ଲକଡାଉନରେ ବାହାରେ ବୁଲୁଥିବାବେଳେ ରାସ୍ତାରୁ ମିଳିଲା ୧୦ ଲକ୍ଷ ଡଲାର

ରାସ୍ତାରେ ନିଜ ପରିବାର ସହ ବାହାରେ ବୁଲିଥିବା ବେଳେ ମିଳିଲା ୧୦ ଲକ୍ଷ ଡଲାର । ଆପଣଙ୍କୁ ଏହା ଆଶ୍ଚର୍ଯ୍ୟ ଲାଗୁଥିଲେ ବି ସତ । ଏଭଳି ଏକ ଆଶ୍ଚର୍ଯ୍ୟକର ଘଟଣା ଆମେରିକାର ବର୍ଜିନିଆରେ ଘଟିଯାଇଛି । ଖବର ମୁତାବକ, ଦେଶରେ ଲକଡାଉନ ଚାଲିଥିବା ବେଳେ ଗତ ରବିବାର ଦିନ ଡେବିଡ ଓ ଏମିଲ ନିଜ ପିଲାମାନଙ୍କୁ ସାଙ୍ଗରେ ନେଇ ବାହାରକୁ ବାହାରିଥିଲେ । ଏମିଲିଙ୍କ କହିବା ଅନୁସାରେ, ରାସ୍ତାରେ ତାଙ୍କୁ ଏକ ବଡ ବ୍ୟାଗ ଦେଖିବାକୁ ମିଳିଥିଲା । ଅଳିଆ ଭାବି ସେମାନେ ଏହାକୁ ନିଜ ଗାଡିରେ ରଖିଦେଇଥିଲେ । କିନ୍ତୁ ଘରେ ଆସିବା ପରେ ଜାଣିବାକୁ ପାଇଲେ କି ସେହି ବ୍ୟାଗରେ ଟଙ୍କା ଅଛି । ପାଖାପାଖି ୧୦ ଲକ୍ଷ ଡଲାର ସେହି ବ୍ୟାଗରେ ଥିବା ଅନୁମାନ କରାଯାଉଛି । ଏନେଇ ସେ ସ୍ଥାନୀୟ ପ୍ରଶାସନକୁ ଖବର ଦେବା ସହ ତାଙ୍କୁ ସମସ୍ତ ଟଙ୍କା ହସ୍ତାନ୍ତର କରିଥିଲେ ।