀ ସୋମବାର ପୁଣି ଥରେ କହିଛନ୍ତି କି ତାଙ୍କ ଦଳ ଆଗାମୀ ଲୋକସଭା ନିର୍ବାଚନ ଏକାକୀ ଲଢିବ । ସେ ନିଜ ଦଳର କର୍ମୀଙ୍କୁ ଗୁଜବ ବା ମିଥ୍ୟା ପ୍ରଚାର ଠାରୁ ଦୂରେଇ ରହିବାକୁ ସାବଧାନ କରି ଦେଇଛନ୍ତି ।
ମାୟାବତୀ ସୋସିଆଲ ମିଡିଆ ମଞ୍ଚ ଏକ୍ସରେ ଏକ ପୋଷ୍ଟ କରି କହିଛନ୍ତି, ଆଗାମୀ ଲୋକସଭା ନିର୍ବାଚନ ପାଇଁ ବିଏସପି କୌଣସି ବି ଦଳ ସହ ମେଣ୍ଟ କରିବ ନାହିଁ । ବାରବାର ଘୋଷଣା କରିବା ପରେ ବିମେଣ୍ଟକୁ ନେଇ ଗୁଜବ ପ୍ରଚାର ହେଉଛି । ଏହା ପ୍ରମାଣିତ କରିଦେଉଛି କି ବିଏସପି ବିନା କିଛି ଦଳର ଏଠି ତଣ୍ଟିରେ ଡାଲି ବି ଗଳୁନି । କିନ୍ତୁ ଏମାନେ ଜାଣିନେବା ଉଚିତ କି ବିଏସପି ଲାଗି ଜନତାଙ୍କ ହିତ ହିଁ ସର୍ବୋପରି ଅଟେ ।
1. आगामी लोकसभा आमचुनाव बीएसपी द्वारा किसी भी पार्टी से गठबंधन नहीं करने की बार-बार स्पष्ट घोषणा के बावजूद आएदिन गठबंधन सम्बंधी अफवाह फैलाना यह साबित करता है कि बीएसपी के बिना कुछ पार्टियों की यहाँ सही से दाल गलने वाली नहीं है, जबकि बीएसपी को अपने लोगों का हित सर्वोपरि है।
— Mayawati (@Mayawati) February 19, 2024
ସେ କହିଛନ୍ତି ସର୍ବସମାଜ ବିଶେଷକରି ଗରିବ, ଶୋଷିତ ଓ ଉପେକ୍ଷିତଙ୍କ ହିତ ତଥା କଲ୍ୟାଣ ଲାଗି ବିଏସପିର ଏହି ନିଷ୍ପତ୍ତି ଅଟଳ ରହିବ । ଆମ ଦଳ ସାରା ଦେଶରେ ଏହାର ନିଜ ଲୋକଙ୍କ ମନବଳ, ଶରୀର ବଳ ଓ ଧନର ସାହାରାରେ ନିର୍ବାଚନ ଲଢିବ ।
