ଆମାଜନରେ ଜଙ୍ଗଲରେ ମିଳିଲା ସର୍ବ ବୃହତ ଗଛ;ବୈଜ୍ଞାନିକ ଆରମ୍ଭ କରିଲେ ଅନୁସନ୍ଧାନ

ବ୍ରାଜିଲିଆ:୩ ବର୍ଷର ଯୋଜନା, ୪ ଅଭିଯାନ, ଘନ ଜଙ୍ଗଲରେ ୨ ସପ୍ତାହ ବିପଜ୍ଜନକ ଯାତ୍ରା ପରେ ବୈଜ୍ଞାନିକମାନଙ୍କର ଏକ ଦଳ ଶେଷରେ ଆମାଜନ ଜଙ୍ଗଲର ଉଚ୍ଚତମ ଗଛ ଖୋଜି ପାଇବାରେ ସଫଳ ହୋଇଛନ୍ତି। ଏହି ଗଛଟି ୨୫ ମହଲା କୋଠା ପରି ଉଚ୍ଚ ଅଟେ। ଏହି ବିଶାଳ ଗଛ ତଳେ ପହଞ୍ଚିବା ପରେ ବୈଜ୍ଞାନିକମାନେ ଏହାର ପତ୍ର, ମାଟି ଏବଂ ଅନ୍ୟାନ୍ୟ ନମୁନା ସଂଗ୍ରହ କରିଛନ୍ତି । ଯାହା ବର୍ତ୍ତମାନ ଅନୁସନ୍ଧାନ କରାଯିବ ଯେ ଏହି ଗଛ ପ୍ରକୃତରେ କେତେ ପୁରୁଣା। ବର୍ତ୍ତମାନ ସୁଦ୍ଧା ଯାହା ଆକଳନ କରାଯାଉଛି ଏହା ଅତି କମରେ ୪୦୦ ରୁ ୬୦୦ ବର୍ଷ ପୁରୁଣା ।

ତେବେ ଏହି ଅଞ୍ଚଳରେ ଏତେ ବଡ଼ ଗଛ କାହିଁକି ଅଛି ବୋଲି ବୈଜ୍ଞାନିକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି। ଏହା ସହିତ ସେମାନେ କେତେ ଅଙ୍ଗାରକାମ୍ଳ ଜମା କରୁଛନ୍ତି ତାହା ଜାଣିବା ପାଇଁ ପ୍ରୟାସ କରାଯାଉଛି। ଏହି ବିଶାଳ ବୃକ୍ଷ ଉତ୍ତର ବ୍ରାଜିଲର ଇରାତାପୁର ନଦୀ ପ୍ରକୃତି ଅଭୟାରଣ୍ୟରେ ଅଛି । ଆଞ୍ଜେଲିମ୍ ଭର୍ମେଲୋର ଏହି ଗଛ ଉଚ୍ଚତା ୮୮.୫ ମିଟର (୨୯୦ ଫୁଟ) ଏବଂ ଏହାର ଘନତା ପ୍ରାୟ ୯.୯ ମିଟର (୩୨ ଫୁଟ) । ଆମାଜନରେ ଏହା ସର୍ବ ବୃହତ ଗଛ ଅଟେ । ଅନୁସନ୍ଧାନକାରୀମାନେ ପ୍ରଥମେ ୩ଡି ମ୍ୟାପିଂ ପ୍ରକଳ୍ପର ଅଂଶ ଭାବରେ ୨୦୧୯ ରେ ଉପଗ୍ରହ ଚିତ୍ରରେ ଏହି ବିଶାଳ ଗଛକୁ ଦେଖିଥିଲେ । ଏହା ପରେ ଏକାଡେମିକ୍, ପରିବେଶବିତ୍ ଏବଂ ସ୍ଥାନୀୟ ଗାଇଡ୍ ମାନଙ୍କ ଏକ ଟିମ୍ ଗଛରେ ପହଞ୍ଚିବାକୁ ଚେଷ୍ଟା କରିବା ପାଇଁ ଏକ ଅଭିଯାନ ଆରମ୍ଭ କରିଥିଲେ । କିନ୍ତୁ କଠିନ ଅଞ୍ଚଳରେ ୧୦ ଦିନ ଯାତ୍ରା କରିବା ପରେ ତାଙ୍କୁ ଫେରିବାକୁ ପଡିଲା । ଏହା ପରେ ଗବେଷକମାନେ ଡଙ୍ଗାରେ ୨୫୦ କିଲୋମିଟର (୧୫୫ ମାଇଲ) ଯାତ୍ରା କଲେ।

ଏହା ସହିତ, ସେହି ଗଛରେ ପହଞ୍ଚିବା ପାଇଁ ଆମକୁ ପାର୍ବତ୍ୟ ଜଙ୍ଗଲ ଅଞ୍ଚଳରେ ୨୦ କିଲୋମିଟର ଚାଲିବାକୁ ପଡିଲା । ଗଛ ଉପରକୁ ଯାଇଥିବା ଜଣେ ବ୍ୟକ୍ତି କହିଥିଲେ ଯେ ଏହା ମୁଁ ଦେଖିଥିବା ସବୁଠୁ ସୁନ୍ଦର ଜିନିଷ ଅଟେ।ଵୈଜ୍ଞାନିକମାନେ ବିଶ୍ୱାସ କରନ୍ତି ଯେ ଏହି ଅଞ୍ଚଳରେ ଥିବା ବିଶାଳ ଗଛର ପ୍ରାୟ ଅଧା ଓଜନ ବାୟୁମଣ୍ଡଳରୁ କାର୍ବନ ଅବଶୋଷିତ ହୋଇଥାଏ । ଯାହା ଜଳବାୟୁ ପରିବର୍ତ୍ତନକୁ ବନ୍ଦ କରିବାରେ ସାହାଯ୍ୟ କରେ । ଏହା ସତ୍ବେ ଏହି ଗଛଗୁଡିକର ଅସ୍ତିତ୍ୱ ବିପଦରେ ଅଛି । ଆମାଜନ ଜଙ୍ଗଲ ନଷ୍ଟ ହେବା ଏକ ଭୟାବହ ହାରରେ ବୃଦ୍ଧି ପାଉଛି । ଗତ ତିନିବର୍ଷ ମଧ୍ୟରେ ବ୍ରାଜିଲର ଆମାଜନରେ ହାରାହାରି ବାର୍ଷିକ ଜଙ୍ଗଲ ନଷ୍ଟ ହେବା ପୂର୍ବ ଦଶନ୍ଧି ତୁଳନାରେ ୭୫ ପ୍ରତିଶତ ବୃଦ୍ଧି ପାଇଛି।