ଯାତ୍ରା ପେଣ୍ଡାଲରେ ଜୀବନ୍ତ ଘୁଷୁରୀକୁ ମାରି ଖାଇବା ଘଟଣା: ୨ ଜଣଙ୍କୁ ଟେକିନେଲା ପୋଲିସ

ଗଞ୍ଜାମ: ମଞ୍ଚରେ ଘୁଷୁରୀ ମାଂସ ଖାଇବା ଘଟଣାରେ ଆଉ ଜଣେ ଗିରଫ । ନାଟ୍ୟ ମ୍ୟାନେଜର ନାରାୟଣ ସ୍ବାଇଁଙ୍କୁ ଗିରଫ କଲା ବନବିଭାଗ । ପୂର୍ବରୁ ଯାତ୍ରା କଳାକାର ବିମ୍ବାଧର ଗୌଡ଼ ଗିରଫ ହୋଇଥିଲେ । ଆଉ ୩ ଜଣଙ୍କୁ ଖୋଜୁଛି ହିଞ୍ଜିଳି ଥାନା ପୁଲିସ । ଗତ ୨୫ ତାରିଖରେ ରାଳବ ଗ୍ରାମରେ କାଞ୍ଜିଅଁଳା ଯାତ୍ରା ସମୟରେ ନାଟକ ପରିବେଷଣ କରାଯିବା ସମୟରେ ଏହି ଅଭାବନୀୟ ଘଟଣା ଦେଖିବାକୁ ମିଳିଥିଲା ।

ଏହାର ଦୃଶ୍ୟ ସାମାଜିକ ଗଣମାଧ୍ୟମରେ ପ୍ରଘଟ ହେବା ପରେ ଚାରିଆଡୁ କଡ଼ା ନିନ୍ଦା କରାଯାଇଥିଲା । ସୂଚନା ଅନୁସାରେ ଗଞ୍ଜାମ ଜିଲା ହିଞ୍ଜିଳି ଥାନା ଅନ୍ତର୍ଗତ ରାଳବ ଗ୍ରାମରେ ମଞ୍ଚରେ ନାଟକ ପରିବେଷଣ ସମୟରେ ନୃଶଂସତା ଦେଖିବାକୁ ମିଳିଥିଲା । କଳାକାରମାନେ ନାଟକକୁ ଜୀବନ୍ତ କରିବା ଲାଗି ସର୍ବସମ୍ମୁଖରେ ଜୀଅନ୍ତା ଘୁଷୁରିକୁ ମାରି ଖାଇଥିଲେ । ଏହି ଘଟଣା ଲୋକଲୋଚନକୁ ଆସିବା ପରେ ବନ ବିଭାଗ ପକ୍ଷରୁ ତନାଘନା ଆରମ୍ଭ ହୋଇଥିଲା ।

ସୋମବାର ଏହି ଘଟଣାରେ ଜଣଙ୍କୁ ଗିରଫ କରାଯାଇଛି । ନାଟକରେ ଏପରି ନୃଶଂସତା ପାଇଁ ଯାତ୍ରା ପରିଚାଳନା କମିଟିର ଜଣଙ୍କୁ ଗିରଫ କରାଯାଇଥିଲା ଆଜି ଆଉ ଜଣଙ୍କୁ ଗିରଫ କରାଯାଇଛି । ଏହି ଘଟଣାରେ ଆହୁରି ତିନି ଜଣଙ୍କୁ ଧରିବା ପାଇଁ ବନ ବିଭାଗ ଉଦ୍ୟମ ଚଳାଇଛି ।